Lūk 8
8
Sachīnthekpū le han Ankhīna
Mt 13:1-23; Mk 4:1-20
1 #
Mt 4:23
Hava suole han Isuo chu chong arila lē Pathian rēngram thangahui chu a puong tir a, khopui tin lē khuo tina a lūt a. Sōmleianni ngāi um a bila om u na. 2#Mt 27:55-56Nupang senkhat ratha sanōkin ei sūr lē rikhuo tin adōna ei mandam ngāi um a om u na. Mari, mī'n Magdalene ei ti, ama asūng ātā raluoi sari ei suokna ha, 3#Mt 14:1Herod a sum āvongpū Kuza a thāinū Zoanna, Susana lē mītei ātampā a om u na. Amānī'n neinun dōn u ngāi ātā a dorbō a dom u na.
4Mipui atampā a hong ānbūm u na, khopui tin ātā mipui ngāi chu a kōma a hong u na, ankhīna-chong a ril a, 5“Sachīnthekpū chu sachī ānthek ranga asuoka a sē na. Ei ātheka han asen chu lam sīra a chul a, anchīla om a, chunga vā ngāiin a sāk hiam u na. 6Asen chu lung chunga a chul a, a hong āmōng a, rathī ei dōn nōk sika a thēm a. 7Asen chu raling bila a chul a, raling le han anruola a hong āmōng u na, ralingin a dīp khap a. 8#Mt 11:15Asen chu phil asāna a chul a, a hong āmōng a, thep razā marā a hong masuok a,” tīna a ril a. Hiva chong aril lāi han ankhēk a, “Anngāina kuor adōnin rangāi rase,” a tī na.
Ankhīna-chong Derdīn
9A zolāi ngāiin a kōma, “Hiva ankhīna-chong hi hong mo a omzia?” tīna a rakel u na. 10#Isa 6:9-10; Mt 13:11Amā'n, “Pathian rēngram chong anthup ngāi chu nei riat una ranga anpēka om a. Tenchu atei ngāi ranga chu ankhīna-chonga kēng anpēka ei om, hintin hin, ‘A en u nā'm mu thei u nō ni, a rangāi u nā'm riatthei u nō ni,’ ” (Isa 6:9) a tī na. 11#Heb 4:12Ankhīna-chong chu hiva hi a ni, “Sachī chu Pathian chong a ni. 12Lam sīra āchul ngāi chu chong anrangāi ngāi chu a ni. Tenchu diabol chu a hong a, amānī'n ei iam a, ei zōk u nōkna ranga, a malung u nātā hava chong ha a lāk viak a. 13#Mt 11:6Lung chunga āchul ngāi chu chong a rangāi u na, rāisān taka a pom u na. Hiva ngāiin razung dōn u mak a. A iam tot u na, thēmna a hong āsuok le chu a chul u na. 14#Mt 19:23; 1Ti 6:9-10, 17Raling bila āchul ngāi chu chong a rangāi u na, a suok u na, tenchu ramuol nun andonna, neinung lē huina hēkna andonna ngāiin a hīp a, a mara u ngāi chu takanchang mak. 15Tenchu phil asāna āchul ngāi chu malung anzīka lē mandon asā adōna chong anngāia, asūrtita, phūkanchuola marā ansuo ngāi a ni u na.
Lēmchuongna Chunga Lēm
Mt 5:15-16; Mk 4:21-25; Lk 11:32-36
16 #
Mt 5:15
“Tūkarengin lēm a manchuong a, kok mankhū ngāi mak, zāmun thuoiā'm siak ngāi mak. Tenchu asūnga ālūt ngāiin ei mu theina ranga, lēmchuongnāna kēng ei manchuong. 17#Mt 10:26; Mk 4:22Asik chu anlang lui rang ītē ānthup om mak. Anriatlui rang lē anlang lu rang ānthup ītē om mak. 18#Mt 25:29Hasikhan hontin mo nei rangāi u anrēng u ro. Ādōnpū kōma anpēk sāna om in tia, ādōnnōkpū kōma adōna ei ānbē ngal ha anlāka om in ti,” a tī na.
Isuo a Nū lē a Paruol ngāi
Mt 12:46-50; Mk 3:31-35
19Hatuka a nū lē a paruol ngāi chu a kōma a hong u na. Tenchu mipui sika ama chu va suok thei u mak a. 20#Zn 7:5Mī senkhatin a kōma, “Na nū lē na paruol ngāiin nang anā mū rang a zōt u na, apanga anding u,” a ti u na. 21#Zn 14:21Amā'n amāni chu, “Ka nū lē ka paruol ngāi chu Pathian chong anngāia lē ātel ngāi kēng,” tīna a masang a.
