2 Korɛɛntënyüü 1
1
'Trɔrʋ
1'Mɔɔ 'Pɔɔlë, ɔ bäa' Jesu 'Kriisëa apotrë, 'sɩrɩ Nyɔsʋa ‑waa' nɩ, 'mɔɔ ‑bɛ ‑wlajʋlɔ 'ü 'daraa' Timotee amɔ ‑jɩjra 'amɩ 'wʋ: Nyɔsʋaa 'cɛcɩlɛ bäa' Korɛɛntëbätä nyra Nyɔsʋaa 'nyünanyüüa 'fɩɔ kʋa' Akaiia ‑tʋtʋ ‑gälɩ#1.1 Tɛ Akëtë 18.1 nyra wiili ‑jɩjraa' 'lɩ ‑wälɩ 'klɩ. 'Sɩrɩ Apotrë 'Pɔɔlë nʋa' 'ɔa ‑kätɩ jrüüa ‑sisikʋ Korɛɛntë, tɛ Akëtë 18.1-18. Akaii: Rɔmënyüüa ‑tʋtʋ 'pɛ bäsaa, 'ä ‑beere 'saarɩa Grɛɛsëa 'blɩa 'pɛlɛ 'troroa' 'jrʋa kʋmla 'pɛlɩ, 'ɛ 'ü fa 'nɩmɩ grɛɛsënyüüa 'pɛ kpaki 'wʋ.. 2Abɩa ana Tʋ Nyɔsʋa nyra 'Pläkänyɔɔ Jesu 'Kriisëa ‑gbinanakʋ nyra plɛgälɩflɛrɛkʋ bä 'amɩ ‑gälɩ!
'Klü 'jrarakʋ
3A 'bʋala Nyɔsʋalɔ bäa' ana 'Pläkänyɔɔ Jesu 'Kriisëa Tʋ. 'Ɔɔ bä Tʋlɔ käa' nyatɛplɛ, 'ɔ bä Nyɔsʋalɔ 'paa' nyɔɔ plɛ 'mlɩ 'plɔʋplɔʋ! 4'Ɔɔ 'paa amɩ plɛ 'mlɩ ana ‑sʋɩa 'fɩɔ 'lɩ. 'Asɩ 'ɔ jö amɩ ‑gba amä ‑mülü bäa' ‑sʋɩa 'kaɩn 'kaɩn 'lɩ plɛmlɩpa; plɛmlɩpapakʋlʋ Nyɔsʋa ‑nyɛɛa' amɩ nɩ, 'uu a ‑nyɛɛɛ 'üün. 5‑Jäsɩ 'i bäa' nɩ, 'sɩrɩ 'Kriisëa ‑sʋɩ ‑sümlöa' ana 'kläa 'mlɩ nɩ, 'asɩ Nyɔsʋa ‑srörö 'Kriisë kälɩ 'kä 'ɔ ‑nyɛɛ amɩ plɛmlɩpapakʋ 'kɔkɔmlɛ. 6'Ii känyrɩ ama 'jä ‑sʋɩ nɩ, amä ‑gʋ 'amɩ plɛmlɩpa ‑bɛ 'amä 'lɩmlɩwʋ. ‑Bɛ üma 'pa amɩ plɛ 'lɩ nɩ, 'inya 'amɩ plɛ 'lɩ 'paa, ‑bɛ 'amä bɩa ‑sʋɩlɩ a 'jääa' ‑plɩɩ, 'ia ‑gbötökʋ mlɩbɩa. 7‑Bɛ a toro 'amɩ plɛ ‑gböösa, a jre 'iin, 'be ‑sʋɩlɩ a 'jääa' 'ii 'a 'jää, 'asɩ 'anya bɩa ana plɛmlɩpapakʋ 'jää.
