اعمال 10
10
پِطرُس و کُرنِلیوس
1قیصریه شَهرینده بیر کیشی زندلیگ ائدیردی کی آدی کُرنِلیوس ایدی. او بیر روملی اَفسر ایدی، بیر بویوک بئیله ایچینده کی او بئیلهنینگ آدی ایتالیالی گُردان ایدی. 2بو کیشی و بوتون اوباسی آدامی تارئ یولونو گئدیرلَردی و تارئدان قورخیرلاردی. کُرنِلیوس اَلی آچیقلیگ اینن خَلخه صَدقه وئریردی و همیشه تارئ حُضوروندا دُعا ائدیردی. 3بیر گؤن ظُهردان سورا، ساعت اؤچه یاخین، رؤیادا آلهیین گؤردو کی تارئنینگ بیر فرشتهسی گلدی یانینا و بئلَسینه دئدی: «کُرنِلیوس!»
4کُرنِلیوس قورخو اینان اؤنا گؤز تیکدی و دئدی: «بویور، آقا!» فرشته بئلَسینه دئدی: «دُعالارینگ و صدقهلَرینگ بیر یادیبودی هَدیه لهیین گئدمیش اوخاری ائتیشمیش تارئ حُضورونا. 5ایندی بیر نئچه آدام یوللا یافا شَهرینه تا بیر شَمعون آدلی کیشییی کی بئلَسینی پِطرُس چاغیریرلار گتیرَلَّر بورا. 6او بیر شَمعون آدلی دَبّاغ یانیندا قالیر کی ائوی دریا قیراقیندا دیر.» 7اوندا کی کُرنِلیوس اینان دانیشان فرشته گئتدی، کُرنِلیوس ایکّی آدام نوکرلَریندن و بئلَسینه خدمت ائدَن سربازلارینگ بیر وفالیسینی چاغیردی. 8کُرنِلیوس واری زادی بئللَرینه دئدی و اوللاری یوللادی یافایا.
9او گؤنونگ صاباسی، اوندا کی اوللار یولدا ایدیلار و شَهره یووق اولیرلاردی، ظُهر چاغی ساعت اون ایکّیه یاخین پِطرُس چیخدی ائوینگ پُشتبامینا تا دُعا ائده. 10پِطرُس آج اولدو و سئدی بیر زاد یئیه. آما ائله بئله کی اوللار خورَکییی آماده ائدیرلَردی، پِطرُس حالدان گئتدی و 11گؤردو کی گؤیلَر آچیلمیش و بیر بویوک سُفره لهیین زاد دؤرد گوشاسیندان آسیلمیش و یئره ساری آشاغی گلیر. 12او سُفره ایچینده واری رَقم حیوان، یئرده سؤرونَن و گؤیونگ قوشلاری وار ایدی. 13اوندا بیر سَس اؤنا دئدی: «پِطرُس، تور آیاقی، کَس و یئ!» 14آما پِطرُس دئدی: «یا رَب، اصلاً اولماز؛ بو سَبریه کی من هئچ زامان بیر حرام یا دا نَجس زاد یئمهمیشم.» 15او سَس گئنه ایکّینجی دفعه ایچی اؤنا دئدی: «او زادا کی تارئ حلال ائدمیش، سَن دئمه حرام.» 16بو، اؤچ دفعه اولوندو و بیردَن او سُفره گؤیه آپاریلدی.