Isuo'n Phāivuo ei Āngōna
Mt 8:23-27; Mk 4:35-41
22Nikhat chu hintin hin a ni na, ama chu a zolāi ngāi le han rakuonga a chuong a, amā'n a kōm u na, “Tho, tīndīl son tiang varāla ankān u rei,” a tī na. Hatuka rakuonga anphet u na. 23Rakuonga a sē u lāitak han Isuo chu a in a. Hatuka tīndila han phāivuo a hong a, rakuong sūnga tī a hong abit tir a, amāni chu rathatāka a om u na. 24#Sām 107:9; Zon 1:15A kōm a sē u na, a va mathui u na, “Mīnchūpū, mīnchūpū, āthi rang nā ni zei hile!” a ti u na. Ama chu anthui a, phāivuo lē tiduar ansok chu ā ngō na. Hatuka a mong u na, a dāiruom u na. 25A kōm u na, “Huo mo nei iam u na?” a tī na. Ā chi u na, a boidong u na, amāni lē amānī'n, “Hiva mī hi tū mo tāk? Thīnthī lē tī ngal chong ei pēk a, ei tel u hi!” a ti u na.
Raluoiin ei Sūr Khat Isuo'n ei Mandamna
Mt 8:28-34; Mk 5:1-20
26Hatuka Galili varāla Gadara rama rakuonga a sē u na. 27Isuo chu phil ei āthin le, hava khopuia mī khat raluoi ngāiin ei sūrin antongpui a. Ama chu nikhuo sōtpā puon abuia lē inā'm omluia, tenchu thāna a om a. 28#Mt 8:29; Mk 5:7Isuo ei mū le ankhēk a, a makunga anboka, anring sabaka, “O Isuo, Pathian Ānsāng khīt Nāipasal, nang lē koi hong mo nei ānzomna? Na sinsak nō ro ba, ka na mathēm,” a tī na. 29Asik chu hava miring ātā ratha sanōk ha āsuok ranga chong ei pēk a ni. Hava miring ha raluoiin a lei sūr babang chachak a ni. Ama chu zīngzir lē thīrkuol le han ankhita ānrung a ni. Tenchu ei ānkhitna ngāi chu asata raluoiin mibuirama a ruoi chachak a. 30Isuo'n a kōma, “Hong mo na raming?” tīna a rakel a. Amā'n, “Sipairuol,” a tī na. Asik chu asūnga raluoi atampā ālūt a ni na. 31#Anl 9:1-2, 11Amānī'n donglui khura āsē ranga, chong a pēk nōk ranga a mathēm u na. 32Hava han, muola vok ruol atampā sāk a sāk a, a om u na. Vok ngāi sūnga avā lūt ranga Isuo kōma a mathēm u na. Hatuka amā'n a phal a. 33Hatuka raluoi ngāi chu hava miring sūng ātā a suok u na, vok ngāi sūnga a lūt u na. Vok ruol ngāi chu tirakham ankāia tīndila a vā chul u na, anninga a thi zit u.
34Vok avāi ngāiin hava ngāi ha a mū u na, arota khopuia lē khotānga a va ril u na. 35Hatuka hong mo ei nī'n zei tīna āen ranga mipui ngāi chu a suok u na. Amāni chu Isuo kōm a hong u na, raluoiin ei mathān suo miring ha puon ansila, ahian vanga Isuo kekunga ansuta a hong mū u na. Amāni chu a rathā a ta u na. 36#Mt 4:24Raluoiin ei sūrpū chu hontin mo ei hong dam ha āmū ngāiin amāni kōma a lei ril u na. 37#Kui 16:39Hatuka Gadara ram ravēla mi ngāi dōra chu amāni kōm ātā ānkhāi ranga a mathēm u na. Asik chu a rathā a ta sabak u na. Hatuka ama chu rakuonga a chuong a, a kīr rēt a. 38A sūng ātā raluoi ei suokna mī hān Isuo bila om ranga a mathēm a. Tenchu Isuo'n ama chu a mansē na. 39A kōma, “Na ina kīr tānla, Pathianin na chunga sin alian ei na thōpē ha va ril ro,” a tī na. Ama chu a sē na, Isuo'n a chunga sin alian ei thōpē ha khopui pumpuia a va puong a.
