Aba Efeso 5
5
Nizya kwikala mu lukozyo
1Polelo mweghelelaye kwa Chala, pakuti mwe bana bache abaghaniwa. 2#Ukf. 29.18; Mas. 40.6Mubanje nu lughano ukuyana namumo u Kilisitu akatughanila nukwiyipa ubumi bwache pakuba chabupi ichakununkila, sona ni chakwiyipa ichakumuhobosya u Chala.
3Loli mumwinyu mutakabemo izya bwamalaya, pamo ubunyazu, pamo ubupafu, pakuti abantu abazelu aba Chala batangabomba ivintu vinivi. 4Sona mutakanenaye ivyamasiku, nivya bupunganu, pamo ivyasunga, loli munenaye nizya kumupala u Chala. 5Mumanye ichi: Umuntu wesi yuyo we malaya, pamo munyazu, pamo mupafu (kokuti muntu yuyo akwiputa ivifwani) atakwiza pakupyana ubumwene ubwa Kilisitu, sona nubwa Chala.
6Mutakamwitikizye nayumo umuntu ukuti abazimbule na mazyu aghabupunganu, pakuti ivintu vinivi vyo vivyo vikwiza nu bukali pakasi pabantu babo batakumwivwila u Chala. 7Polelo mutakamanyanaye nabo abantu banaba. 8Namwe bulo mukabapo lumo muchisi, loli losi ulu muli mu lukozyo, pakuti mwe bantu aba Mwene. Polelo mwendaye ngati mwe bantu babo bakwikala mu lukozyo, 9pakuti ivikomwa ivya lukozyo#5.9 lukozyo: Amasimbo ghamo aghakale ghasimbite ukuti umuzimu. zyo zizyo zikwaghiwa muvintu vyosi vivyo vyiza, ni vigholosu, sona ni vyanaloli. 10Muyezyanje pakubomba ivintu vivyo vikumuhobosya u Mwene. 11Mutakasendayepo ichigaba pavintu ivya muchisi vivyo vitakupa ivikomwa, loli mubavumbulaye pabuzelu. 12Pakuti chakukozya nkani isoni pakunena ivintu vivyo bakubomba kubusyefu. 13Loli nanti vyosi vyavumbuliwa nulukozyo, vyosi vikwanda pakuboneka pabuzelu, 14pakuti ulukozyo lo lulo lukulanjizya ichintu chosi pabuzelu. Cho chifukwa zikuneniwa ukuti,
“Nyamuka awe we ughonite utulo, zyuka kubufwe,
po u Kilisitu akwiza pakukulamila.”
15Po muchebaye namumo mukwendela, mutakabanje ngati mwe bantu abasita mahala, loli mubanje mwe bantu abamahala. 16#Kols. 4.5Akabalilo kinyu kosi kabanje kakubombela imbombo, pakuti amasiku agha mabibi. 17Polelo mutakabanje bapunganu, loli mubwivwisyanje ubwighane ubwa Mwene.
18Sona mutakakolwanje nu vinyo pakuti ukukolwa kukupela ukunanganika. Loli mwizulaye nu Muzimu Umuzelu. 19#Kols. 3.16-17Mwangalilanaye na mazyu agha masalimo, ni nyimbo izyakumupala u Chala, sona ni nyimbo izya buzimu. Po mumwimbilaye u Mwene inyimbo nukumupala mumoyo ghinyu. 20Akabalilo kosi, mumupalaye u Tata u Chala pavintu vyosi mwitabwa ilya Mwene witu u Yesu Kilisitu.
Nizya bachi na balume
21Sona amwe mwe mukumunyila u Kilisitu, mwivwanaye.
22 #
Kols. 3.18; 1 Pit. 3.1 Mwee bachi mubivwilaye abalume binyu ukuyana na muno mukumwivwilila u Mwene. 23Pakuti umulume we mutu uwa muchi, umwakuyana bulo, wepe u Kilisitu we mutu uwa chipanga, ghugho gho mubili wache, sona yuyo we Mupoki uwa chipanga chilachila. 24Ngati mumo ichipanga chili pasi pa Kilisitu, umwakuyana bulo, bope abachi babanje pasi pa balume babo muvintu vyosi.