17ائله بئله کی پِطرُس تَعجّب اینان فکر ائدیردی کی بو گؤردوگو رؤیانینگ معنیسی نه دیر، بیردَن او آداملار کی کُرنِلیوس بئللَرینی یوللامیشدی، شَمعون ائوینی بولدیلار و قاپیدا توردولار. 18اوللار اوجا سَس اینن خبر آلدیلار: «او شَمعون کی بئلَسینی پِطرُس چاغیریرلار، بوردا قالیر؟» 19پِطرُس حلی ائله گؤردوگو رؤیایا فکر ائدیردی کی تارئ روحو بئلَسینه دئدی: «باخ، اؤچ کیشی سنینگ قولونجونگا گَزیرلَر. 20تور آیاقی گئد آشاغی و بدون بو کی اؤرهکینگه شَک سالانگ اوللارا قوشول. بو سَبریه کی اوللاری من یوللامیشام.» 21پِطرُس گئتدی آشاغی کیشیلَر یانینا و بئللَرینه دئدی: «گَزدیگینز آدام منم. نه ایچی گلمیشَینز؟» 22اوللار دئدیلر: «کُرنِلیوس، روملی اَفسر بیزی یوللامیش. او بیر عَملی دؤز و تارئدان قورخان آدام دیر و بوتون یهود مِلّتی اوندان خوب دئییرلَر. او بیر مُقدّس فرشته طَریقیندَن هدایت اولدو تا آدام یوللایا سنینگ قولونجونگا کی سن اؤنونگ ائوینه گئدَینگ و او سنینگ سؤزلَرینگی ائشیته.» 23پِطرُس دا اوللاری آپاردی ائو ایچینه تا اؤنا قوناق اولالّار.
او گؤنونگ صاباسی پِطرُس توردو آیاقی و اوللار اینان گئتدی. یافا شَهریندَن کاکالارینگ بیر پاراسی اوللارا قوشولدولار. 24و صاباسی ائتیشدیلَر قیصریه شَهرینه. کُرنِلیوس اوللارینگ یولونو گؤزلهییردی و اؤز قوحوم و خویشلَرینی و یاخین یولداشلارینی دا ییغمیشدی. 25اوندا کی پِطرُس گلدی ائو ایچینه، کُرنِلیوس گئتدی پیشوازینا، قیچینه دؤشدو و بئلَسینی پَرست ائدی. 26آما پِطرُس اؤنو اوخاری ائدی و دئدی: «تور آیاقی؛ من ده بیر انسانام.»
27اوندا ائله بئله کی اؤنونگ اینان دانیشیردی گئتدی ایچری و گؤردو کی چوخ آدام ییغیلمیشلَر اؤرا. 28پِطرُس اوللارا دئدی: «سیزینگ اؤزونز بیلیرَینز کی یهودیلار ایچی جایز دهییل کی بیر آدام اینان کی آیری ملّتینگ دیر مُعاشرت ائدلَّر و او آدامینگ ائوینه گئدَلَّر. آما تارئ منه گؤرسَدمیش کی من هئچکَسه حرام یا دا نَجس دئمیهسیم. 29پس اوندا کی منیم قولونجوما آدام یوللادینز، من بی چون و چرا گلدیم. ایندی دئیینز، نه ایچی آدام یوللادینز منیم قولونجوما؟»
30کُرنِلیوس جواب وئردی: «دؤرد گؤن بوندان ایلَری ائله بو موقع، ظُهردان سورا ساعت اؤچده ائویمده دُعا ائدیردیم کی بیردن بیر آدام کی رَختی ایشّیلییردی قَرشیمه توردو 31و دئدی: ”کُرنِلیوس، سنینگ دُعالارینگ مُستجاب اولموش و صَدقهلَرینگ تارئ حُضوروندا یادا گلمیش. 32ایندی نئچه آدام یوللا یافایا تا او شَمعونی کی بئلَسینی پِطرُس چاغیریرلار گتیرَلَّر بورا. او، دَبّاغ شَمعون یانیندا کی ائوی دریا قیراقیندا دیر، قالیر.“ 33پس فوری یوللادیم سنینگ قولونجونگا و سن دا مُحبّت ائدینگ و گلدینگ. ایندی بیزیم واریمیز بوردا تارئ حُضوروندایاک تا هَرنهیی کی رَب سنه اَمر ائدمیش، ائشیدَک.»
