۱قورئنتلیلره 4
4
مسئحئن خئدمتچئلری کئملردئر؟
1بله ده، هر کس بئزی، مسئحئن خئدمتچئلری و تارینین سئرّلرئنئن وکئللری کئمی سایسین. 2بوندان علاوه، وکئللردن طلب اولونور کی، هر بئری امئن اولسون. 3منئم اوچون اهمئیّت سئز بئر زاددیر کی، سئزئن طرفئزدن و یا ائنسانلارین محکمهسئنده موحاکئمهیه چکئلئم. حتّا من اؤزوم بله، اؤزومی موحاکئمهیه چکمئرم. 4گرچی من اؤزومده بئر تقصئر گؤرمورم، آمّا بو منی تبرعه اله مز، منی موحاکئمه الهین ربدئر. 5بونا گؤره ده تعیئن اولونموش واختدان قاباق، هچ بئر شی حاقّیندا حؤکم اله مهیئن. آمّا ربّئن گلئشئنه قدر گؤزلهیئن کی، قارانلیقدا گئزلهنن شیلری ائشیقلاندیراجاق و اورَکلرئن نئیّتلرئنی آشکار اِلئیهجک و او زامان هر کسئن تحسئنی تاریدان گلهجک.
6قارداشلار، سئزه گؤره بو شیلری اؤزومون و اَپولّوسون حاقّیندا مثل کئمی بیان الهدئم کی، بئزدن اؤیرهنئب، یازیلمیش حدّئندن آرتیق اؤزوزی گومان اله مئیهسئز. اله کی هچ بئرئز او بئرئنئن قاباغیندا تکبّورلی اولماسین. 7چونکی سئزی کئم بؤیوک توتور؟ نهیئز وار کی، آلماییبسیز؟ و اگر آلیبسیز، نه اوچون بس آلمامیش کئمی فخر ساتیرسیز؟
8سئز آرتیق توخسوز؛ سئز آرتیق وارلیسیز؛ سئز بئزسئز پادشاهلار اولوبسوز؛ کاش کی، سئز حقئقتن پادشاهلار اولایدیز کی، بئزده سئز ائنن بئر یرده پادشاهلیق الهیک. 9چونکی من اله دوشونورم کی، تاری بئز حوارئلری اؤلومه محکوم اولانلار کئمی آخیردا صحنهیه چیخارتدی؛ چونکی بئز دونیانین، ملکلرئن و ائنسانلارین تاماشاسی اولموشوق. 10بئز مسئحئن خاطئری اوچون عاغیلسیزیق، آمّا سئز مسئحده عاغیلّیسیز. بئز ضعئفئک، آمّا سئز گوجلوسوز. سئز عئزّتلئسئز، آمّا بئز حؤرمتسئزئک. 11بو ساعاتا کئمی هم آج هم ده سوسوزوق، لوتوک، دؤیولوروک، بیخانومانیق. 12اَللرئمئز ائنن ائشلهیئب، زحمت چکئرئک. بئزی سؤیورلر، بئز خیئر-دوعا ورئرئک. بئزه عذاب ورئرلر، بئز تاب گتئرئرئک. 13بئزه ائفتئرا آتیرلار، بئز یومشاق جاواب ورئرئک. حتّا ائندئیه کئمی ده دونیانین توفالهسی و هر شیئن زئبئلی اولموشوق.
14بولاری یازمیرام کی، سئزی اوتاندیریم. من سئزه عزئز اوشاقلاریم کئمی نصئحت ورئرم. 15چونکی اگر مسئحده مئنلرجه موعلّئمئز اولسا بله، آتالاریز آزدیر. عئسا مسئحده من ائنجئلئن واسئطهسی ائنن سئزه آتا اولدوم. 16بونا گؤره یالواریرام سئزه مندن نومونه گؤتورون. 17بو سببدن ربده عزئز و امئن اولان اوغلوم تئموتاعوسی یانیزا گؤندَرمئشم و او، مسئحده اولان یوللاریمی سئزه خاطیرلاداجاق، نجه کی، هر یرده و هر کئلئسادا تعلئم ورئرم.
18ائندی بعضئلر مغرور اولوبلار، اله بئل کی، من سئزئن یانیزا گلمهیهجهیم. 19آمّا اگر رب ائستهسه، تزلئک ائنن یانیزا گلهجهیم و مغرور اولانلارین سؤزونی یوخ، گوجلرئنی بئلهجهیم. 20چونکی تارینین پادشاهلیغی سؤزده یوخ، گوجدهدئر. 21نه ائستهیئرسئز؟ یانیزا ال آغاجی ائنن گلئم، یوخسا محبّت و مولایئم بئر روح ائنان؟
Currently Selected:
۱قورئنتلیلره 4: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