8 'Na ‑wlajü 'amɩ, a 'bata 'ba jre ‑sʋɩlɩ a 'järäa' Asiia ‑tʋtʋ ‑gälɩ. 'Ia kälɩbädɛɛ nyra 'ia mɩmɩakʋ 'nyɩ bä ‑a bä; 'ia 'plä 'wʋ kʋkʋtʋ ‑kanyɩ 'nɩmɩ amɩ 'tʋ ‑a kä. 9A mi mi anya ‑nëma 'ü 'suru ana 'bablakʋ. 'Ii ‑gbala amɩ 'sɩrɩ anyɩa' kä amäa' ana nyufa plɛtoro, ‑maa Nyɔsʋalɔ tɛrɛa' jäjänyüü 'kä, 'ɔa 'doo a kä amä plɛtoro. 10'Ɔɔ 'ba amɩ 'ia 'samaa jäjä mlɩ, 'ɔɔ nëmä 'sɔɔwʋ amɩ 'lɩmlɩba. 'Ia plɛlɛ nɩ, a 'pie 'ɔmɩ 'ɛɛn ‑gälɩ, 'ɔnya 'sɔɔwʋ amɩ 'lɩmlɩbaa. 11'Ana 'mʋgbɛ 'a jö 'amɩ ‑gba 'ana nyɔsʋabibiekʋa 'mlɩ. 'Asɩ nyüü 'kɔkɔmlɛ 'mä Nyɔsʋa 'trɛɛ ana ‑gʋ, 'sɩrɩ 'ɔ 'nua' 'üa wewewii 'wli ana 'pɛlɩ, 'be 'ɔɔ ‑nyɩ amɩ 'ia ‑gbinanakʋlʋ.
'JRƲPALÄ APOTRË KÄA' 'CƐCƖNYÜÜA 'KLƲƖ
1.12–2.17
Wiili kä ‑gʋ 'Pɔɔlë 'saa' 'ɔa jrüü 'kou
12‑Jää wiili kä ‑gʋ dɔrʋ 'blaaa' amɩ ana bobowlia 'mlɩ: ana nʋnʋgbi 'wlalɩkä, 'inya bä 'cɩcasa nyüüa ‑tɔrʋpɩɔ ‑gböösa. 'Iili nɩ, Nyɔsʋaa ‑nyɛɛ 'i sɔ ‑bɛ 'i jö amɩ ‑gälɩ. Nyɔsʋaa ‑gbinanakʋ 'uu 'tiere amɩ, ‑mää nyɔɔa 'lɩgaglakʋ ‑a. 13‑Jäsɩ 'i bäa' nɩ, ‑pɔɔkɩlɩ a jaa' amɩ nɩ, 'a wiili 'a ‑täsäa', i 'a 'nööa' 'wli 'ii a ja 'amɩ, ‑mää ‑pasawii ‑a. ‑Bɛ 'n jresaa 'anya 'uun 'wlinunu 'kä 'anya 'uun 'lɩbɩa; 14'be 'anya 'a 'uun 'wlinunukʋ bɩa nɩ; ana 'Pläkänyɔɔ Jesua ‑Srɩ 'lɩ nɩ, dɔrʋ nya 'amɩ 'blaa ana ‑gʋ 'sɩrɩ dɔrʋ 'mäa' bɩa amɩ 'blaa 'ana ‑gʋ.
15'N 'suru 'imɩ, 'a 'ia ‑gʋ 'n 'bata ɩ 'ana ‑nyɛɛa ‑srörökʋ ‑kätɩ, 'mä 'amɩ 'sɔɔwʋ dɔrʋ ‑nyɩ. 16'N 'bata ɩ ‑a ‑srörö 'ana ‑nyɛɛ 'mä Masedoanëa#1.16 Masedoanë: Grɛɛsëa 'blɩa 'pɛ ‑mɩdeea ‑kätɩ 'nyrɩ bäsaa. ‑tʋtʋ ‑gälɩ mi, ‑bɛ ama sɔ Masedoanë 'mä 'ana ‑nyɛɛ dɛrɩ 'blöö. ‑Bɛ 'amä 'mɩ ‑gbaji 'mä Judeea ‑tʋtʋ ‑gälɩ mi. 17'Taɩn 'lɩ 'n 'daaa' kä 'nyaa 'ana ‑nyɛɛ jia ‑bɛ 'nyɩa' ji nɩ, 'iibä 'më 'sɔɔ 'n kä ‑beere ‑pɩ ‑tʋtʋ ‑gälɩa nyüülü nöa' ‑yɛɛ ‑bɛ 'woo dotro? 18Nyɔsʋaa 'mʋgbɛ jre 'imɩ: 'papawiili a ‑gbalaa' 'amɩ 'nyɩ dotro «‑yɛɛ» ‑bɛ «'woo» ‑a bä. 19'Be Nyɔsʋaa 'Jʋ Jesu 'Kriisëlɔ, ɔ kä ‑gä 'mɔɔ Silvɛɛn#1.19 Silvɛɛn: 'Ü 'dara bɩa 'ɔɔn Silasë. 'Pɔɔlëa 'wʋnyɛrɛnyɔɔ bä bɩa 'saa, 'sɩrɩ Timotee bäa'. 'A 'üa 'fɩɔ 'pala nyɔsʋaawii Korɛɛntëbätä. Akëtë 15.22-40; 16.19-29; 1 Piɛɛrë 5.12. nyra Timotee 'palaa' 'ana ‑tɔrʋpɩɔ nɩ, 'ɔnyɩ dotro «‑yɛɛ» ‑bɛ «'woo» ‑a bä. ‑Maa 'ɔa «‑yɛɛ» bä «‑yɛɛ». 20'Be 'ɔɔ 'lɩ Nyɔsʋa 'daa «‑yɛɛ» 'kä wiili kä 'fɩɔ 'ɔ 'daaa' 'ɔmä käa' nʋ. 'Ii känyrɩ, 'a 'ɔa 'nyrɩklɩ a nö «'Asɩ i bä» 'taɩn 'lɩ a 'bʋalaa' Nyɔsʋa. 21'A Nyɔsʋaa 'mʋgbɛ 'ɔɔ ‑sɔrɔ amɩ nyra 'amɔ 'wʋ 'Kriisë 'lɩ. 'Ɔɔ bere amɩ 'klɩ 'ɔa 'jrʋpaa ‑gʋ. 22'Ɔnya ‑tʋ amɩ 'ɔa tie ‑gälɩ. 'Ɔnya ‑tʋ ana plɛklɩ 'ɔa ‑Susu, ‑Susulu nya bä diili 'ɔ nëmäa' amɩ ‑nyɩ, 'ia 'mlɩa 'klɩsadɛɛ.