34اوندا پِطرُس دانیشماکا باشلادی و دئدی: «گرچَکدَن ایندی بیلیرَم کی تارئ، آداملار آراسینا فَرق قؤیمئیر؛ 35بلکی واری ملّتلَردَن، هَرکَس کی تارئ قورخوسونو اؤرهکینده واری و دؤز ایشی گؤرور، تارئ حُضوروندا قبول اولیر. 36سیز بیلیرَینز کی تارئ، یهود خَلخینه اؤز کلامینی یوللادی و عیسا مَسیح طَریقیندَن کی واری کَسینگ رَبّی دیر، صُلح و سلامتلیگینگ خوش خَبرینی اعلام ائدی. 37سیزینگ اؤزونز بیلیرَینز، اوندان سورا کی یحیا تَعمید توتماک پیغامینی اعلام ائدی، بو ایش جَلیل ولایتیندن باشلاندی و بوتون یهودیه دا روآج توتدو، 38و تارئ نهیین ناصِرهلی عیسایی، قُدّوس روح و قوّت اینن مَسح و مَعین ائدی. او واری یئره گئدیردی و خوبلیگ ائدیردی و واری او آداملاری کی اِبلیس ظُلمینا گرفتار ایدیلار شفا وئریردی، بو سَبریه کی تارئ اؤنونگ اینان ایدی. 39بیز واری او ایشلَرینگ شاهدلَرییَک کی عیسا هم یهودیلار مملکتینده و هم اورشلیم شَهرینده گؤردو. اوللار اؤنو صَلیبه چَکدیلر و اؤلدوردولر. 40آما تارئ اؤنو اؤچونجو گؤنده دئرّیتدی و اؤنو ظاهر ائدی، 41آما نه واری خلخه، بلکی فقط بیزه کی تارئ بئلَمیزی سَچمیش ایدی تا شاهدلَر اولاک. یعنی بیزلَر کی اؤنونگ اؤلومدَن دئرّیلمَکیندن سورا بئلَسی اینن یئدیک و ایچدیک. 42او بیزه فرمان وئردی تا خلخه اعلام ائدَک و گواهلیگ وئرَک کی عیسا ائله او دیر کی تارئ بئلَسینی مَعین ائدی تا دئرّیلَره و اؤلولَره حکم ائده. 43واری پیغمبرلَر اؤنونگ بارهسینده گواهلیگ وئریرلَر کی هَر کَس عیسایا ایمان گتیره، او آدامینگ گُناهلاری عیسا آدی طَریقیندَن باغیشلانار.»
قُدّوس روح غیریهودیلارا نازل اولیر
44ائله بئله کی پِطرُس حَلی بو گپلَری چالیردی، تارئنینگ قُدّوس روحو کلامی ائشیدنلَرینگ واریسینا نازل اولدو. 45بیر پارا ایماندار، سُنّت اولونموش ملّتدَن یعنی یهودیلاردان، کی پِطرُس اینان گلمیشلَردی حیران قالدیلار، بو سَبریه کی گؤردولَر کی تارئنینگ قُدّوس روحونونگ عَطاسی حتّی غیرییهودیلارا دا نازل اولدو. 46بو خاطره کی ائشیتیرلَردی کی اوللار آیری دیللَره دانیشیرلار و تارئیی اوجالتیرلار. اوندا پِطرُس اعلام ائدی کی: 47«ایندی کی بو آداملار ائله بیزیم لهیین تارئنینگ قُدّوس روحونو آلمیشلار، آیا بیری باشارار کی بو خَلخینگ سودا تَعمید توتماکلارینا مانع اولا؟» 48پس پِطرُس فرمان وئردی تا اوللاری عیسا مَسیح آدیندا تَعمید غُسلی وئرَلَّر. اوندا اوللار پِطرُسدان سئدیلَر کی بیر نئچه گؤن اوللار اینان قالا.
