روملولارا 16
16
سالاملار
1و باجیمیز فئبئنی کی، کنخرئیهدهکی کئلئسانین خئدمتکاریدیر، سئزه تاپشیریرام. 2اونی ربده موقدّسلره لایئق اولان شکئلده قبول الهیئن و سئزه نه احتئیاجی وار دیر، اونا کؤمک الهیئن؛ چونکی او دا بئر چوخلارینا و منئم اؤزومه ده کؤمک الهیئب.
3مسئح عئسادا منئم همکارلاریم پرئسکا و اَکئلایا سالام یتئرئن. 4اولار منئم اوچون اؤز جانلارینی خطره سالدیلار و اولاردان آنجاق من یوخ، بلکی بوتون قیرییهودی کئلئسالار تشکّور الهیئرلر. 5اولارین اِوئنده اولان کئلئسایا دا سالام یتئرئن. عزئز دوستوم اَپَنتوسا دا کی ائلک آدام ائدی کی آسئیا منطقهسئنده مسئحه ائمان گتئردی سالام یتئرئن. 6بئزئم اوچون چوخ زحمت چکن مریمه ده سالام یتئرئن. 7منئم قوحوملاریم آندرونئکوس و یونئیاسا کی من ائنن زئنداندا ائدئلر سالام یتئرئن. اولار حوارئلر آراسیندا شؤهرت قازانیبلار و مندن قاباق مسئحه ائمان گتئرئبلر. 8ربده اولان عزئزئم آمپِلئیاتوسا سالام یتئرئن. 9مسئحده همکاریمیز اولان اوربانوس و عزئز دوستوم اِستاخئسه سالام یتئرئن. 10مسئحده تصدئق اولونموش اَپَلّئسه سالام یتئرئن. ارئستوبولوسون اِوئندن اولانلارا دا سالام یتئرئن. 11قوحوموم هئرودئیونا سالام یتئرئن. نارکئسوسون اِوئندن ربده اولانلارا دا سالام یتئرئن. 12رب اوچون زحمت چکن ترایفایئنا و ترایفوسا سالام یتئرئن. عزئز پرسئسه ده کی، ربده چوخ زحمت چکئب سالام یتئرئن. 13روفوسا کی ربده سچئلئب و اونون آناسینا کی منئم حاقّیمدا دا آنالیق الهیئب سالام یتئرئن. 14آسئنکئرئتوسا، فئلگونا، هِرمِسه، پاتروباسا، هِرماسا، و اولار ائنان اولان قارداشلارا سالام یتئرئن. 15فئلولوگوس و جولئیایا، نِرعوس و باجیسینا، اولئمپاسا و اولار ائنان اولان بوتون موقدّسلره سالام یتئرئن. 16بئربئرئزی موقدّس اؤپوش ائنن سالاملایین. مسئحئن بوتون کئلئسالاری سئزه سالام گؤندَرئرلر.
17ای قارداشلار، سئزه یالواریرام کی، او آداملاردان کی آیریلیق سالیرلار و سئزئن یولوزدا مانع یارادیرلار و اؤیرندئیئز تعلئمئن ضدّئنه دئرلر اوزاق قالین. 18چونکی بله آداملار ربّئمئز مسئحه یوخ، بلکی اؤز قارینلارینا قوللوق الهیئرلر؛ و شئرئن و آلداتان نوطقلر ائنن ساده آداملارین اورَکلرئنی آزدیریرلار. 19چونکی سئزئن ائطاعتئزئن خبری هامییا چاتیب. بونون اوچون من ده سئزئن حاقّیزدا سوئنئرم. آمّا ائستهیئرم کی، یاخشی اولان شیلرده حئکمتلی و پئس اولان شیلرده معصوم اولاسیز.
20صولح و سالاماتلیق ورن تاری شیطانی عنقرئب آیاقلاریزین آلتیندا اَزهجک.
ربّئمئز عئسانین فیضی سئز ائنن اولسون.
21همکاریم تئموتاعوس سئزه سالام گؤندَرئر. قوحوملاریم لوکئیوس، یاسون، و سوسئپاتر ده سئزه سالام یتئرئرلر.
22من ترتئیوس دا کی، بو نامه نی یازیرام، ربده سئزه سالام گؤندَرئرم.
23گایوس دا کی من و بوتون کئلئسا اونون قوناقلاریییق سئزه سالام گؤندَرئر.
شهرئن خزئنهداری اولان اِراستوس و کوآرتوس قارداش دا سئزه سالام گؤندَرئرلر.
24«ربّئمئز عئسا مسئحئن فیضی سئزئن هامیز ائنان اولسون. آمئن.»
25ائندی اونا جلال اولسون کی قادئردئر، منئم موژدم و عئسا مسئحئن تعلئمئنه گؤره سئزه قوّوت وره - او سئرّئن کشفئنه گؤره کی، کچمئش زاماندا اوزون بئر مودّت اوچون گئزلی ساخلانمیشدی. 26آمّا ائندی آشکار اولوب و نَبهوی کئتابلارین واسئطهسی ائنن ابدی تارینین حؤکمونه گؤره بئلدئرئلئب کی، بوتون مئلّتلرئن ائماندان اولان ائطاعتئنه باعئث اولسون - 27او تک بئر حئکمتلی تارییا، عئسا مسئحئن واسئطهسی ائنن ابده کئمی جلال اولسون. آمئن.
Currently Selected:
روملولارا 16: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
