Matewu 3
TSO89
3
Ta ku dyondzisa ka Yohane Mukhuvuri
(Mk. 1:1-8; Lk. 3:1-9,15-17; Yoh. 1:19-28)
1Enkarhini wolowo ku humelela Yohane Mukhuvuri, a dyondzisa emananga ya Yudiya, 2#Es. 11:1; Mt. 4:17; Mk. 1:15a ku: “Hundzukani, hikuva Mfumo wa matilo wu le kusuhi.” 3#Es. 40:3Yohane hi yena munhu loyi a nga vuriwa hi muprofeta Esaya, loko a te:
“Rito ra munhu la huwelelaka emananga, ri ri:
‘Khulelani ndlela ya Hosi,
mi lulamisa magondzo ya yona.’ ”
4 # II Tih. 1:8 Yohane yoloyi a a ambele nguvu yo lukiwa hi voya bya kamela, a tikhamile hi vamba ra dzovo, swakudya swa yena a swi ri tinjiya ni vulombe bya nhova. 5Kutani vaaki va Yerusalema, ni vaaki hinkwavo va Yudiya ni va tiko hinkwaro leri nge kusuhi na Yordani, a va huma va ya ka yena; 6kutani a a va khuvula enambyeni wa Yordani, va ri karhi va tivula swidyoho swa vona.
7 # Mt. 12:34; 23:33 Kambe loko a vona Vafarisi ni Vasaduki lavo tala va ta ku ta khuvuriwa hi yena, a ku ka vona: “Rixaka ra timhiri, i mani la nga mi tsundzuxa ku baleka vukari bya Xikwembu lebyi taka xana? 8Vekani mihandzu leyi fambelanaka ni ku hundzuka ka n'wina. 9#Yoh. 8:33Naswona mi nga anakanyi, mi ku: ‘Hi na Abrahama, a nga yena tata wa hina.’ Hikuva ndza mi byela leswaku Xikwembu xi nga pfuxela Abrahama evana hi maribye lawa. 10#Mt. 7:19Nisweswi xihloka xi vekiwile etimitswini ta mirhi; murhi wun'wana ni wun'wana lowu nga vekiki mihandzu leyinene, wu ta tsemiwa wu hoxiwa endzilweni. 11Loko ndzi ri mina, ndzi mi khuvula hi mati hi ku ya hi ku hundzuka ka n'wina, kambe loyi a taka endzhaku ka mina, wa ndzi tlula hi matimba; a swi ndzi fanelanga ku n'wi hluvula tintanghu;#Kumbe: ku rhwala tintanghu ta yena hi yena la nga ta mi khuvula hi Moya lowo Kwetsima ni ndzilo. 12Rihlelo ri le vokweni ra yena; ú ta peperha hinkwaswo leswi nge xivuyeni xa yena, a heta; kutani mavele,#mavele, kumbe: koroni, trigo ú ta ma chela enguleni ya yena; kambe mungu wona, ú ta wu hisa endzilweni lowu nga timekiki.”
Ta ku khuvuriwa ka Yesu
(Mk. 1:9-11; Lk. 3:21-22)
13Enkarhini wolowo Yesu a huma eGaleliya, a ya eYordani eka Yohane ku ya khuvuriwa hi yena. 14Kambe Yohane a ala a ku: “Hi mina loyi a fanelaka ku khuvuriwa hi wena, kasi wena u ta eka mina!” 15Yesu a n'wi hlamula, a ku: “Ndzi pfumelele sweswi, hikuva swa fanela leswaku hi hetisisa leswo lulama hinkwaswo hi ndlela leyi.” Kutani Yohane a n'wi pfumelela. 16Kuteloko Yesu a khuvuriwile, a hatla a huma ematini; kutani hi nomu lo matilo ma pfuleka, a vona Moya wa Xikwembu wu xika tanihi tuva, wu ta ehenhla ka yena. 17#Gen. 22:2; Ps. 2:7; Es. 42:1; Mt. 12:18; 17:5; Mk. 1:11; Lk. 9:35Kutani ku twakala rito leri humaka etilweni, ri ku: “Loyi i N'wananga la rhandzekaka,#Kumbe: N'wananga la nga swakwe loyi ndzi n'wi tsakelaka.”

Brought to you with the compliments of the

Bible Society of South Africa. © Bible Society of South Africa. Used with Permission. All rights reserved.

Support us and become a sower of hope.

Learn More About BIBELE Mahungu Lamanene