Currently Selected:
اعمال 10: QII
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
اعمال 10
10
پِطرُس و کُرنِلیوس
1قیصریه شَهرینده بیر کیشی زندلیگ ائدیردی کی آدی کُرنِلیوس ایدی. او بیر روملی اَفسر ایدی، بیر بویوک بئیله ایچینده کی او بئیلهنینگ آدی ایتالیالی گُردان ایدی. 2بو کیشی و بوتون اوباسی آدامی تارئ یولونو گئدیرلَردی و تارئدان قورخیرلاردی. کُرنِلیوس اَلی آچیقلیگ اینن خَلخه صَدقه وئریردی و همیشه تارئ حُضوروندا دُعا ائدیردی. 3بیر گؤن ظُهردان سورا، ساعت اؤچه یاخین، رؤیادا آلهیین گؤردو کی تارئنینگ بیر فرشتهسی گلدی یانینا و بئلَسینه دئدی: «کُرنِلیوس!»
4کُرنِلیوس قورخو اینان اؤنا گؤز تیکدی و دئدی: «بویور، آقا!» فرشته بئلَسینه دئدی: «دُعالارینگ و صدقهلَرینگ بیر یادیبودی هَدیه لهیین گئدمیش اوخاری ائتیشمیش تارئ حُضورونا. 5ایندی بیر نئچه آدام یوللا یافا شَهرینه تا بیر شَمعون آدلی کیشییی کی بئلَسینی پِطرُس چاغیریرلار گتیرَلَّر بورا. 6او بیر شَمعون آدلی دَبّاغ یانیندا قالیر کی ائوی دریا قیراقیندا دیر.» 7اوندا کی کُرنِلیوس اینان دانیشان فرشته گئتدی، کُرنِلیوس ایکّی آدام نوکرلَریندن و بئلَسینه خدمت ائدَن سربازلارینگ بیر وفالیسینی چاغیردی. 8کُرنِلیوس واری زادی بئللَرینه دئدی و اوللاری یوللادی یافایا.
9او گؤنونگ صاباسی، اوندا کی اوللار یولدا ایدیلار و شَهره یووق اولیرلاردی، ظُهر چاغی ساعت اون ایکّیه یاخین پِطرُس چیخدی ائوینگ پُشتبامینا تا دُعا ائده. 10پِطرُس آج اولدو و سئدی بیر زاد یئیه. آما ائله بئله کی اوللار خورَکییی آماده ائدیرلَردی، پِطرُس حالدان گئتدی و 11گؤردو کی گؤیلَر آچیلمیش و بیر بویوک سُفره لهیین زاد دؤرد گوشاسیندان آسیلمیش و یئره ساری آشاغی گلیر. 12او سُفره ایچینده واری رَقم حیوان، یئرده سؤرونَن و گؤیونگ قوشلاری وار ایدی. 13اوندا بیر سَس اؤنا دئدی: «پِطرُس، تور آیاقی، کَس و یئ!» 14آما پِطرُس دئدی: «یا رَب، اصلاً اولماز؛ بو سَبریه کی من هئچ زامان بیر حرام یا دا نَجس زاد یئمهمیشم.» 15او سَس گئنه ایکّینجی دفعه ایچی اؤنا دئدی: «او زادا کی تارئ حلال ائدمیش، سَن دئمه حرام.» 16بو، اؤچ دفعه اولوندو و بیردَن او سُفره گؤیه آپاریلدی.