Nupang Sanāitē ei Ānthuirētna lē Nupang ei Damna
Mt 9:18-26; Mk 5:21-43
40Isuo a hong ākīr rēt le chu mipui ngāiin a lei phām u na. Asik chu alom una a lei maruong u a ni. 41#Mk 5:22Entā, sinagog ruoipū khat Zaira ei ti u chu a hong a. Isuo kekunga anbok a, a ina hong ranga a mathēm a. 42Asik chu amā'n nāinupang khat dak, akum sōmleianni tāng mī a dōn a. Ama chu āthi rang tōtō a ni.
Isuo chu ei sē balam han mipui ngāiin a hong tuor a va tuor u na. 43#Lev 15:25-30Hatuka nupang khat kum sōmleianni thī'n ei huot, asum nei dōra chu mīentheipū ngāi kōma a mang kiar a, hanum tūtē'n mandam thei mak a. 44#Mt 9:20Ama chu Isuo nūk tiang a hong a, a puon mēr a tōn a, athī'n ei huot chu among len a. 45Isuo'n a kōma, “Tū mo a na tōn?” a tī na. Ni mak ung a ti kiar suo u na, Peter lē a bila om ngāiin, “Mīnchūpū, mipuiin ei nā tuor, ei na nōng a, nangin, ‘Tū mo a na tōn?’ nei ti,” a ti u na. 46#Mt 14:36; Mk 3:10Tenchu Isuo'n, “Mī a na tōn khat a om. Asik chu ka takchung ātā ranak asuoka ka riat,” a tī na. 47Hava nupangin ei ānthup lāi nōk tī a riat le chu, annōk chunga a hong a, a makunga anbok a, ei tōnna asik lē ei dam lenna chu mi ngāi dōra matona a puong a. 48#Mt 9:22; Kui 15:33Isuo'n a kōma, “Nāinupang, na rāi mansān ro. Nei iamnā'n a na mandam zei. Phūkdāia sē ro,” a tī na.
49Isuo'n chong a ril lāitak han sinagog ruoipū in ātā mī khat a hong a, “Na nāinupang chu a thi suo zei, Mīnchūpū chu manpōn lāi nō ro,” a tī na. 50Isuo'n hava ei riat le a kōma, “Na rathā manta nō ro, iam pei ro, ama chu dam in ti,” tīna a masang a. 51Ama chu insūnga a hong ālūt le chu, Peter, Zohan, Zakob, nāipangtē a nū lē a pā rong nōk chu tūtē ina ālūt ranga phal mak a. 52#Mt 9:24Alom una a chap a, a chapchān u na. Tenchu Isuo'n, “Chap u nō ro, āthī ni mak, āin kēng,” a tī na. 53Ama chu āthī tīna ei riat u sika maniērō a thō u na. 54Tenchu Isuo'n alom una a masuok zit a, a kut a sūrpē na, “Nupangtē, anthui ro,” tīna a pāi a. 55A rathā chu a hong ākīr rēt a, ama chu anthui len a. Amā'n nupangtē chu hon khat mo ānsāk ranga chong a pēk a. 56#Mt 8:4A nū lē a pā ngāi chu a boi a dong u na. Tenchu amā'n a sinthō ha tūtē kōma āril nōk ranga chong a pēk a.
Currently Selected:
Lūk 8: RNL
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.
Lūk 8
8
Sachīnthekpū le han Ankhīna
Mt 13:1-23; Mk 4:1-20
1 #
Mt 4:23
Hava suole han Isuo chu chong arila lē Pathian rēngram thangahui chu a puong tir a, khopui tin lē khuo tina a lūt a. Sōmleianni ngāi um a bila om u na. 2#Mt 27:55-56Nupang senkhat ratha sanōkin ei sūr lē rikhuo tin adōna ei mandam ngāi um a om u na. Mari, mī'n Magdalene ei ti, ama asūng ātā raluoi sari ei suokna ha, 3#Mt 14:1Herod a sum āvongpū Kuza a thāinū Zoanna, Susana lē mītei ātampā a om u na. Amānī'n neinun dōn u ngāi ātā a dorbō a dom u na.