25 #
Kols. 3.19; 1 Pit. 3.7 Namwe mwe balume mubaghanaye abachi binyu ukuyana namumo u Kilisitu akachighanila ichipanga, nukwiyipa ubumi bwache pachifukwa icha chipanga chilachila. 26Akabomba zinizi ukuti achipaghulile ichipanga kwa Chala, bo achiswefya tasi pakuchisuka na mizi, sona na mazyu ghache. 27U Kilisitu akabomba zinizi ukuchiyanizya ichipanga kukwache umwakuti chibanje chipanga ichiza, chicho chite nakatonyelwa, na chicho chite na mankwinya, pamo akantu kamo akabibi, loli chizelu, sona chicho chite ni chilema nachimochimo. 28Umwakuyana bulo, bope abalume babaghanaye abachi babo ukuyana namumo baghaghaniye amabili ghabo. Umuntu wesi yuyo akumughana umuchi kokuti iyighanite mwene. 29Pakuti nayumo umuntu yuyo aghubengite umubili wache, loli akughulyesya nukughusungilila akiza ukuyana namumo u Kilisitu akubombela ni chipanga chache, 30pakuti aswe twe vigaba ivya mubili wache. 31#Ubw. 2.24Pakuti Amasimbo ghakuti, “Pachifukwa ichi, umwanavuli akwiza pakumuleka uwise nu nyina nukumamatilana poka nu muchi wache, po babili aba bakwiza pakuba mubili ghoka. Bate bantu babili sona, loli mubili ghoka.” 32Amazyu ghanagha ghakutuvumbulila izya kubusyefu zizyo zikunena nizya Kilisitu ni chipanga. 33Loli ghakunena sona nizya amwe: Umulume wesi amughanaye umuchi wache ukuyana namumo iyighaniye mwene, sona umuchi wesi amuchindikaye umulume.
Currently Selected:
Aba Efeso 5: LMB2024
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.
Aba Efeso 5
5
Nizya kwikala mu lukozyo
1Polelo mweghelelaye kwa Chala, pakuti mwe bana bache abaghaniwa. 2#Ukf. 29.18; Mas. 40.6Mubanje nu lughano ukuyana namumo u Kilisitu akatughanila nukwiyipa ubumi bwache pakuba chabupi ichakununkila, sona ni chakwiyipa ichakumuhobosya u Chala.
3Loli mumwinyu mutakabemo izya bwamalaya, pamo ubunyazu, pamo ubupafu, pakuti abantu abazelu aba Chala batangabomba ivintu vinivi. 4Sona mutakanenaye ivyamasiku, nivya bupunganu, pamo ivyasunga, loli munenaye nizya kumupala u Chala. 5Mumanye ichi: Umuntu wesi yuyo we malaya, pamo munyazu, pamo mupafu (kokuti muntu yuyo akwiputa ivifwani) atakwiza pakupyana ubumwene ubwa Kilisitu, sona nubwa Chala.
6Mutakamwitikizye nayumo umuntu ukuti abazimbule na mazyu aghabupunganu, pakuti ivintu vinivi vyo vivyo vikwiza nu bukali pakasi pabantu babo batakumwivwila u Chala. 7Polelo mutakamanyanaye nabo abantu banaba. 8Namwe bulo mukabapo lumo muchisi, loli losi ulu muli mu lukozyo, pakuti mwe bantu aba Mwene. Polelo mwendaye ngati mwe bantu babo bakwikala mu lukozyo, 9pakuti ivikomwa ivya lukozyo#5.9 lukozyo: Amasimbo ghamo aghakale ghasimbite ukuti umuzimu. zyo zizyo zikwaghiwa muvintu vyosi vivyo vyiza, ni vigholosu, sona ni vyanaloli. 10Muyezyanje pakubomba ivintu vivyo vikumuhobosya u Mwene. 11Mutakasendayepo ichigaba pavintu ivya muchisi vivyo vitakupa ivikomwa, loli mubavumbulaye pabuzelu. 12Pakuti chakukozya nkani isoni pakunena ivintu vivyo bakubomba kubusyefu. 13Loli nanti vyosi vyavumbuliwa nulukozyo, vyosi vikwanda pakuboneka pabuzelu, 14pakuti ulukozyo lo lulo lukulanjizya ichintu chosi pabuzelu. Cho chifukwa zikuneniwa ukuti,
“Nyamuka awe we ughonite utulo, zyuka kubufwe,
po u Kilisitu akwiza pakukulamila.”
