نُومَه وِ تیتوس 1
1
1دِ لا پولُس، غُلِمِ خدا وَ رسولِ عیسی مسیح، کِه تعیین بیمَه کِه ایمُونِ بَرگُزیَهیا خدا نِه تقویت بَکِم وَ حقیقتی نِه کِه وِ طبقِ دینداری اَ، بُوئِم، 2ایی حقیقت، ها وِ طبقِ اُمید وِ زِنِهئی ابدی، کِه خدائی کِه اصلا دِرو نِمُوئَه، وِرَز شروعِ دُورُو وَعدَهشِه وِمُو دَه، 3وَ دِ وَختِ دُرِس، او وَعدَه دیاری بی، دِ کلُومی کِه اِعلُومِش وِ هُدِ نجاتدهندَهمُو خدا وِ مِه سپردَه بی،
4وِ تیتوس، کِه وِ طبقِ ایمُونی کِه نِصیوِ گِردِمُو بییَه، کُرِ حقیقیم اَ: فیض وَ صُولوُسِلامتی دِ لا خدای بُوَه وَ نجاتدهندَهمُو مسیح عیسی وِ تو با.
صفتیا مشایخ
5سی یَه تو نِه نِئام دِ کِرت، تا کاریا ناتمُومِ نِه سَرِسامُو بِئی، وَ چِنُو کِه وِت گُتِم دِ هَر شهر مشایخی بَنی.
6یعنی اَر کسی عارِننگی وِ قِیش نوئَه، مِیرَه یِه زَ با، وَ بَچُونِ ایمُوداری داشتوئَه وَ متهم وِ هَرزِئی وَ توربییِه نوئَن. 7سی یَکه یِه ناظر، کِه پیشکارِ خدا اَ، بایِس ننگِعاری وِ قِیش نوئَه. او نَبایِس قورت با یا زی تَش بِئیرَه یا عِرَقی شِرُوی با یا زورگو با یا حرصِ پیل بَزِنَه، 8بلکِم مِمُودوس با، خوئی نِه دوس داشتوئَه، خُوددار با، دُرِسکار وَ مقدس با، نظم داشتوئَه. 9او بایِس وِ کلُومِ قابلِ اعتمادی کِه یای گِرِتَه قُرص بَچَسبَه، تا تُونِسوئَه تعلیمِ دُرِسِ نِه یای بِئَه وَ وِنُونی نِه هَم کِه هان وِ تیشکِ ایی تعلیم توبیخ بَکَه.
10سی یَکه آیِمیا تور، چِنَهمفتزِه وَ آگولباز زیاد اَن، بخصوص وِنُو کِه دِ دَسَه لادِراریا ختنَهآن، 11وِنُو نِه بایِس دَمِشُو نِه بَست، سی یَکِه وِنُو ها سَر وِ گِردِ هوزِحَضِراتیا میشیونَن، وِ سُنَه سودِ ناشرع چیائی تعلیم مِیئَن کِه نَبایِس تعلیم بِئَن. 12یَکی دِ پِیغَمَبریا خُوشُو گُتَه: «مردِمُونِ کِرت هِه دِروزِه وَ جُونِوَریا وحشی گَن وَ گیَه دِردَهیا تنبلی اَن .» 13ایی شاهادَتی راس اَ. پس وِنُو نِه سخت توبیخ کُو تا دِ ایمُو، دُرِس بان، 14وَ وِ مَتَلیا خیالی یهود وَ هُدیا وِنُو کِه دِ حقیقت دیر بینَه، گوش نِئَن. 15سی آیِمیا پاک همَه چی پاک اَ، اما سی وِنُو کِه نِجِس اَن وَ بیایمُو، هیچی پاک نی، بَلکم هَم فکر وَ هَم وجدانِشُو نِجِس اَ. 16وِنُو ادعا میکَن خدا نِه میشناسَن، اما وا کاریاشُو او نِه حاشا میکَن. وِنُو کِفارَتی وَ نافِرمُونَن، وَ سی هَر کارِ خوئی ناجور اَن.
Currently Selected:
نُومَه وِ تیتوس 1: NLB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
