۱قورئنتلیلره 2
2
اعلان الهدئیئمئز پیام نهدئر؟
1قارداشلار، او زامان کی، تارینین حاقّینداکی شهادتی سئزه اعلان الهمک اوچون یانیزا گلدئم، کلام و یا حئکمت صاحئبی کئمی گلمهدئم. 2چونکی آرازدا اولاندا نئیّتئم بو ائدی کی، عئسا مسئحدن باشقا هچ بئر شی بئلمهیئم، او دا چارمیخا چکئلمئش عئسا مسئح. 3من سئزئن یانیزدا ضعئفلئک، قورخی و چوخ لرزه ائچئنده ائدئم. 4سؤزوم و اعلانیم دا حئکمتئن ائناندیران کلامی ائنن دیئلدی، بلکی موقدّس روحون و قودرتئن ظوهوری ائنن ائدی کی، 5ائمانیز ائنسانلارین حئکمتئنده یوخ، بلکی تارینین قودرتئنده اولسون.
تارینین گئزلی حئکمتی
6آمّا کامئللر آراسیندا حئکمت سؤزلرئنی دانیشیریق؛ آمّا نه بو عصرئن، نه ده بو دؤورون کچئب گدن حاکئملرئنئن حئکمتئنی. 7بلکی بئز تارینین سئرّی حئکمتئندن، یعنی گئزلی قالمیش حئکمتئندن دانیشیریق. او حئکمت کی، تاری اونی ازلدن بئزئم عئزّتئمئز اوچون موقدّر الهیئب. 8او حئکمت کی، بو دونیانین حاکئملرئندن هچ بئری اونی درک اله مهیئب. چونکی درک اله سیدئلر، جلال ربّئنی چارمیخا چکمزدئلر. 9آمّا نجه کی، یازیلیب دا:
«او شیلر کی هچ گؤز گؤرمه یئب،
هچ قولاق اشئتمه یئب،
و هچ ائنسانین اورهیی دوشونمه یئب،
تاری اولاری اؤز سونلری اوچون حاضیرلاییب.»
10آمّا تاری بولاری بئزه موقدّس روحون واسئطهسی ائنن آشکار الهدی. اونا گؤره کی، موقدّس روح هر شیی، حتّا تارینین درئنلئیئنی بله آراشدیریر. 11چونکی ائنسانین دوشونجهلرئنی، ائنسانین اؤز ائچئنده اولان روحوندان باشقا کئم بئلئر؟! بله ده تارینین دوشونجهلرئنی تارینین روحوندان باشقا هچ کئم بئلمئر. 12ائندی بئز بو دونیانین روحونی یوخ، بلکی تاریدان گلن موقدّس روحی آلمیشیق کی، تارینین بئزه نه باغیشلادیغینی بئلک. 13دانیشدیغیمیز بو شیلر ده، ائنسان حئکمتئنئن اؤیرتدئیی سؤزلری ائنن یوخ، بلکی روحانی فئکئرلری روحانی سؤزلر ائنن ترکئب الهیئب، موقدّس روحون اؤیرتدئکلری ائنن بئلدئرئرئک. 14آمّا نفسانی آدام، تارینین روحوندان گلن شیلری قبول الهمئر، چونکی اولار بونا عاغیلسیزلیق گؤرونور و اولاری آنلایا بئلمئر. چونکی بولاری روحون واسئطهسی ائنن تفتئش الهمک اولار. 15روحانی آدام هر شی حاقّیندا حؤکم الئیه بئلر، آمّا اونون بارهسئنده هچ کئم حؤکم الئیه بئلمز.
16«چونکی ربّئن فئکرئنی کئم بئلئب کی،
اونا تعلئم ورسئن؟!»
آمّا بئزده مسئحئن فئکری وار.
Currently Selected:
۱قورئنتلیلره 2: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