4Mipui atampā a hong ānbūm u na, khopui tin ātā mipui ngāi chu a kōma a hong u na, ankhīna-chong a ril a, 5“Sachīnthekpū chu sachī ānthek ranga asuoka a sē na. Ei ātheka han asen chu lam sīra a chul a, anchīla om a, chunga vā ngāiin a sāk hiam u na. 6Asen chu lung chunga a chul a, a hong āmōng a, rathī ei dōn nōk sika a thēm a. 7Asen chu raling bila a chul a, raling le han anruola a hong āmōng u na, ralingin a dīp khap a. 8#Mt 11:15Asen chu phil asāna a chul a, a hong āmōng a, thep razā marā a hong masuok a,” tīna a ril a. Hiva chong aril lāi han ankhēk a, “Anngāina kuor adōnin rangāi rase,” a tī na.
Ankhīna-chong Derdīn
9A zolāi ngāiin a kōma, “Hiva ankhīna-chong hi hong mo a omzia?” tīna a rakel u na. 10#Isa 6:9-10; Mt 13:11Amā'n, “Pathian rēngram chong anthup ngāi chu nei riat una ranga anpēka om a. Tenchu atei ngāi ranga chu ankhīna-chonga kēng anpēka ei om, hintin hin, ‘A en u nā'm mu thei u nō ni, a rangāi u nā'm riatthei u nō ni,’ ” (Isa 6:9) a tī na. 11#Heb 4:12Ankhīna-chong chu hiva hi a ni, “Sachī chu Pathian chong a ni. 12Lam sīra āchul ngāi chu chong anrangāi ngāi chu a ni. Tenchu diabol chu a hong a, amānī'n ei iam a, ei zōk u nōkna ranga, a malung u nātā hava chong ha a lāk viak a. 13#Mt 11:6Lung chunga āchul ngāi chu chong a rangāi u na, rāisān taka a pom u na. Hiva ngāiin razung dōn u mak a. A iam tot u na, thēmna a hong āsuok le chu a chul u na. 14#Mt 19:23; 1Ti 6:9-10, 17Raling bila āchul ngāi chu chong a rangāi u na, a suok u na, tenchu ramuol nun andonna, neinung lē huina hēkna andonna ngāiin a hīp a, a mara u ngāi chu takanchang mak. 15Tenchu phil asāna āchul ngāi chu malung anzīka lē mandon asā adōna chong anngāia, asūrtita, phūkanchuola marā ansuo ngāi a ni u na.
Lēmchuongna Chunga Lēm
Mt 5:15-16; Mk 4:21-25; Lk 11:32-36
16 #
Mt 5:15
“Tūkarengin lēm a manchuong a, kok mankhū ngāi mak, zāmun thuoiā'm siak ngāi mak. Tenchu asūnga ālūt ngāiin ei mu theina ranga, lēmchuongnāna kēng ei manchuong. 17#Mt 10:26; Mk 4:22Asik chu anlang lui rang ītē ānthup om mak. Anriatlui rang lē anlang lu rang ānthup ītē om mak. 18#Mt 25:29Hasikhan hontin mo nei rangāi u anrēng u ro. Ādōnpū kōma anpēk sāna om in tia, ādōnnōkpū kōma adōna ei ānbē ngal ha anlāka om in ti,” a tī na.
Isuo a Nū lē a Paruol ngāi
Mt 12:46-50; Mk 3:31-35
19Hatuka a nū lē a paruol ngāi chu a kōma a hong u na. Tenchu mipui sika ama chu va suok thei u mak a. 20#Zn 7:5Mī senkhatin a kōma, “Na nū lē na paruol ngāiin nang anā mū rang a zōt u na, apanga anding u,” a ti u na. 21#Zn 14:21Amā'n amāni chu, “Ka nū lē ka paruol ngāi chu Pathian chong anngāia lē ātel ngāi kēng,” tīna a masang a.
Isuo'n Phāivuo ei Āngōna
Mt 8:23-27; Mk 4:35-41
22Nikhat chu hintin hin a ni na, ama chu a zolāi ngāi le han rakuonga a chuong a, amā'n a kōm u na, “Tho, tīndīl son tiang varāla ankān u rei,” a tī na. Hatuka rakuonga anphet u na. 23Rakuonga a sē u lāitak han Isuo chu a in a. Hatuka tīndila han phāivuo a hong a, rakuong sūnga tī a hong abit tir a, amāni chu rathatāka a om u na. 24#Sām 107:9; Zon 1:15A kōm a sē u na, a va mathui u na, “Mīnchūpū, mīnchūpū, āthi rang nā ni zei hile!” a ti u na. Ama chu anthui a, phāivuo lē tiduar ansok chu ā ngō na. Hatuka a mong u na, a dāiruom u na. 25A kōm u na, “Huo mo nei iam u na?” a tī na. Ā chi u na, a boidong u na, amāni lē amānī'n, “Hiva mī hi tū mo tāk? Thīnthī lē tī ngal chong ei pēk a, ei tel u hi!” a ti u na.
