Aba Efeso 6
6
Nizya bana na bapapi
1 #
Kols. 3.20
Mwe bana, mubivwilaye abapapi binyu mwa Mwene, pakuti zinizi zyo zizyo mubaghiye pakubomba. 2#Ukf. 20.12; Ukk. 5.16“Chindika ughuso nu nyoko.” Ili lyo lilamulo ilyakwanda lilyo lili ni layizyo ilyakuti, 3“Umwakuti ivintu vikwendelaye akiza, sona nukuti amasiku agha bumi bwako muchisu ichapasi ghabanje minji.”
4 #
Kols. 3.21
Namwe bulo mwe bawise, mutakabakalalizyanje abana binyu, loli mubakuzye akiza pakubamanyisya ivimanyisyo ni ndaghilo izya Mwene.
Nizya bazya na bamwene
5 #
Kols. 3.22-25
Amwe mwe bazya, mubivwilaye abamwene binyu aba muchisu ichapasi nubogha, sona nu muchizi uwenecho. Mubombaye zinizi nu moyo uwanaloli ngati po mukumubombela u Kilisitu. 6Mutakabombaye bunubu ukuti mubahobosye bo bakubenelezya, awe. Loli amwe mwe bazya aba Kilisitu, po mubombaye nu moyo ghosi zizyo u Chala akulonda. 7Bomba imbombo yinyu mubuhobosu ngati po mukumubombela u Mwene, abantu, awe. 8Pakuti muzimenye ukuti u Mwene akwiza pakumupa umuntu wesi umuvwalo wache ukuyana ni mbombo inyiza zizyo abomba, manyi muzya, manyi musatuke.
9 #
Ukk. 10.17; Kols. 3.25, 4.1 Umwakuyana bulo, namwe mwe bamwene, mubabombelaye bunubu abazya binyu. Mutakaboghofyanje pakuti muzimenye ukuti mwebosi muli nu Mwene winyu kumwanya, yuyo atakwennya icheni icha muntu.
Nizya vilwilo vivyo u Chala akutupa
10Ichabumalilo nkuti mwimaye nkani mwa Mwene, nukwimilila nkani mumaka ghache amakulu. 11Muvwalaye ivilwilo vyosi vivyo u Chala akutupa, umwakuti mungalwa nu buchevu ubwa Satana. 12Pakuti tutakulwa na bantu, awe. Tukulwa na bamwene na balaghili, na maka agha muchisu icha chisi ichi, sona ni mizimu imibibi iya mumwanya. 13Polelo vwala ivilwilo ivya Chala, umwakuti mwimaye nkani pisiku lilyo mukwiza pakukomana ni vintu ivibibi, sona bo mwamala pakubomba vyosi ukuti mwimaye.
14 #
Yes. 11.5, 59.17 Po mwimaye nkani, bo mwavwala ubwanaloli bubo we lamba mumisana yinyu. Vwala ubugholosu ubwa Chala pakuba chilwilo chinyu icha chela icha pachifuba. 15#Yes. 52.7Ukwiyannya kwinyu pakulumbilila Amazyu Amiza aghamutende ko kubanje zyo nkwato zizyo mukuvwala kunyayo zyinyu. 16Ukonjelezya pavyosi vinivi mubanje nu lwitiko pakuba ngulu yinyu iyakuzimya nayo utulasilo utwakwaka umoto utwa Mubibi yula. 17#Yes. 59.17Vwala ubupoki pakuba chisote chinyu, sona amazyu agha Chala ghabanje wepanga uwa Muzimu Umuzelu. 18Mubombaye zyosi zinizi munyiputo. Akabalilo kosi mwiputaye kwa Chala ukuti abavwe. Akabalilo kosi mwiputaye umwakulongoziwa nu Muzimu Umuzelu. Pachifukwa ichi mubanje maso, sona mutakanyokelaye mwisinda. Mubiputilaye bwila abantu bosi abazelu aba Chala. 19Sona nane munyiputilaye ukuti u Chala abike amazyu mumulomo wane bo nkufumusya, umwakuti imbamanyisye abantu nu bujivu nkani nizya kubusyefu izya Mazyu Amiza. 20Napapo indi mujele, ane ne mwimilili pachifukwa icha Mazyu Amiza ghanagha. Mwiputaye ukuti inene nu bujivu nkani ukuyana namumo imbaghiye pakunenela.
Ukulamuka ukwabumalilo
21 #
Imbo. 20.4; 2 Tim. 4.12; Kols. 4.7-8 U Tikika, umukamu witu umughaniwa, sona yuyo mubombi umusubiliwa uwa Mwene, akwiza pakubabuzya amwe zyosi izya ane, sona nizya mbombo yiyo nkubomba. 22Nkumutuma kukwinyu pafundo yiniyi ukuti mumanye namumo tubeleye, nukughakazya amoyo ghinyu.
23Umutende nu lughano, sona nu lwitiko ivyakufuma kwa Tata u Chala, sona ni vyakufuma kwa Mwene witu u Yesu Kilisitu vibanje na bakamu bosi. 24Ichisa icha Chala chibanje na bantu bosi babo bamughanite u Mwene witu u Yesu Kilisitu nu lughano lulo lutakufwapo nalumolumo.