23Nyɔsʋa 'jää 'mɩ 'wʋ, wiili 'n 'saalɩ ma bä ‑gbagblɛwii nɩ, ɔ 'bla 'mɩ: ama 'nyɩ Korɛɛntë dɛrɩ ‑a 'blöö nɩ, 'abɩa 'nyɩ ‑pɩ 'amɩ wii ‑gbala ‑bɛ 'a ‑pɩ 'kpɔɔ. 24‑Mää amä 'amɩ dɛɛlɛ 'amäa' plɛtoro 'lɩ kpɛrɛ ‑a, ‑maa 'sɩrɩ amɔ ‑bɛ 'amɔ 'mäa' 'jrʋpa 'wʋfɛrɛ 'ana ‑jɔrʋa ‑gʋ. 'Ii a 'bata; 'be 'ana nyɔsʋaplɛtorokʋ ‑sɔɔrɔwʋ.
Currently Selected:
2 Korɛɛntënyüü 1: Bakwé
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
2 Korɛɛntënyüü 1
1
'Trɔrʋ
1'Mɔɔ 'Pɔɔlë, ɔ bäa' Jesu 'Kriisëa apotrë, 'sɩrɩ Nyɔsʋa ‑waa' nɩ, 'mɔɔ ‑bɛ ‑wlajʋlɔ 'ü 'daraa' Timotee amɔ ‑jɩjra 'amɩ 'wʋ: Nyɔsʋaa 'cɛcɩlɛ bäa' Korɛɛntëbätä nyra Nyɔsʋaa 'nyünanyüüa 'fɩɔ kʋa' Akaiia ‑tʋtʋ ‑gälɩ#1.1 Tɛ Akëtë 18.1 nyra wiili ‑jɩjraa' 'lɩ ‑wälɩ 'klɩ. 'Sɩrɩ Apotrë 'Pɔɔlë nʋa' 'ɔa ‑kätɩ jrüüa ‑sisikʋ Korɛɛntë, tɛ Akëtë 18.1-18. Akaii: Rɔmënyüüa ‑tʋtʋ 'pɛ bäsaa, 'ä ‑beere 'saarɩa Grɛɛsëa 'blɩa 'pɛlɛ 'troroa' 'jrʋa kʋmla 'pɛlɩ, 'ɛ 'ü fa 'nɩmɩ grɛɛsënyüüa 'pɛ kpaki 'wʋ.. 2Abɩa ana Tʋ Nyɔsʋa nyra 'Pläkänyɔɔ Jesu 'Kriisëa ‑gbinanakʋ nyra plɛgälɩflɛrɛkʋ bä 'amɩ ‑gälɩ!
