Aba Levi 18
18
Nizya kughonana ukwa mwiko
1U Mwene akamubuzya u Mozesi akati, 2“Ubabuzye aba Izilayeli uti, Ane ne Mwene u Chala winyu. 3Mutakeghelelaye inkalo iya ba Ijiputi, muchisu chicho mukikalaghamo, pamo ukweghelela inkalo iya ba Kenani, muchisu chicho nkubatuma amwe losi ulu. 4Mukonkaye indaghilo zyane, sona mubombaye zizyo nkubalamula. Ane ne Mwene u Chala winyu. 5#Neh. 9.29; Ezk. 18.9, 20.11-13; Luk. 10.28; Lom. 10.5; Gal. 3.12Polelo musungilile inyiho ni ndaghilo zizyo nkubapa pakuti nanti umuntu wesi yuyo akubomba bunubu akwiza pakuba nubumi. Ane ne Mwene.”
6Atakabepo nayumo umuntu pakasi papinyu uwakughona nu mukamu wache. Ane ne Mwene.
7Utakaghonaye nu nyoko pakuti ichi chikumukozya ughuso isoni. Utakamukozyanje isoni unyoko pakughona nawe, pakuti we nyoko.
8 #
Lev. 20.11; Ukk. 22.30, 27.20 Utakamukozyanje ughuso isoni pakughona na bachi bache abanji.
9 #
Lev. 20.17; Ukk. 27.22 Utakaghonaye nu muyemba wako, pamo uwa mwa nyoko uyunji, manyi apapiwe nawe poka manyi apapiwe ku bunji.
10Utakaghonaye nu mwizukulu wako umulindu, pakuti ichi chingakukozya isoni.
11Utakaghonaye nu muyemba wako yuyo apapiwe mwa nyina uyunji, pakuti yunuyu muyemba wako.
12Utakaghonaye nu nyokosenje, pakuti yunuyu libanda lyoka nu ghuso. 13#Lev. 20.19-20Utakaghonaye nu wamwabo uwa nyoko, pakuti yunuyu we nyoko.
14Utakaghonaye nu muchi uwa wamwabo uwa ghuso, pakuti yunuyu we nyoko.
15 #
Lev. 20.12
Utakaghonaye nu muchi uwa mwana wako, pakuti yunuyu we mulasagha wako.
16 #
Lev. 20.21
Utakaghonaye nu mukoyi wako, pakuti ichi chingamukozya isoni uwamwinyu.
17 #
Lev. 20.14; Ukk. 27.23 Utakaghonaye nu mukolo poka nu mwana wache umulindu. Utakaghonaye nu mwizukulu wache, pakuti bosi banaba bakamu bako. Chinicho gho mwiko.
18Utakamusendaye umuzuna uwa muchi wako pakuba muchi wako uwabubili, pakuti ukwiza pakubika ubulwani pakasi papabo.
19 #
Lev. 20.18
Utakaghonaye nu mukolo bo ali ni chakumwezi, pakuti akuba muntu munyazu.
20 #
Lev. 20.10
Utakaghonaye nu muchi uwa mupalamani wako pakuti ichi chingakunyazya.
21 #
Lev. 20.1-5
Utakamubikaye nayumoyumo umwana wako ukuti abanje chakwiyipa kwa chala u Moleki, pakuti pakubomba bunubu ukulisamula itabwa ilya Chala wako. Ane ne Mwene.
22 #
Lev. 20.13
Utakaghonanaye nu mwanavuli ngati po ukughonana nu mukolo. Chinichi cho chintu ichamwiko.
23 #
Ezk. 22.19; Lev. 20.15-16; Ukk. 27.21 Utakaghonanaye ni chinyamana nukwinyazya wemwene. Umukolo atakiyipe ku chinyamana ukuti aghonane nacho. Chinichi gho mwiko.
24Mutakinyazyanje mwebene ni vintu vinivi, pakuti umu momumo bakinyazizya bene abantu aba inko babo nkubachimbizya pantazi papinyu. 25Chope ni chisu chikanyala nkani, umwakuti nkachifunda pachifukwa icha mbibi zyache, po ichisu chikabatapika abantu babo bakikalagha mulamula. 26Loli amwe mukonkaye indaghilo zyane nukubomba zizyo nkubalamula. Mutakabombaye ivintu ivyamwiko vinivi, manyi mwe benekaya manyi bayeni babo bakwikala pakasi papinyu. 27Pakuti abantu aba muchisu chicho nkubatuma bakabomba ivintu ivyamwiko vinivi, umwakuti ichisu chikanyala nkani. 28Po nanti mukuchinyazya ichisu, chikwiza pakubatapika, ukuyana namumo chikabatapikila abantu babo bakikalagha mulamula, bo amwe muchili nukufikamo.
29Pakuti umuntu wesi yuyo akubomba ivintu ivyamwiko vinivi, akwiza pakwepusiwapo pakasi pabantu abaluko lwache. 30Po mukonkaye indaghilo zyane, sona mutakabombaye ivintu ivyamwiko vivyo abantu bala bakabombagha, bo amwe muchili nukufikamo. Mutakinyazyanje mwebene ni vintu vinivi. Ane ne Mwene u Chala winyu.
Currently Selected:
Aba Levi 18: LMB2024
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.
