اعمال 12
12
یَعقوبونگ اؤلدورمَکی
1ائله بو موقعلَرده هیرودیسِ پادشاه کلیسانینگ بیر پارا آداملارینا ظُلم ائدمَکه باشلادی. 2هیرودیس فرمانینا یوحَنّا کاکاسی، یَعقوبو قیلیج اینن اؤلدوردولَر. 3وختی هیرودیس گؤردو کی یهودیلار بو ایشدَن خوشلاری گلدی، بدتَر ائدی و فرمان وئردی تا پِطرُسی دا توتالّار. بو ایشلَر خَمیر مایاسیز چؤرهک عیدی گؤنلَرینده اولدو. 4هیرودیس پِطرُسی توتاندان سورا، بئلَسینی آتدی زندانا و دؤرد بئیله ناتّور قؤیدو تا اؤنو گؤزلهیلَّر. هر بئیلهده دؤرد آدام وار ایدی. هیرودیس سئیردی کی پِسَخ عیدیندَن سورا، خَلخ حُضوروندا پِطرُسی مُحاکمه ائده. 5پس پِطرُس زنداندا ایدی آما کلیسا آداملاری دائم اؤنونگ ایچی تارئ درگاهینا دُعا ائدیرلَردی.
6بیر گئجه کی صاباسی هیرودیس سئیردی پِطرُسی محاکمه ائده، پِطرُس ایکّی زَنجیره باغلی ایکّی سرباز آراسیندا یاتمیشدی. ناتّورلار دا زندانینگ قاپیسیندا کشیک وئریرلَردی. 7بیردَن رَبّینگ بیر فرشتهسی توردو پِطرُس یانینا و زندانینگ ایچینه بیر ایشّیق دؤشدو. فرشته ووردو پِطرُسینگ پهلیسینه بئلَسینی اویارتدی و دئدی: «تئز اول، تور آیاقی!» و زَنجیرلَر پِطرُسینگ اَللَریندَن آچیلدی تؤکولدو. 8فرشته اؤنا دئدی: «رَختینگ گئ و کَلَشینگ سال قیچینگه.» پِطرُس دا او دئدیگییی ائدی. اوندا فرشته بئلَسینه دئدی: «قابانگ دؤلا اؤزونگه و منیم قولونجومدان گل.» 9پِطرُس چیخدی یازّیا و فرشتهنینگ قولونجوندان گئتدی. او اینانمئیردی کی فرشتهنینگ بو ایشی گرچَک دیر، بلکی گمان ائدیردی کی دیش گؤرور. 10اوللار بیرینجی و ایکّینجی ناتّورلاردان گچندن سورا دَمیرلی دروازهیه ائتیشدیلر کی شَهره ساری آچیلیردی. دروازه اؤز اؤزونه اوللار ایچی آچیلدی و اوللار چیخدیلَر یازّیا و کوچهنینگ آخیرینانچز گئتدیلَر و بیردن او فرشته یوخ اولدو.
11اوندا کی پِطرُس اؤزونه گلدی، دئدی: «ایندی داها مطمئنم کی رَب اؤز فرشتهسینی یوللامیش و منی هیرودیس چنگیندن و واری او جور و جَفالاردان کی یهود خلخی توقّع وارلاری ایدی باشیما گله، قورتارمیش.»
12بونو بیلنده، گئتدی یوحَنّا آناسی، مریم ائوینه. یوحَنّایی مَرقُس دا چاغیریرلاردی. چوخ آدام اؤردا بیر بیر دئییرینه ییغیلمیشلَردی و دُعا ائدیرلَردی. 13پِطرُس در ووراندا، بیر رُدا آدلی جاهال کنیز گلدی تا دری آچا. 14او کنیز پِطرُسینگ سَسینی تانیدی و ذوقدان دری آچمادی بلکی قَچدی ایچری و خبر وئردی کی پِطرُس قاپیدا تورموش! 15ایچَریدهکی آداملار بئلَسینه دئدیلر: «سَن دَلی اولموشانگ.» آما او جاهال کنیز اِصرار ائدیردی و دئییردی کی ائله بئله دیر کی دئییر، آما اوللار دئییرلَردی: «اؤنونگ فرشتهسی دیر.» 16آما پِطرُس ائله بئله در ووروردو. اوللار دری آچاندا پِطرُسی گؤردولَر و اَربَد قالدیلار. 17پِطرُس اَلی اینن اوللارا اشاره ائدیردی کی بیسَس اولالّار. اوندا اوللارا تعریف ائدی کی رَب نهیین بئلَسینی زنداندان گتیرمیش یازّیا. پِطرُس دئدی: «بو گپلَری یَعقوبا و کاکالارا دئیینز.» اوندان سورا اؤردان چیخدی و بیر آیری یئره گئتدی.