'Klü 'jrarakʋ
3A 'bʋala Nyɔsʋalɔ bäa' ana 'Pläkänyɔɔ Jesu 'Kriisëa Tʋ. 'Ɔɔ bä Tʋlɔ käa' nyatɛplɛ, 'ɔ bä Nyɔsʋalɔ 'paa' nyɔɔ plɛ 'mlɩ 'plɔʋplɔʋ! 4'Ɔɔ 'paa amɩ plɛ 'mlɩ ana ‑sʋɩa 'fɩɔ 'lɩ. 'Asɩ 'ɔ jö amɩ ‑gba amä ‑mülü bäa' ‑sʋɩa 'kaɩn 'kaɩn 'lɩ plɛmlɩpa; plɛmlɩpapakʋlʋ Nyɔsʋa ‑nyɛɛa' amɩ nɩ, 'uu a ‑nyɛɛɛ 'üün. 5‑Jäsɩ 'i bäa' nɩ, 'sɩrɩ 'Kriisëa ‑sʋɩ ‑sümlöa' ana 'kläa 'mlɩ nɩ, 'asɩ Nyɔsʋa ‑srörö 'Kriisë kälɩ 'kä 'ɔ ‑nyɛɛ amɩ plɛmlɩpapakʋ 'kɔkɔmlɛ. 6'Ii känyrɩ ama 'jä ‑sʋɩ nɩ, amä ‑gʋ 'amɩ plɛmlɩpa ‑bɛ 'amä 'lɩmlɩwʋ. ‑Bɛ üma 'pa amɩ plɛ 'lɩ nɩ, 'inya 'amɩ plɛ 'lɩ 'paa, ‑bɛ 'amä bɩa ‑sʋɩlɩ a 'jääa' ‑plɩɩ, 'ia ‑gbötökʋ mlɩbɩa. 7‑Bɛ a toro 'amɩ plɛ ‑gböösa, a jre 'iin, 'be ‑sʋɩlɩ a 'jääa' 'ii 'a 'jää, 'asɩ 'anya bɩa ana plɛmlɩpapakʋ 'jää.
8 'Na ‑wlajü 'amɩ, a 'bata 'ba jre ‑sʋɩlɩ a 'järäa' Asiia ‑tʋtʋ ‑gälɩ. 'Ia kälɩbädɛɛ nyra 'ia mɩmɩakʋ 'nyɩ bä ‑a bä; 'ia 'plä 'wʋ kʋkʋtʋ ‑kanyɩ 'nɩmɩ amɩ 'tʋ ‑a kä. 9A mi mi anya ‑nëma 'ü 'suru ana 'bablakʋ. 'Ii ‑gbala amɩ 'sɩrɩ anyɩa' kä amäa' ana nyufa plɛtoro, ‑maa Nyɔsʋalɔ tɛrɛa' jäjänyüü 'kä, 'ɔa 'doo a kä amä plɛtoro. 10'Ɔɔ 'ba amɩ 'ia 'samaa jäjä mlɩ, 'ɔɔ nëmä 'sɔɔwʋ amɩ 'lɩmlɩba. 'Ia plɛlɛ nɩ, a 'pie 'ɔmɩ 'ɛɛn ‑gälɩ, 'ɔnya 'sɔɔwʋ amɩ 'lɩmlɩbaa. 11'Ana 'mʋgbɛ 'a jö 'amɩ ‑gba 'ana nyɔsʋabibiekʋa 'mlɩ. 'Asɩ nyüü 'kɔkɔmlɛ 'mä Nyɔsʋa 'trɛɛ ana ‑gʋ, 'sɩrɩ 'ɔ 'nua' 'üa wewewii 'wli ana 'pɛlɩ, 'be 'ɔɔ ‑nyɩ amɩ 'ia ‑gbinanakʋlʋ.
'JRƲPALÄ APOTRË KÄA' 'CƐCƖNYÜÜA 'KLƲƖ
1.12–2.17
Wiili kä ‑gʋ 'Pɔɔlë 'saa' 'ɔa jrüü 'kou
12‑Jää wiili kä ‑gʋ dɔrʋ 'blaaa' amɩ ana bobowlia 'mlɩ: ana nʋnʋgbi 'wlalɩkä, 'inya bä 'cɩcasa nyüüa ‑tɔrʋpɩɔ ‑gböösa. 'Iili nɩ, Nyɔsʋaa ‑nyɛɛ 'i sɔ ‑bɛ 'i jö amɩ ‑gälɩ. Nyɔsʋaa ‑gbinanakʋ 'uu 'tiere amɩ, ‑mää nyɔɔa 'lɩgaglakʋ ‑a. 13‑Jäsɩ 'i bäa' nɩ, ‑pɔɔkɩlɩ a jaa' amɩ nɩ, 'a wiili 'a ‑täsäa', i 'a 'nööa' 'wli 'ii a ja 'amɩ, ‑mää ‑pasawii ‑a. ‑Bɛ 'n jresaa 'anya 'uun 'wlinunu 'kä 'anya 'uun 'lɩbɩa; 14'be 'anya 'a 'uun 'wlinunukʋ bɩa nɩ; ana 'Pläkänyɔɔ Jesua ‑Srɩ 'lɩ nɩ, dɔrʋ nya 'amɩ 'blaa ana ‑gʋ 'sɩrɩ dɔrʋ 'mäa' bɩa amɩ 'blaa 'ana ‑gʋ.
