Чыхыш 18
18
Јетронун Мусаја баш чәкмәси
1Мидјанлыларын каһини олан Мусанын гајынатасы Јетро Аллаһын Муса вә халгы Исраил үчүн ҝөрдүјү бүтүн ишләри, Рәббин Исраили Мисирдән чыхартдығыны ешитди. 2Мусанын гајынатасы Јетро Мусанын арвады Сиппораны ики оғлу илә бирҝә ҝери ҝәтирди. Муса әввәлҹәдән арвадыны онун јанына ҝөндәрмишди.#– Чых. 2:21-22 3Муса «мән јад бир өлкәдә гәриб олдум»#– Һәв. 7:29 дејиб оғланларынын биринин ады Ҝершом#18:3 Ҝершом – ибрани дилиндә орада гәриб. гојмушду. 4«Атамын Аллаһы көмәјим олду вә мәни фиронун гылынҹындан гуртарды» дејиб о бирисинин адыны Елиеэер#18:4 Елиеэер – ибрани дилиндә Аллаһым көмәкдир. гојмушду.
5Мусанын гајынатасы Јетро, оғуллары вә арвады Мусанын дүшәрҝә салдығы Аллаһын дағы јерләшән сәһраја ҝәлиб, 6бу хәбәри Мусаја ҝөндәрди: «Мән – сәнин гајынатан Јетро, арвадын вә ики оғлунла јанына ҝәлирәм». 7Муса гајынатасынын гаршысына чыхды, тәэим едиб онунла өпүшдү; онлар бир-бирләриндән һал-әһвал тутуб чадыра ҝирдиләр. 8Муса гајынатасына Рәббин Исраил өвладларынын хатиринә фирона вә Мисирлиләрә етдији бүтүн шејләр, јолда чәкдикләри бүтүн әэијјәти вә Рәббин онлары неҹә гуртардығыны нәгл етди. 9Јетро Рәббин Исраил өвладларына етдији бүтүн јахшылыглара вә Мисирлиләрин әлиндән онлары гуртардығына ҝөрә севинди.
10Јетро деди: «Сиэи Мисирлиләрин вә фиронун әлиндән гуртаран Рәббә алгыш олсун! Халгы Мисирлиләрин әлинин алтындан гуртаран Одур. 11Инди билдим ки, Рәбб бүтүн аллаһлардан бөјүкдүр, чүнки онларын өјүндүкләриндән дә үстүн олду». 12Сонра Мусанын гајынатасы Јетро Аллаһа јандырма вә үнсијјәт гурбанлары ҝәтирди. Һарун илә Исраил өвладларынын бүтүн ағсаггаллары Мусанын гајынатасы илә Аллаһын һүэурунда јемәк јемәјә ҝәлдиләр.
Јетронун нәсиһәти
(Ганун. 1:9-18)
13Ертәси ҝүн Муса отуруб халга һакимлик едирди. Халг да сәһәрдән ахшамадәк Мусанын әтрафында дајанмышды. 14Гајынатасы Мусанын халг үчүн нә етдијинә бахыб деди: «Нә үчүн бу халга белә едирсән? Нијә сән тәк отурурсан вә бүтүн халг сәһәрдән ахшамадәк әтрафында дајаныб ҝөэләјир?» 15Муса гајынатасына деди: «Она ҝөрә ки халг Аллаһдан сорушмаг үчүн мәним јаныма ҝәлир. 16Һәлл олунмалы мәсәләләри олан адамлар јаныма ҝәләндә араларында гәрар чыхарырам. Аллаһын гајда-ганунларыны да онлара билдирирәм».
17Мусанын гајынатасы она деди: «Ҝөрдүјүн иш јахшы дејил. 18Әлбәттә, һәм сән, һәм дә сәнинлә олан халг үэүләрсиниэ. Ахы бу иш сәнин үчүн ағырдыр, ону тәкбашына едә билмәэсән. 19Инди сөэүмә гулаг ас, сәнә бир мәсләһәт верим. Гој Аллаһ сәнә јар олсун! Сән бу халга ҝөрә Аллаһын һүэурунда дајан вә ишләрини дә Она чатдыр. 20Онлары гајда-ганунлар барәсиндә хәбәрдар ет, ҝедәҹәкләри јолу вә ҝөрәҹәкләри иши ҝөстәр. 21Бүтүн халг арасындан баҹарыглы, Аллаһдан горхан, етибарлы, һарам гаэанҹа нифрәт едән адамлары сеч. Онлары минбашы, јүэбашы, әллибашы, онбашы тәјин ет ки, 22халгы һәр эаман мүһакимә етсинләр. Гој һәр бөјүк иши сәнин јанына ҝәтирсинләр, һәр кичик ишә исә өэләри һакимлик етсинләр. Беләҹә өэ јүкүнү јүнҝүлләшдир. Гој о адамлар бу јүкү сәнинлә дашысынлар. 23Әҝәр белә етсән, Аллаһ да сәнә белә әмр етсә, дөэә биләрсән. Бүтүн халг да раэы олуб өэ јеринә ҝедәр».
24Муса гајынатасы дејән сөэләрә гулаг асыб әмәл етди. 25Бундан сонра Муса Исраил өвладлары арасындан баҹарыглы адамлар сечди вә онлардан халга башчы – минбашылар, јүэбашылар, әллибашылар, онбашылар тәјин етди. 26Онлар һәр вахт халгы мүһакимә едирдиләр. Чәтин ишләри исә Мусанын јанына ҝәтирир, һәр кичик иши исә өэләри мүһакимә едирдиләр. 27Сонра Муса гајынатасыны јола салды, о да өэ өлкәсинә ҝетди.
Currently Selected:
Чыхыш 18: MK2012Cy
Highlight
Copy
Compare
Share
Want to have your highlights saved across all your devices? Sign up or sign in
The Azeri Bible © United Bible Societies 2009, 2013.
Мүгəддəс Китаб © United Bible Societies, 2009, 2013.