17ائله بئله کی پِطرُس تَعجّب اینان فکر ائدیردی کی بو گؤردوگو رؤیانینگ معنیسی نه دیر، بیردَن او آداملار کی کُرنِلیوس بئللَرینی یوللامیشدی، شَمعون ائوینی بولدیلار و قاپیدا توردولار. 18اوللار اوجا سَس اینن خبر آلدیلار: «او شَمعون کی بئلَسینی پِطرُس چاغیریرلار، بوردا قالیر؟» 19پِطرُس حلی ائله گؤردوگو رؤیایا فکر ائدیردی کی تارئ روحو بئلَسینه دئدی: «باخ، اؤچ کیشی سنینگ قولونجونگا گَزیرلَر. 20تور آیاقی گئد آشاغی و بدون بو کی اؤرهکینگه شَک سالانگ اوللارا قوشول. بو سَبریه کی اوللاری من یوللامیشام.» 21پِطرُس گئتدی آشاغی کیشیلَر یانینا و بئللَرینه دئدی: «گَزدیگینز آدام منم. نه ایچی گلمیشَینز؟» 22اوللار دئدیلر: «کُرنِلیوس، روملی اَفسر بیزی یوللامیش. او بیر عَملی دؤز و تارئدان قورخان آدام دیر و بوتون یهود مِلّتی اوندان خوب دئییرلَر. او بیر مُقدّس فرشته طَریقیندَن هدایت اولدو تا آدام یوللایا سنینگ قولونجونگا کی سن اؤنونگ ائوینه گئدَینگ و او سنینگ سؤزلَرینگی ائشیته.» 23پِطرُس دا اوللاری آپاردی ائو ایچینه تا اؤنا قوناق اولالّار.
او گؤنونگ صاباسی پِطرُس توردو آیاقی و اوللار اینان گئتدی. یافا شَهریندَن کاکالارینگ بیر پاراسی اوللارا قوشولدولار. 24و صاباسی ائتیشدیلَر قیصریه شَهرینه. کُرنِلیوس اوللارینگ یولونو گؤزلهییردی و اؤز قوحوم و خویشلَرینی و یاخین یولداشلارینی دا ییغمیشدی. 25اوندا کی پِطرُس گلدی ائو ایچینه، کُرنِلیوس گئتدی پیشوازینا، قیچینه دؤشدو و بئلَسینی پَرست ائدی. 26آما پِطرُس اؤنو اوخاری ائدی و دئدی: «تور آیاقی؛ من ده بیر انسانام.»
27اوندا ائله بئله کی اؤنونگ اینان دانیشیردی گئتدی ایچری و گؤردو کی چوخ آدام ییغیلمیشلَر اؤرا. 28پِطرُس اوللارا دئدی: «سیزینگ اؤزونز بیلیرَینز کی یهودیلار ایچی جایز دهییل کی بیر آدام اینان کی آیری ملّتینگ دیر مُعاشرت ائدلَّر و او آدامینگ ائوینه گئدَلَّر. آما تارئ منه گؤرسَدمیش کی من هئچکَسه حرام یا دا نَجس دئمیهسیم. 29پس اوندا کی منیم قولونجوما آدام یوللادینز، من بی چون و چرا گلدیم. ایندی دئیینز، نه ایچی آدام یوللادینز منیم قولونجوما؟»
30کُرنِلیوس جواب وئردی: «دؤرد گؤن بوندان ایلَری ائله بو موقع، ظُهردان سورا ساعت اؤچده ائویمده دُعا ائدیردیم کی بیردن بیر آدام کی رَختی ایشّیلییردی قَرشیمه توردو 31و دئدی: ”کُرنِلیوس، سنینگ دُعالارینگ مُستجاب اولموش و صَدقهلَرینگ تارئ حُضوروندا یادا گلمیش. 32ایندی نئچه آدام یوللا یافایا تا او شَمعونی کی بئلَسینی پِطرُس چاغیریرلار گتیرَلَّر بورا. او، دَبّاغ شَمعون یانیندا کی ائوی دریا قیراقیندا دیر، قالیر.“ 33پس فوری یوللادیم سنینگ قولونجونگا و سن دا مُحبّت ائدینگ و گلدینگ. ایندی بیزیم واریمیز بوردا تارئ حُضوروندایاک تا هَرنهیی کی رَب سنه اَمر ائدمیش، ائشیدَک.»
