۱قورئنتلیلره 6
6
ائمانلی لار آراسیندا کی داعوالار
1سئزلردن بئرئنئن او بئرئسی ائنن داعواسی اولاندا، نجه جسارت الئیه بئلر کی، مسلهنی موقدّسلرئن حوضورونا یوخ، بلکی ائمانسیزلارین محکمهسئنه آپارسین؟ 2مگر بئلمئرسئز کی، دونیانی مسئحه ائمانلاری اولانلار موحاکئمه اِلئیهجک؟ اگر دونیانی سئز موحاکئمه الئیهجکسئز، آیا قابئل دیئلسئز کی، لاپ کئچئک داعوالاردا حؤکم الئیهسئز؟ 3مگر بئلمئرسئز کی، بئز، ملکلری موحاکئمه الئیهجهیئک، بس نه قدر چوخ، بو دونیانین مسلهلرئنی؟! 4پس اگر بله مسلهلرئن حاقّیندا داعوالاریز وار، نه اوچون او آداملاری قاضی تعیئن الهیئرسئز کی، کئلئسادا هچ حسابا گلمئرلر؟ 5بولاری دیئرم کی، اوتاناسیز. مگر سئزئن آرازدا، بئر نفر ده اولسون، حئکمتلی آدام یوخدور کی، اؤز قارداشلاری آراسیندا قاضی اولسون؟ 6بونون یرئنه قارداش قارداشی محکمهیه آپاریر، اؤزی ده کی، ائمانسیزلارین حوضورونا!
7اصلئنده آرازدا داعوالارین اولماسی، سئزئن اوچون بئر شئکستدئر. حاقسیزلیغا دؤزهسئز، داها یاخشی اولماز؟ مغبون اولاسیز، داها یاخشی اولماز؟ 8عکسئنه، سئز اؤزوز حاقسیزلیق الهیئب، مغبون الهیئرسئز، اؤزی ده اؤز قارداشیزی!
9یوخسا بئلمئرسئز کی، صالح اولمایانلار تارینین پادشاهلیغینی مئراث آلمایاجاقلار. آلدانمایین؛ عئفّتسئزلر، بوتپرستلر، زئناکارلار، کئشئبازلار، اوشاقبازلار، 10اوغرولار، طاماحکارلار، عرقخورلار، سؤیَنلر و شیّادلار تارینین پادشاهلیغینی مئراث آلمایاجاقلار. 11سئزلردن بعضئلرئز ده بو جور ائدئز؛ آمّا ربّئمئز عئسا مسئحئن آدیندا و تاریمیزین موقدّس روحوندا یویولدوز، تقدئس اولوندوز و صالح ساییلدیز.
تارینی بدنئزده ده جلال ورئن
12«هر شی منه جائزدئر،»آمّا هر شی فایدالی دیئل. «هر شی منه جائزدئر،» آمّا قویمارام کی، هچ بئر شی منه موسلّط اولسون. 13«یمک قارین اوچوندور، قارین دا یمک اوچون. و تاری اولارین هر ائکئسئنی ده آرادان آپاراجاق.» آمّا بدن عئفّتسئزلئک اوچون دیئل، بلکی رب اوچوندور و رب ده بدن اوچوندور. 14تاری اؤز قودرتی ائنن فقط رب عئسانی دئرئلتمهدی، بئزی ده دئرئلدهجک. 15مگر بئلمئرسئز کی، بدنلرئز مسئحئن عوضولریدئر؟ ائندی مسئحئن عوضولرئنی گؤتوروب، فاحئشهنئن عوضولری اله یئم؟ اصلا. 16مگر بئلمئرسئز کی، فاحئشه بئر آرواد ائنان یاتان، اونونان بئر بدن اولور؟ چونکی تاری دیئر: «ائکئسی بئر بدن اولاجاقلار.» 17آمّا او آدام کی ربّه قوشولور، اونونان بئر روح اولور.
18عئفّتسئزلئکدن قاچین. ائنسانین الهدئیی هر گوناه بدندن اشئکدئر، آمّا عئفّتسئزلئک الهین بئر آدام اؤز بدنئنئن ضئدّئنه گوناه الهیئر. 19و یا مگر بئلمئرسئز کی، تاریدان آلدیغیز بدن، سئزده یاشایان موقدّس روحون معبدیدئر و سئز اؤزوزونکی دیئلسئز؟! 20چونکی سئز چوخ باها بئر قئیمته آلینیبسیز. اونا گؤره ده، تارینی بدنلرئزده جلال ورئن.
Currently Selected:
۱قورئنتلیلره 6: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
