دوّمتا نامه قُرنتیانِ ره 2
2
1چونکی تصمیم بیگفتم ایوارده شیمی ورجه نایَم تا شمرأ غُرصه دار، نُکونم. 2چون اَگه شمرأ غُرصه دار بُکونم، دِه کی تانه مَره شادَ کونه، جغیر شُمان کی شمرأ غُرصه دار بُکودم؟ 3من نامه یَ جوری شمرأ بینیویشتم تا می اَمون موقع شیمی ورجه، اوشانی کی بایستی مَره شادَه کونید، می غُرصه باعث نیبید. چره کی شُمان همتانِ جا مطمئن بوم کی می شادی شیمی همتانِ شادی ایسه. 4چونکی خَیلی غم و غُرصه مرا و بشکفته دیل و آرسو دکفته چومان مَرا شمرأ بینیویشتم، نه اَنکی شمرأ غُرصه دار بُکونم، بلکی تا بدانید چنقد زیاد شمرأ دوست دَرم.
گُناه کارَ ببخشید
5هسّا، اَگه اینفر غُرصه باعث بِبه، نه فقط مَره، بلکی - اَگه نخوام غُراب بزنم- کم و بیش شُمان، همتانِ غُرصه دار بُکوده. 6چون اَجور آدمِ ره اَ مجازاتی کی ویشتر شُمان اونِ ره سزاوار بدانستید، وَسته. 7پس دِه بایستی اونَ ببخشید و اونَ دیلداری بدید، نَبه کی زیادی غُرصه، اونَ تاوَده. 8پس، شیمی جا خواهش کونَم، اونَ شیمی محبت جا مطمئن بُکونید. 9چون اَنه واسی شمرأ بینیویشتم تا شمرأ امتحان بُکونم و بیدینَم کی هر چی جا فرمان بریدی یا نه؟ 10هر کسیَ کی شُمان ببخشید، منم اونَ بخشَم. و راس راسی اَگه اینفرَ ببخشم- البت اَگه دلیلی بخشئن واسی بِبه - من شیمی واسی، مسیح محضر میان اَطو بُکودَم، 11تا شیطان اَمرا گول نزنه؛ چونکی امان اونِ فتنه ئانِ جا بی خبر نیئیم.
پیروزی مسیحِ درون
12وقتی تْروآس شار بُشوم تا مسیحِ انجیلَ موعظه بُکونَم، با اَنکی خُداوند اویا ایتا پیله دروازه می جُلُو وازا کوده، 13ولی بازم آرام و قَرار ناشتیم چونکی می برار تیتوسَ پیدا نُکودَم. پس اُ آدمان اَمرا خُدافظی بُکودم و مقدونیه منطقه بُشوم.
14ولی خُدایَ شُکر کی، همیشک مسیح درون، اون خو پیروزی میان، اَمرا رانمایی کونه و اونِ دانایی عطرَ بواسطه امان همه جا پخشَ کونه. 15چونکی امان خُدا ره بوی خوشِ مسیح ایسیم چی اوشان میان کی نجات پیدا بُکودید، چی اوشان میان کی هلاکَ بید. 16اینفرِ ره مرگِ بویَ دیئیم کی مرگ سو شه، اینفر دیگر ره زیندگی بویَ دیئیم کی زیندگی سو شه. کیسه کی اَ جور چیانِ لیاقت بدَره؟ 17چونکی امان اُ آدمانِ مانستن نیئیم کی منفعت واسی خُدا کلامَ فروشیدی، بلکی امان خُدا چومانِ جُلُو، مسیح درون گب زنیم. اُ آدمان مانستن کی خالصِ نیت ئان دَریدی و جه خُدا طرف ایسید.
Currently Selected:
دوّمتا نامه قُرنتیانِ ره 2: GIL
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