15'N 'suru 'imɩ, 'a 'ia ‑gʋ 'n 'bata ɩ 'ana ‑nyɛɛa ‑srörökʋ ‑kätɩ, 'mä 'amɩ 'sɔɔwʋ dɔrʋ ‑nyɩ. 16'N 'bata ɩ ‑a ‑srörö 'ana ‑nyɛɛ 'mä Masedoanëa#1.16 Masedoanë: Grɛɛsëa 'blɩa 'pɛ ‑mɩdeea ‑kätɩ 'nyrɩ bäsaa. ‑tʋtʋ ‑gälɩ mi, ‑bɛ ama sɔ Masedoanë 'mä 'ana ‑nyɛɛ dɛrɩ 'blöö. ‑Bɛ 'amä 'mɩ ‑gbaji 'mä Judeea ‑tʋtʋ ‑gälɩ mi. 17'Taɩn 'lɩ 'n 'daaa' kä 'nyaa 'ana ‑nyɛɛ jia ‑bɛ 'nyɩa' ji nɩ, 'iibä 'më 'sɔɔ 'n kä ‑beere ‑pɩ ‑tʋtʋ ‑gälɩa nyüülü nöa' ‑yɛɛ ‑bɛ 'woo dotro? 18Nyɔsʋaa 'mʋgbɛ jre 'imɩ: 'papawiili a ‑gbalaa' 'amɩ 'nyɩ dotro «‑yɛɛ» ‑bɛ «'woo» ‑a bä. 19'Be Nyɔsʋaa 'Jʋ Jesu 'Kriisëlɔ, ɔ kä ‑gä 'mɔɔ Silvɛɛn#1.19 Silvɛɛn: 'Ü 'dara bɩa 'ɔɔn Silasë. 'Pɔɔlëa 'wʋnyɛrɛnyɔɔ bä bɩa 'saa, 'sɩrɩ Timotee bäa'. 'A 'üa 'fɩɔ 'pala nyɔsʋaawii Korɛɛntëbätä. Akëtë 15.22-40; 16.19-29; 1 Piɛɛrë 5.12. nyra Timotee 'palaa' 'ana ‑tɔrʋpɩɔ nɩ, 'ɔnyɩ dotro «‑yɛɛ» ‑bɛ «'woo» ‑a bä. ‑Maa 'ɔa «‑yɛɛ» bä «‑yɛɛ». 20'Be 'ɔɔ 'lɩ Nyɔsʋa 'daa «‑yɛɛ» 'kä wiili kä 'fɩɔ 'ɔ 'daaa' 'ɔmä käa' nʋ. 'Ii känyrɩ, 'a 'ɔa 'nyrɩklɩ a nö «'Asɩ i bä» 'taɩn 'lɩ a 'bʋalaa' Nyɔsʋa. 21'A Nyɔsʋaa 'mʋgbɛ 'ɔɔ ‑sɔrɔ amɩ nyra 'amɔ 'wʋ 'Kriisë 'lɩ. 'Ɔɔ bere amɩ 'klɩ 'ɔa 'jrʋpaa ‑gʋ. 22'Ɔnya ‑tʋ amɩ 'ɔa tie ‑gälɩ. 'Ɔnya ‑tʋ ana plɛklɩ 'ɔa ‑Susu, ‑Susulu nya bä diili 'ɔ nëmäa' amɩ ‑nyɩ, 'ia 'mlɩa 'klɩsadɛɛ.
23Nyɔsʋa 'jää 'mɩ 'wʋ, wiili 'n 'saalɩ ma bä ‑gbagblɛwii nɩ, ɔ 'bla 'mɩ: ama 'nyɩ Korɛɛntë dɛrɩ ‑a 'blöö nɩ, 'abɩa 'nyɩ ‑pɩ 'amɩ wii ‑gbala ‑bɛ 'a ‑pɩ 'kpɔɔ. 24‑Mää amä 'amɩ dɛɛlɛ 'amäa' plɛtoro 'lɩ kpɛrɛ ‑a, ‑maa 'sɩrɩ amɔ ‑bɛ 'amɔ 'mäa' 'jrʋpa 'wʋfɛrɛ 'ana ‑jɔrʋa ‑gʋ. 'Ii a 'bata; 'be 'ana nyɔsʋaplɛtorokʋ ‑sɔɔrɔwʋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.