نامَه تیتوس 2
2
تعلیم وَلما یاد هادِ
1ولی تو، مِ چِی که طِبک تعلیم وَلمِه، یاد هادِ؛ 2مَردِی گَپ سن باید هوشیار، سنگین رنگین و خوددار بِت و تِی ایمون و محبت و پایداری وَلم رفتار بِکنِت.
3هَمینا هم زنِی گَپ سن باید آبرومند رفتار بِکنِت، نِه اِکِه تهمت بِزنِت یا اَسیر بُری شراب خَردَ بِت. آنایا باید مِ چِی که وَلمِه تعلیم هاتِت، 4تا اُ زِنِی جَوون یاد هاتِت که خاطر شو و بَچیاشو شُبِئِه 5و خوددار و پاک بِت، خونَهدار و مهربو و وَ حرف شوشو بِت تا اُ کلوم خدا بَد گُتَه نِبِه.
6هَمینا هم، اُ جَوونیا تشویک بِکو که خوددار بِت. 7از هر نظر اُ خوت اُلگُنِ کَرِی خَش بِکو. و تِی تعلیمُت روراست و سنگین رنگین بِش. 8حرفیات طوری بِه که کسی اُشنِشابِه محکومُش بِکو، تَ دشمن دلیلی اَسِی بَد گُتَه اُ اَما آنِجُرِ، و اینا خَجالَت زادَ بِبِه.
9غُلومیا باید تِی مَچی از اربابیاشو اطاعت بِکنِت؛ آنایا باید راضی نِگَه شُبِکنِت و جَر و بحث نِکنِت، 10و از آنایا دُزی نِکنِت، بلکه باید ایمون خَشا، کامل نِشو هاتِت، تَ اینا تِی مَچی جُهُنِنِ تعلیم نجاتدَهندَمو خدائا نِشو هاتِت.
11اَسِی که فیض خدا آشکار بُدِ، فیضی که نجاتا اَسِی هَمَه مردم اَدارِ، 12و اُ اَما یاد اَدَ که بیدینی و هوی و هَوسِی اِ دُنیَهوا وِل بِکنِم و وَ خودداری و وَلمی و دینداری تِی اِ دُورَه زَمونَهوا زندگی بِکنِم، 13و منتظر مِ امید مبارکمو بِم، یعنی ظاهر بُدَئِه شکوه و جلال خدای گَپمو و نجاتدَهندَمو عیسی مسیح، 14مِ عیسی مسیحا که جونُش تِی رَهِ اَما اُشدَ تا اُ اَما از هَمَهِ بَدِنیا آزاد بِکو و تا اَسِی خوش یَک کوم، پاک بِکو که مال خوش هِت و اَسِی کَر خَش غیرت شُهَه.
15اِ چِییَهوا اعلام بِکو، خاد اِکتدار کامل تشویک بِکو و نِهِب هادِ. مَهِر کسی اُ تو بی اعتنایی بِکو.
Currently Selected:
نامَه تیتوس 2: LAB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
نامَه تیتوس 2
2
تعلیم وَلما یاد هادِ
1ولی تو، مِ چِی که طِبک تعلیم وَلمِه، یاد هادِ؛ 2مَردِی گَپ سن باید هوشیار، سنگین رنگین و خوددار بِت و تِی ایمون و محبت و پایداری وَلم رفتار بِکنِت.
3هَمینا هم زنِی گَپ سن باید آبرومند رفتار بِکنِت، نِه اِکِه تهمت بِزنِت یا اَسیر بُری شراب خَردَ بِت. آنایا باید مِ چِی که وَلمِه تعلیم هاتِت، 4تا اُ زِنِی جَوون یاد هاتِت که خاطر شو و بَچیاشو شُبِئِه 5و خوددار و پاک بِت، خونَهدار و مهربو و وَ حرف شوشو بِت تا اُ کلوم خدا بَد گُتَه نِبِه.
6هَمینا هم، اُ جَوونیا تشویک بِکو که خوددار بِت. 7از هر نظر اُ خوت اُلگُنِ کَرِی خَش بِکو. و تِی تعلیمُت روراست و سنگین رنگین بِش. 8حرفیات طوری بِه که کسی اُشنِشابِه محکومُش بِکو، تَ دشمن دلیلی اَسِی بَد گُتَه اُ اَما آنِجُرِ، و اینا خَجالَت زادَ بِبِه.
9غُلومیا باید تِی مَچی از اربابیاشو اطاعت بِکنِت؛ آنایا باید راضی نِگَه شُبِکنِت و جَر و بحث نِکنِت، 10و از آنایا دُزی نِکنِت، بلکه باید ایمون خَشا، کامل نِشو هاتِت، تَ اینا تِی مَچی جُهُنِنِ تعلیم نجاتدَهندَمو خدائا نِشو هاتِت.
11اَسِی که فیض خدا آشکار بُدِ، فیضی که نجاتا اَسِی هَمَه مردم اَدارِ، 12و اُ اَما یاد اَدَ که بیدینی و هوی و هَوسِی اِ دُنیَهوا وِل بِکنِم و وَ خودداری و وَلمی و دینداری تِی اِ دُورَه زَمونَهوا زندگی بِکنِم، 13و منتظر مِ امید مبارکمو بِم، یعنی ظاهر بُدَئِه شکوه و جلال خدای گَپمو و نجاتدَهندَمو عیسی مسیح، 14مِ عیسی مسیحا که جونُش تِی رَهِ اَما اُشدَ تا اُ اَما از هَمَهِ بَدِنیا آزاد بِکو و تا اَسِی خوش یَک کوم، پاک بِکو که مال خوش هِت و اَسِی کَر خَش غیرت شُهَه.
15اِ چِییَهوا اعلام بِکو، خاد اِکتدار کامل تشویک بِکو و نِهِب هادِ. مَهِر کسی اُ تو بی اعتنایی بِکو.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company