۱قورئنتلیلره 8
8
بوتلره تقدئم اولونان قوربانلار
1بوتلره تقدئم اولونان قوربانلار حاقّیندا؛ بئلئرئک کی، «هامیمیز علم صاحئبییئک.» علم تکبّور گتئرر، آمّا محبّت بئنا اِله ر. 2اگر بئر کس دوشونور کی، بئر شی بئلئر، او حله لازیم اولان قدر بئلمئر. 3آمّا کئم تارینی سوئر، او آدام تارینین طرفئندن تانینیر.
4بله ده، بوتلره تقدئم اولونان شیلرئن یمهسی بارهده؛ بئلئرئک کی، «بوت اصلئنده دونیادا هچ بئر شیدئر» و «واحئد تاریدان باشقا تاری یوخدور.» 5حتّا اگر گؤیده و یا یرده تاری چاغیریلانلار اولسا دا -نجه کی، حقئقتن بئر چوخ ’تاریلار‘ و ’ربلر‘ وار- 6بئزئم اوچون بئر تاری وار، یعنی آتا کی، هر شی اونداندیر و بئز اونون اوچون واریق؛ و بئر ربّئمئز وار یعنی عئسا مسئح کی، هر شی اونون واسئطهسی ائنن دئر و بئز اونون واسئطهسی ائنن واریق.
7آمّا هامیدا بو علم یوخدور. بعضئلری ائندئیهجک بوتلره اله آلیشیبلار کی، یدئکلری زامان اونون بوته تقدئم اولوندوغونی دوشونورلر و وئجدانلاری ضعئف اولدوغوندان نجئس اولور. 8«یمک بئزی تارییا مقبول اله مز»؛ یمهسَک، اَسکئیئمئز اولماز، یِسَک ده، بئر شی آرتیرماریق. 9آمّا احتئیاط الهیئن کی، بو آزادلیغیز ضعئف اولانلاری یولدان چیخارتماسین. 10چونکی اگر ضعئف وئجدانلی بئر آدام گؤرسه کی، سن بو علمه صاحئب اولان حالدا، بوتخانادا سوفرهیه اوتوروبسان، مگر جسارت آلماز کی، بوتلره تقدئم اولونان یمکلردن یسئن؟ 11و سنئن علمئنئن نتئجهسئنده وئجدانی ضعئف اولان هلاک اولور؛ او قارداش کی، مسئح اونون خاطئری اوچون اؤلدی. 12بله ده، اؤز قارداشلاریزین ضئدّئنه گوناه الهمک ائنن و اولارین ضعئف وئجدانلارینی یارالاماق ائنان، سئز، مسئحئن ضئدّئنه گوناه الهیئرسئز. 13بونا گؤره، اگر یمک قارداشیمین یولدان چیخماسینا باعئث اولور، من داها اَت اصلا یمهرم کی، قارداشیمی یولدان چیخارتماییم.
Currently Selected:
۱قورئنتلیلره 8: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
