نامَه اوّل قُرِنتِنیا 13
13
رَهِ محبت
1اَگَه وَ زابُنِی آدامیزاد و فرشتَهیّا حرف بِزنام، ولی محبت اُمنِبِه، یَک سِنج پُر سر و صدا یا یَک طبلی هام که تِکُش خالیه. 2اَگَه کُدرت نبوّت کِردَ اُمبِه و هَمَهِ سِرّیا و هَمَهِ آگاهِنیا اُمبِه، و اَگَه ایمون کامل اُمبِه، طوری که کاوِیَهوا جا وَ جا بِکنام، ولی محبت اُمنِبِه، هیچام. 3اَگَه هر چی که اُمَ، هاتام و اَگَه بَدن خوم تسلیم بِکنام تا تِی تَش بِسُخِه، ولی محبت اُمنِبِه، هیچ فایدَهای اَسِی ما اُشنی.
4محبت صبور و مهربوئِه؛ محبت حسودی یا فخر فروشی ناکو و مغرور نی. 5محبت بی تربیت و خودخواه نی؛ محبت جِخُو تَریخ نابِه یا کینَه اُ دل ناگِرِ؛ 6محبت از بَدی خارام آنابِه، بلکه خاد حکیکت خارامی اَکو. 7محبت مَچیا تحمل اَکو، مَچیا باور اَکو، تِی مَچی امید اُشَه و تِی مَچی طاکَت اَدارِ.
8محبت هِسوَخت تَموم نابِه. نبوّتیا از بین اَچِه، حرف زادَ وَ زابُنِی دِگَه تَموم اَبِه و آگاهی از بین اَچِه. 9اَسِی که جزئی اَدانِم و جزئی هم نبوّت اَکنِم؛ 10ولی وَختی کامل بُدَ بیاد، جزئی بُدَ از بین اَچِه. 11مِ موکَوا که بَچی هادام، چُنِ یَک بَچی حرف مَزاد، چُنِ یَک بَچی فکر مَکِه و چُنِ یَک بَچی مَفَهمی. وَختی مرد بُدام، رفتارِی بَچگونَهئا مُ لَرد نَه. 12اَسِی که، مِ چِی که آلَه اَبِنِم چُنِ یَک عکس تَرَئِه که تِی آینَه اَبِنِم؛ ولی مِ موکَوا رو دَر رو اَبِنِم. آلَه ما جزئی دَرک اَکنام؛ ولی مِ موکَوا کامل دَرک اَکنام هَموناکِه خوم هم کامل دَرک بُدِستام.
13پَ اَلَه، اِ سهتا چی اَدَمانِه: ایمون، امید و محبت. ولی گاتتَهشو محبتِه.
Currently Selected:
نامَه اوّل قُرِنتِنیا 13: LAB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