18سَحر اولاندا، سربازلار سَخت پریشان اولدولار، چون بیلمئیرلَردی کی پِطرُس باشینا نه گلمیش. 19هیرودیس دستور وئردی تا واری یئری پِطرُس قولونجونا گَزَلَّر؛ پِطرُسی بولمایاندا ناتّورلاری بازخواست ائدی و فرمان وئردی تا بئللَرینی اؤلدورَلَّر. اوندان سورا هیرودیس یهودیهدَن گئتدی قیصریه شَهرینه و بیر مُدّت اؤردا قالدی.
هیرودیسینگ اؤلمَکی
20هیرودیس صور و صِیدون شَهرلَرینینگ آداملاریندان عصبانی ایدی. اوللار ده بئلینه اؤنونگ یانینا گئدیلَر و پادشاهینگ مخصوص خدمتکارینی کی آدی بْلاستوس ایدی مُجاب ائدیلَر و صُلح سئدیلَر. بو سَبریه کی اوللارینگ مملکتی خورَکی ایچی هیرودیس مملکتینه مُحتاج ایدی. 21مَعین اولونموش گؤنده، هیرودیس اؤز پادشاهلیگی قاباسینی گئیدی، تختی اوستونه اؤز یئرینه اوتوردو و جماعت ایچی نُطق ائدی. 22خلخ داد چَکیرلَردی دئییرلَردی: «بو سَس، بیر انسان سَسی دهییل، بلکی بیر تارئ سَسی دیر!» 23ائله او آن، رَبّینگ بیر فرشتهسی هیرودیسی ووردو، بو سَبریه کی هیرودیس او عزّتی وئرمهدی تارئیا. بوتون بَدنینی قورد ووردو و جانی چیخدی.
24آما تارئنینگ کلامی آرتیقتر داغیلیردی و واری یئره ائتیشیردی.
25بارنابا و شائول اؤز خدمتلَرینی تؤکَدندَن سورا، اورشلیمدَن بؤکولدولَر و او یوحَنّایی دا کی بئلَسینی مَرقُس چاغیریرلاردی اؤزلَری اینن گتیردیلَر.
Currently Selected:
اعمال 12: QII
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
اعمال 12
12
یَعقوبونگ اؤلدورمَکی
1ائله بو موقعلَرده هیرودیسِ پادشاه کلیسانینگ بیر پارا آداملارینا ظُلم ائدمَکه باشلادی. 2هیرودیس فرمانینا یوحَنّا کاکاسی، یَعقوبو قیلیج اینن اؤلدوردولَر. 3وختی هیرودیس گؤردو کی یهودیلار بو ایشدَن خوشلاری گلدی، بدتَر ائدی و فرمان وئردی تا پِطرُسی دا توتالّار. بو ایشلَر خَمیر مایاسیز چؤرهک عیدی گؤنلَرینده اولدو. 4هیرودیس پِطرُسی توتاندان سورا، بئلَسینی آتدی زندانا و دؤرد بئیله ناتّور قؤیدو تا اؤنو گؤزلهیلَّر. هر بئیلهده دؤرد آدام وار ایدی. هیرودیس سئیردی کی پِسَخ عیدیندَن سورا، خَلخ حُضوروندا پِطرُسی مُحاکمه ائده. 5پس پِطرُس زنداندا ایدی آما کلیسا آداملاری دائم اؤنونگ ایچی تارئ درگاهینا دُعا ائدیرلَردی.
6بیر گئجه کی صاباسی هیرودیس سئیردی پِطرُسی محاکمه ائده، پِطرُس ایکّی زَنجیره باغلی ایکّی سرباز آراسیندا یاتمیشدی. ناتّورلار دا زندانینگ قاپیسیندا کشیک وئریرلَردی. 7بیردَن رَبّینگ بیر فرشتهسی توردو پِطرُس یانینا و زندانینگ ایچینه بیر ایشّیق دؤشدو. فرشته ووردو پِطرُسینگ پهلیسینه بئلَسینی اویارتدی و دئدی: «تئز اول، تور آیاقی!» و زَنجیرلَر پِطرُسینگ اَللَریندَن آچیلدی تؤکولدو. 8فرشته اؤنا دئدی: «رَختینگ گئ و کَلَشینگ سال قیچینگه.» پِطرُس دا او دئدیگییی ائدی. اوندا فرشته بئلَسینه دئدی: «قابانگ دؤلا اؤزونگه و منیم قولونجومدان گل.» 9پِطرُس چیخدی یازّیا و فرشتهنینگ قولونجوندان گئتدی. او اینانمئیردی کی فرشتهنینگ بو ایشی گرچَک دیر، بلکی گمان ائدیردی کی دیش گؤرور. 10اوللار بیرینجی و ایکّینجی ناتّورلاردان گچندن سورا دَمیرلی دروازهیه ائتیشدیلر کی شَهره ساری آچیلیردی. دروازه اؤز اؤزونه اوللار ایچی آچیلدی و اوللار چیخدیلَر یازّیا و کوچهنینگ آخیرینانچز گئتدیلَر و بیردن او فرشته یوخ اولدو.