15Po muchebaye namumo mukwendela, mutakabanje ngati mwe bantu abasita mahala, loli mubanje mwe bantu abamahala. 16#Kols. 4.5Akabalilo kinyu kosi kabanje kakubombela imbombo, pakuti amasiku agha mabibi. 17Polelo mutakabanje bapunganu, loli mubwivwisyanje ubwighane ubwa Mwene.
18Sona mutakakolwanje nu vinyo pakuti ukukolwa kukupela ukunanganika. Loli mwizulaye nu Muzimu Umuzelu. 19#Kols. 3.16-17Mwangalilanaye na mazyu agha masalimo, ni nyimbo izyakumupala u Chala, sona ni nyimbo izya buzimu. Po mumwimbilaye u Mwene inyimbo nukumupala mumoyo ghinyu. 20Akabalilo kosi, mumupalaye u Tata u Chala pavintu vyosi mwitabwa ilya Mwene witu u Yesu Kilisitu.
Nizya bachi na balume
21Sona amwe mwe mukumunyila u Kilisitu, mwivwanaye.
22 #
Kols. 3.18; 1 Pit. 3.1 Mwee bachi mubivwilaye abalume binyu ukuyana na muno mukumwivwilila u Mwene. 23Pakuti umulume we mutu uwa muchi, umwakuyana bulo, wepe u Kilisitu we mutu uwa chipanga, ghugho gho mubili wache, sona yuyo we Mupoki uwa chipanga chilachila. 24Ngati mumo ichipanga chili pasi pa Kilisitu, umwakuyana bulo, bope abachi babanje pasi pa balume babo muvintu vyosi.
25 #
Kols. 3.19; 1 Pit. 3.7 Namwe mwe balume mubaghanaye abachi binyu ukuyana namumo u Kilisitu akachighanila ichipanga, nukwiyipa ubumi bwache pachifukwa icha chipanga chilachila. 26Akabomba zinizi ukuti achipaghulile ichipanga kwa Chala, bo achiswefya tasi pakuchisuka na mizi, sona na mazyu ghache. 27U Kilisitu akabomba zinizi ukuchiyanizya ichipanga kukwache umwakuti chibanje chipanga ichiza, chicho chite nakatonyelwa, na chicho chite na mankwinya, pamo akantu kamo akabibi, loli chizelu, sona chicho chite ni chilema nachimochimo. 28Umwakuyana bulo, bope abalume babaghanaye abachi babo ukuyana namumo baghaghaniye amabili ghabo. Umuntu wesi yuyo akumughana umuchi kokuti iyighanite mwene. 29Pakuti nayumo umuntu yuyo aghubengite umubili wache, loli akughulyesya nukughusungilila akiza ukuyana namumo u Kilisitu akubombela ni chipanga chache, 30pakuti aswe twe vigaba ivya mubili wache. 31#Ubw. 2.24Pakuti Amasimbo ghakuti, “Pachifukwa ichi, umwanavuli akwiza pakumuleka uwise nu nyina nukumamatilana poka nu muchi wache, po babili aba bakwiza pakuba mubili ghoka. Bate bantu babili sona, loli mubili ghoka.” 32Amazyu ghanagha ghakutuvumbulila izya kubusyefu zizyo zikunena nizya Kilisitu ni chipanga. 33Loli ghakunena sona nizya amwe: Umulume wesi amughanaye umuchi wache ukuyana namumo iyighaniye mwene, sona umuchi wesi amuchindikaye umulume.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.