۱قورئنتلیلره 3
3
کلئسادا چکئشمه؟
1قارداشلار، من سئز ائنن روحانئلر ائنن دانیشان کئمی دانیشا بئلمهدئم، بلکی جئسمانئلر کئمی، مسئحده کؤرپهلر کئمی دانیشدیم. 2من سئزه آغیر یمک یوخ، سود وردئم. چونکی اونی یمهیه گوجوز چاتمیردی، ائندی ده چاتمیر. 3چونکی سئز حله ده جئسمانئسئز. آرازدا پاخیلّیق و چکئشمه اولماسیندان آیا جئسمانی دیئلسئز؟ آیا آیری ائنسانلار کئمی یاشامیرسیز؟ 4چونکی اگر بئری «من پولوسدان تَبَعئیّت اله یئرم» او بئری ده «من اَپولّوسدان تَبَعئیّت اله یئرم» دیئر، آیا آیری ائنسانلار کئمی دیئلسئز؟
5اَپولّوس کئمدئر؟ پولوس کئمدئر؟ اولار آنجاق خئدمتکاردیرلار کی، سئز اولارین واسئطهسی ائنن، ربّئن هر کسه وردئیی فورصته گؤره ائمان گتئردئز. 6من اَکدئم، اَپولّوس سوواردی، آمّا تاری بؤیوتدی. 7بونا گؤره، موهوم اولان اَکن و یا سوواران دیئل، بؤیودن تاریدیر. 8اَکن ائنن سووارانین دَیَری بئردئر، آمّا هر بئری چکدئیی زحمتئنه گؤره اجر آلاجاق. 9چونکی بئز تاری ائنن ائشلهین ائشچئلرئک؛ آمّا سئز تارینین زمئسی، تارینین عئمارتئسئز.
10من، تارینین منه وردئیی فیضه گؤره، حئکمتلی بئر معمار کئمی بونؤوره قویدوم و آیری بئر آدام اونون اوستونده بئنا الهیئر. آمّا هر کس نجه بئنا الهدئیئنه دئقّت الهسئن. 11چونکی هچ کئم قویولان بونؤورهدن، یعنی عئسا مسئحدن باشقا بئر بونؤوره قویا بئلمز. 12اگر بئری بو بونؤوره اوستونده قیزیلدان، گوموشدن، قئیمتلی داشلاردان، تاختادان، ساماندان، کولَشدن بئنا الهسه، 13هر بئرئنئن ائشی آشکار اولاجاق؛ اونا گؤره کی، او ’گون‘ اورتایا چیخاجاق، چونکی اود ائنان آچیغا چیخاجاق. و اود اؤزی هر کسئن ائشئنئن کیفئیّتئنی ائمتاحان الئیهجک. 14کئمئن بئنا الهدئیی داوام گتئرسه، او، اجر آلاجاق. 15کئمئن ائشی یانسا، او، ضرر چکهجک، آمّا اؤزی اوددان چیخان کئمی نئجات تاپاجاق.
16مگر بئلمئرسئز کی، سئز تارینین معبدئسئز و تارینین روحی سئزده ساکئندئر؟ 17کئم تارینین معبدئنی محو الهسه، تاری اونی محو اِلئیهجک. چونکی تارینین معبدی موقدّسدئر؛ بو معبد ده سئزسئز.
18هچ کئم اؤزونی آلداتماسین. سئزلردن هر کس اگر اؤزونی بو عصرده حئکمت صاحئبی ساییر، قوی عاغیلسیز اولسون کی، بلکه حئکمت آلسین. 19چونکی بو دونیانین حئکمتی تارینین حوضوروندا عاغیلسیزلیقدیر. نجه کی، یازیلیب دا: «تاریدیر کی، حئکمت صاحئبلرئنی اؤزلرئنئن حؤقّهبازلیقلاری ائنن گئرئفتار الهیئر.» 20گئنه ده یازیلیب: «رب بئلئر کی، حئکمت صاحئبلرئنئن دوشونجهلری فایداسیزدیر.» 21بونا گؤره، هچ کئم ائنسانلارا فخر اله مه سئن، چونکی هر شی سئزئندئر. 22ائستر پولوس اولسون، ائستر اَپولّوس؛ ائستر کئفا اولسون، ائستر دونیا؛ ائستر حیات اولسون، ائستر اؤلوم، ائستر ائندئکی شِیلر اولسون، ائستر گلن گونلرده کی؛ هامیسی سئزئندئر. 23و سئز ده مسئحئنسئز، مسئح ده تارینیندیر.
Currently Selected:
۱قورئنتلیلره 3: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