11اوندا کی پِطرُس اؤزونه گلدی، دئدی: «ایندی داها مطمئنم کی رَب اؤز فرشتهسینی یوللامیش و منی هیرودیس چنگیندن و واری او جور و جَفالاردان کی یهود خلخی توقّع وارلاری ایدی باشیما گله، قورتارمیش.»
12بونو بیلنده، گئتدی یوحَنّا آناسی، مریم ائوینه. یوحَنّایی مَرقُس دا چاغیریرلاردی. چوخ آدام اؤردا بیر بیر دئییرینه ییغیلمیشلَردی و دُعا ائدیرلَردی. 13پِطرُس در ووراندا، بیر رُدا آدلی جاهال کنیز گلدی تا دری آچا. 14او کنیز پِطرُسینگ سَسینی تانیدی و ذوقدان دری آچمادی بلکی قَچدی ایچری و خبر وئردی کی پِطرُس قاپیدا تورموش! 15ایچَریدهکی آداملار بئلَسینه دئدیلر: «سَن دَلی اولموشانگ.» آما او جاهال کنیز اِصرار ائدیردی و دئییردی کی ائله بئله دیر کی دئییر، آما اوللار دئییرلَردی: «اؤنونگ فرشتهسی دیر.» 16آما پِطرُس ائله بئله در ووروردو. اوللار دری آچاندا پِطرُسی گؤردولَر و اَربَد قالدیلار. 17پِطرُس اَلی اینن اوللارا اشاره ائدیردی کی بیسَس اولالّار. اوندا اوللارا تعریف ائدی کی رَب نهیین بئلَسینی زنداندان گتیرمیش یازّیا. پِطرُس دئدی: «بو گپلَری یَعقوبا و کاکالارا دئیینز.» اوندان سورا اؤردان چیخدی و بیر آیری یئره گئتدی.
18سَحر اولاندا، سربازلار سَخت پریشان اولدولار، چون بیلمئیرلَردی کی پِطرُس باشینا نه گلمیش. 19هیرودیس دستور وئردی تا واری یئری پِطرُس قولونجونا گَزَلَّر؛ پِطرُسی بولمایاندا ناتّورلاری بازخواست ائدی و فرمان وئردی تا بئللَرینی اؤلدورَلَّر. اوندان سورا هیرودیس یهودیهدَن گئتدی قیصریه شَهرینه و بیر مُدّت اؤردا قالدی.
هیرودیسینگ اؤلمَکی
20هیرودیس صور و صِیدون شَهرلَرینینگ آداملاریندان عصبانی ایدی. اوللار ده بئلینه اؤنونگ یانینا گئدیلَر و پادشاهینگ مخصوص خدمتکارینی کی آدی بْلاستوس ایدی مُجاب ائدیلَر و صُلح سئدیلَر. بو سَبریه کی اوللارینگ مملکتی خورَکی ایچی هیرودیس مملکتینه مُحتاج ایدی. 21مَعین اولونموش گؤنده، هیرودیس اؤز پادشاهلیگی قاباسینی گئیدی، تختی اوستونه اؤز یئرینه اوتوردو و جماعت ایچی نُطق ائدی. 22خلخ داد چَکیرلَردی دئییرلَردی: «بو سَس، بیر انسان سَسی دهییل، بلکی بیر تارئ سَسی دیر!» 23ائله او آن، رَبّینگ بیر فرشتهسی هیرودیسی ووردو، بو سَبریه کی هیرودیس او عزّتی وئرمهدی تارئیا. بوتون بَدنینی قورد ووردو و جانی چیخدی.
24آما تارئنینگ کلامی آرتیقتر داغیلیردی و واری یئره ائتیشیردی.
25بارنابا و شائول اؤز خدمتلَرینی تؤکَدندَن سورا، اورشلیمدَن بؤکولدولَر و او یوحَنّایی دا کی بئلَسینی مَرقُس چاغیریرلاردی اؤزلَری اینن گتیردیلَر.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company