Aba Levi 17
17
Ibanda ipaghuliwa
1U Mwene akamubuzya u Mozesi akati, 2Umubuzye u Aloni na bana bache poka naba Izilayeli bosi uti u Mwene akuti, 3Umu Izilayeli wesi yuyo akubika inkambaku, pamo umwana uwa ng'ozi, pamo imbuzi muvisakasa, pamo kuzi ukwa visakasa 4mubuzilo ubwa kwiza navyo pamulyango uwa Chisakasa icha Mwene ukuti chibanje chakwiyipa kwa Mwene, umuntu yula apalaghula inongwa iyakukupula ibanda, po epusiwanje pakasi pabantu bosi. 5Ichi chikung'anamula ukuti aba Izilayeli bakwiza pakubika ivyakwiyipa vyabo kwa Mwene, mubuzilo ubwa kuvibika mutwaya. Bizaye navyo ku muputi pamulyango uwa Chisakasa icha Mwene, nukuvibika palapala ukuti chibanje chakwiyipa ichabupoka. 6Umuputi anyafile ibanda mumbazu izya chighemo pamulyango uwa Chisakasa icha Mwene nukocha amafuta. Umunusi uwa mafuta ghukwiza pakumuhobosya u Mwene. 7Polelo aba Izilayeli batakabe basita kusubiliwa kwa Mwene pakubika ivyakwiyipa vyabo kumizimu imibibi yiyo yikuboneka ngati mbuzi. Ululaghilo lunulu lubanje ulwa bwila na bwila mupaka inkulilo zyosi izya muntazi.
8Ubabuzye uti, “Nanti umu Izilayeli yumo, manyi muyeni yuyo akwikala pakasi papabo, akubika ichakwiyipa ichakocha pamo ichakwiyipa ichinji 9ukusita ukwiza nacho pamulyango uwa Chisakasa icha Mwene, umuntu yulayula epusiwanje pakasi pabantu.”
10 #
Ubw. 9.4; Lev. 7.26-27, 19.26; Ukk. 12.16, 23, 15.23 Nanti umu Izilayeli yumo, manyi muyeni yuyo akwikala pakasi papabo akulya ibanda, u Mwene akwiza pakumusula nukumwepusyapo pakasi pabantu bache. 11#Heb. 9.22Pakuti ubumi ubwa chintu chosi ichabumi buli mwibanda, po nabapa ibanda pakuba chakupepesezya imbibi zyinyu pachighemo, pachifukwa ichakuti ibanda lyo lilyo likupepesezya imbibi izya muntu. 12Cho chifukwa nababuzya aba Izilayeli ukuti, “Nayumo umuntu atakalyanje ibanda, manyi muyeni yuyo akwikala pakasi papinyu.”
13Nanti umu Izilayeli yumo, pamo umuyeni yuyo akwikala pakasi papinyu, akubinga ichinyamana pamo ichiyuni chicho chingalyewa, akupulile ibanda pasi nukulifukila. 14Pakuti ubumi ubwa chintu chosi ichabumi buli mwibanda. Po cho chifukwa u Mwene ababuzya aba Izilayeli ukuti, “Mutakalyanje ibanda ilya chinyamana chosi, pachifukwa ichakuti ubumi ubwa chintu chosi ichabumi buli mwibanda. Po umuntu wesi yuyo akulya ibanda akwiza pakwepusiwapo pakasi pabantu.”
15Nanti umuntu yumo manyi mwenekaya, manyi muyeni nanti akulya ichinyamana ichifwe chene manyi chakulika, achape amenda ghache nukogha, loli akuba muntu munyazu mupaka pachamabwila. Pisinda pache akwiza pakuba muntu muswepu. 16Loli nanti atakuchapa amenda ghache, sona nanti atakogha, inongwa yibanje pamutu wache.
Currently Selected:
Aba Levi 17: LMB2024
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.
Aba Levi 17
17
Ibanda ipaghuliwa
1U Mwene akamubuzya u Mozesi akati, 2Umubuzye u Aloni na bana bache poka naba Izilayeli bosi uti u Mwene akuti, 3Umu Izilayeli wesi yuyo akubika inkambaku, pamo umwana uwa ng'ozi, pamo imbuzi muvisakasa, pamo kuzi ukwa visakasa 4mubuzilo ubwa kwiza navyo pamulyango uwa Chisakasa icha Mwene ukuti chibanje chakwiyipa kwa Mwene, umuntu yula apalaghula inongwa iyakukupula ibanda, po epusiwanje pakasi pabantu bosi. 5Ichi chikung'anamula ukuti aba Izilayeli bakwiza pakubika ivyakwiyipa vyabo kwa Mwene, mubuzilo ubwa kuvibika mutwaya. Bizaye navyo ku muputi pamulyango uwa Chisakasa icha Mwene, nukuvibika palapala ukuti chibanje chakwiyipa ichabupoka. 6Umuputi anyafile ibanda mumbazu izya chighemo pamulyango uwa Chisakasa icha Mwene nukocha amafuta. Umunusi uwa mafuta ghukwiza pakumuhobosya u Mwene. 7Polelo aba Izilayeli batakabe basita kusubiliwa kwa Mwene pakubika ivyakwiyipa vyabo kumizimu imibibi yiyo yikuboneka ngati mbuzi. Ululaghilo lunulu lubanje ulwa bwila na bwila mupaka inkulilo zyosi izya muntazi.
8Ubabuzye uti, “Nanti umu Izilayeli yumo, manyi muyeni yuyo akwikala pakasi papabo, akubika ichakwiyipa ichakocha pamo ichakwiyipa ichinji 9ukusita ukwiza nacho pamulyango uwa Chisakasa icha Mwene, umuntu yulayula epusiwanje pakasi pabantu.”
10 #
Ubw. 9.4; Lev. 7.26-27, 19.26; Ukk. 12.16, 23, 15.23 Nanti umu Izilayeli yumo, manyi muyeni yuyo akwikala pakasi papabo akulya ibanda, u Mwene akwiza pakumusula nukumwepusyapo pakasi pabantu bache. 11#Heb. 9.22Pakuti ubumi ubwa chintu chosi ichabumi buli mwibanda, po nabapa ibanda pakuba chakupepesezya imbibi zyinyu pachighemo, pachifukwa ichakuti ibanda lyo lilyo likupepesezya imbibi izya muntu. 12Cho chifukwa nababuzya aba Izilayeli ukuti, “Nayumo umuntu atakalyanje ibanda, manyi muyeni yuyo akwikala pakasi papinyu.”
13Nanti umu Izilayeli yumo, pamo umuyeni yuyo akwikala pakasi papinyu, akubinga ichinyamana pamo ichiyuni chicho chingalyewa, akupulile ibanda pasi nukulifukila. 14Pakuti ubumi ubwa chintu chosi ichabumi buli mwibanda. Po cho chifukwa u Mwene ababuzya aba Izilayeli ukuti, “Mutakalyanje ibanda ilya chinyamana chosi, pachifukwa ichakuti ubumi ubwa chintu chosi ichabumi buli mwibanda. Po umuntu wesi yuyo akulya ibanda akwiza pakwepusiwapo pakasi pabantu.”
15Nanti umuntu yumo manyi mwenekaya, manyi muyeni nanti akulya ichinyamana ichifwe chene manyi chakulika, achape amenda ghache nukogha, loli akuba muntu munyazu mupaka pachamabwila. Pisinda pache akwiza pakuba muntu muswepu. 16Loli nanti atakuchapa amenda ghache, sona nanti atakogha, inongwa yibanje pamutu wache.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.