Currently Selected:
Aba Efeso 6: LMB2024
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.
Aba Efeso 6
6
Nizya bana na bapapi
1 #
Kols. 3.20
Mwe bana, mubivwilaye abapapi binyu mwa Mwene, pakuti zinizi zyo zizyo mubaghiye pakubomba. 2#Ukf. 20.12; Ukk. 5.16“Chindika ughuso nu nyoko.” Ili lyo lilamulo ilyakwanda lilyo lili ni layizyo ilyakuti, 3“Umwakuti ivintu vikwendelaye akiza, sona nukuti amasiku agha bumi bwako muchisu ichapasi ghabanje minji.”
4 #
Kols. 3.21
Namwe bulo mwe bawise, mutakabakalalizyanje abana binyu, loli mubakuzye akiza pakubamanyisya ivimanyisyo ni ndaghilo izya Mwene.
Nizya bazya na bamwene
5 #
Kols. 3.22-25
Amwe mwe bazya, mubivwilaye abamwene binyu aba muchisu ichapasi nubogha, sona nu muchizi uwenecho. Mubombaye zinizi nu moyo uwanaloli ngati po mukumubombela u Kilisitu. 6Mutakabombaye bunubu ukuti mubahobosye bo bakubenelezya, awe. Loli amwe mwe bazya aba Kilisitu, po mubombaye nu moyo ghosi zizyo u Chala akulonda. 7Bomba imbombo yinyu mubuhobosu ngati po mukumubombela u Mwene, abantu, awe. 8Pakuti muzimenye ukuti u Mwene akwiza pakumupa umuntu wesi umuvwalo wache ukuyana ni mbombo inyiza zizyo abomba, manyi muzya, manyi musatuke.
9 #
Ukk. 10.17; Kols. 3.25, 4.1 Umwakuyana bulo, namwe mwe bamwene, mubabombelaye bunubu abazya binyu. Mutakaboghofyanje pakuti muzimenye ukuti mwebosi muli nu Mwene winyu kumwanya, yuyo atakwennya icheni icha muntu.
Nizya vilwilo vivyo u Chala akutupa
10Ichabumalilo nkuti mwimaye nkani mwa Mwene, nukwimilila nkani mumaka ghache amakulu. 11Muvwalaye ivilwilo vyosi vivyo u Chala akutupa, umwakuti mungalwa nu buchevu ubwa Satana. 12Pakuti tutakulwa na bantu, awe. Tukulwa na bamwene na balaghili, na maka agha muchisu icha chisi ichi, sona ni mizimu imibibi iya mumwanya. 13Polelo vwala ivilwilo ivya Chala, umwakuti mwimaye nkani pisiku lilyo mukwiza pakukomana ni vintu ivibibi, sona bo mwamala pakubomba vyosi ukuti mwimaye.
14 #
Yes. 11.5, 59.17 Po mwimaye nkani, bo mwavwala ubwanaloli bubo we lamba mumisana yinyu. Vwala ubugholosu ubwa Chala pakuba chilwilo chinyu icha chela icha pachifuba. 15#Yes. 52.7Ukwiyannya kwinyu pakulumbilila Amazyu Amiza aghamutende ko kubanje zyo nkwato zizyo mukuvwala kunyayo zyinyu. 16Ukonjelezya pavyosi vinivi mubanje nu lwitiko pakuba ngulu yinyu iyakuzimya nayo utulasilo utwakwaka umoto utwa Mubibi yula. 17#Yes. 59.17Vwala ubupoki pakuba chisote chinyu, sona amazyu agha Chala ghabanje wepanga uwa Muzimu Umuzelu. 18Mubombaye zyosi zinizi munyiputo. Akabalilo kosi mwiputaye kwa Chala ukuti abavwe. Akabalilo kosi mwiputaye umwakulongoziwa nu Muzimu Umuzelu. Pachifukwa ichi mubanje maso, sona mutakanyokelaye mwisinda. Mubiputilaye bwila abantu bosi abazelu aba Chala. 19Sona nane munyiputilaye ukuti u Chala abike amazyu mumulomo wane bo nkufumusya, umwakuti imbamanyisye abantu nu bujivu nkani nizya kubusyefu izya Mazyu Amiza. 20Napapo indi mujele, ane ne mwimilili pachifukwa icha Mazyu Amiza ghanagha. Mwiputaye ukuti inene nu bujivu nkani ukuyana namumo imbaghiye pakunenela.
Ukulamuka ukwabumalilo
21 #
Imbo. 20.4; 2 Tim. 4.12; Kols. 4.7-8 U Tikika, umukamu witu umughaniwa, sona yuyo mubombi umusubiliwa uwa Mwene, akwiza pakubabuzya amwe zyosi izya ane, sona nizya mbombo yiyo nkubomba. 22Nkumutuma kukwinyu pafundo yiniyi ukuti mumanye namumo tubeleye, nukughakazya amoyo ghinyu.
23Umutende nu lughano, sona nu lwitiko ivyakufuma kwa Tata u Chala, sona ni vyakufuma kwa Mwene witu u Yesu Kilisitu vibanje na bakamu bosi. 24Ichisa icha Chala chibanje na bantu bosi babo bamughanite u Mwene witu u Yesu Kilisitu nu lughano lulo lutakufwapo nalumolumo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.