34اوندا پِطرُس دانیشماکا باشلادی و دئدی: «گرچَکدَن ایندی بیلیرَم کی تارئ، آداملار آراسینا فَرق قؤیمئیر؛ 35بلکی واری ملّتلَردَن، هَرکَس کی تارئ قورخوسونو اؤرهکینده واری و دؤز ایشی گؤرور، تارئ حُضوروندا قبول اولیر. 36سیز بیلیرَینز کی تارئ، یهود خَلخینه اؤز کلامینی یوللادی و عیسا مَسیح طَریقیندَن کی واری کَسینگ رَبّی دیر، صُلح و سلامتلیگینگ خوش خَبرینی اعلام ائدی. 37سیزینگ اؤزونز بیلیرَینز، اوندان سورا کی یحیا تَعمید توتماک پیغامینی اعلام ائدی، بو ایش جَلیل ولایتیندن باشلاندی و بوتون یهودیه دا روآج توتدو، 38و تارئ نهیین ناصِرهلی عیسایی، قُدّوس روح و قوّت اینن مَسح و مَعین ائدی. او واری یئره گئدیردی و خوبلیگ ائدیردی و واری او آداملاری کی اِبلیس ظُلمینا گرفتار ایدیلار شفا وئریردی، بو سَبریه کی تارئ اؤنونگ اینان ایدی. 39بیز واری او ایشلَرینگ شاهدلَرییَک کی عیسا هم یهودیلار مملکتینده و هم اورشلیم شَهرینده گؤردو. اوللار اؤنو صَلیبه چَکدیلر و اؤلدوردولر. 40آما تارئ اؤنو اؤچونجو گؤنده دئرّیتدی و اؤنو ظاهر ائدی، 41آما نه واری خلخه، بلکی فقط بیزه کی تارئ بئلَمیزی سَچمیش ایدی تا شاهدلَر اولاک. یعنی بیزلَر کی اؤنونگ اؤلومدَن دئرّیلمَکیندن سورا بئلَسی اینن یئدیک و ایچدیک. 42او بیزه فرمان وئردی تا خلخه اعلام ائدَک و گواهلیگ وئرَک کی عیسا ائله او دیر کی تارئ بئلَسینی مَعین ائدی تا دئرّیلَره و اؤلولَره حکم ائده. 43واری پیغمبرلَر اؤنونگ بارهسینده گواهلیگ وئریرلَر کی هَر کَس عیسایا ایمان گتیره، او آدامینگ گُناهلاری عیسا آدی طَریقیندَن باغیشلانار.»
قُدّوس روح غیریهودیلارا نازل اولیر
44ائله بئله کی پِطرُس حَلی بو گپلَری چالیردی، تارئنینگ قُدّوس روحو کلامی ائشیدنلَرینگ واریسینا نازل اولدو. 45بیر پارا ایماندار، سُنّت اولونموش ملّتدَن یعنی یهودیلاردان، کی پِطرُس اینان گلمیشلَردی حیران قالدیلار، بو سَبریه کی گؤردولَر کی تارئنینگ قُدّوس روحونونگ عَطاسی حتّی غیرییهودیلارا دا نازل اولدو. 46بو خاطره کی ائشیتیرلَردی کی اوللار آیری دیللَره دانیشیرلار و تارئیی اوجالتیرلار. اوندا پِطرُس اعلام ائدی کی: 47«ایندی کی بو آداملار ائله بیزیم لهیین تارئنینگ قُدّوس روحونو آلمیشلار، آیا بیری باشارار کی بو خَلخینگ سودا تَعمید توتماکلارینا مانع اولا؟» 48پس پِطرُس فرمان وئردی تا اوللاری عیسا مَسیح آدیندا تَعمید غُسلی وئرَلَّر. اوندا اوللار پِطرُسدان سئدیلَر کی بیر نئچه گؤن اوللار اینان قالا.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company