Raluoiin ei Sūr Khat Isuo'n ei Mandamna
Mt 8:28-34; Mk 5:1-20
26Hatuka Galili varāla Gadara rama rakuonga a sē u na. 27Isuo chu phil ei āthin le, hava khopuia mī khat raluoi ngāiin ei sūrin antongpui a. Ama chu nikhuo sōtpā puon abuia lē inā'm omluia, tenchu thāna a om a. 28#Mt 8:29; Mk 5:7Isuo ei mū le ankhēk a, a makunga anboka, anring sabaka, “O Isuo, Pathian Ānsāng khīt Nāipasal, nang lē koi hong mo nei ānzomna? Na sinsak nō ro ba, ka na mathēm,” a tī na. 29Asik chu hava miring ātā ratha sanōk ha āsuok ranga chong ei pēk a ni. Hava miring ha raluoiin a lei sūr babang chachak a ni. Ama chu zīngzir lē thīrkuol le han ankhita ānrung a ni. Tenchu ei ānkhitna ngāi chu asata raluoiin mibuirama a ruoi chachak a. 30Isuo'n a kōma, “Hong mo na raming?” tīna a rakel a. Amā'n, “Sipairuol,” a tī na. Asik chu asūnga raluoi atampā ālūt a ni na. 31#Anl 9:1-2, 11Amānī'n donglui khura āsē ranga, chong a pēk nōk ranga a mathēm u na. 32Hava han, muola vok ruol atampā sāk a sāk a, a om u na. Vok ngāi sūnga avā lūt ranga Isuo kōma a mathēm u na. Hatuka amā'n a phal a. 33Hatuka raluoi ngāi chu hava miring sūng ātā a suok u na, vok ngāi sūnga a lūt u na. Vok ruol ngāi chu tirakham ankāia tīndila a vā chul u na, anninga a thi zit u.
34Vok avāi ngāiin hava ngāi ha a mū u na, arota khopuia lē khotānga a va ril u na. 35Hatuka hong mo ei nī'n zei tīna āen ranga mipui ngāi chu a suok u na. Amāni chu Isuo kōm a hong u na, raluoiin ei mathān suo miring ha puon ansila, ahian vanga Isuo kekunga ansuta a hong mū u na. Amāni chu a rathā a ta u na. 36#Mt 4:24Raluoiin ei sūrpū chu hontin mo ei hong dam ha āmū ngāiin amāni kōma a lei ril u na. 37#Kui 16:39Hatuka Gadara ram ravēla mi ngāi dōra chu amāni kōm ātā ānkhāi ranga a mathēm u na. Asik chu a rathā a ta sabak u na. Hatuka ama chu rakuonga a chuong a, a kīr rēt a. 38A sūng ātā raluoi ei suokna mī hān Isuo bila om ranga a mathēm a. Tenchu Isuo'n ama chu a mansē na. 39A kōma, “Na ina kīr tānla, Pathianin na chunga sin alian ei na thōpē ha va ril ro,” a tī na. Ama chu a sē na, Isuo'n a chunga sin alian ei thōpē ha khopui pumpuia a va puong a.
Nupang Sanāitē ei Ānthuirētna lē Nupang ei Damna
Mt 9:18-26; Mk 5:21-43
40Isuo a hong ākīr rēt le chu mipui ngāiin a lei phām u na. Asik chu alom una a lei maruong u a ni. 41#Mk 5:22Entā, sinagog ruoipū khat Zaira ei ti u chu a hong a. Isuo kekunga anbok a, a ina hong ranga a mathēm a. 42Asik chu amā'n nāinupang khat dak, akum sōmleianni tāng mī a dōn a. Ama chu āthi rang tōtō a ni.
Isuo chu ei sē balam han mipui ngāiin a hong tuor a va tuor u na. 43#Lev 15:25-30Hatuka nupang khat kum sōmleianni thī'n ei huot, asum nei dōra chu mīentheipū ngāi kōma a mang kiar a, hanum tūtē'n mandam thei mak a. 44#Mt 9:20Ama chu Isuo nūk tiang a hong a, a puon mēr a tōn a, athī'n ei huot chu among len a. 45Isuo'n a kōma, “Tū mo a na tōn?” a tī na. Ni mak ung a ti kiar suo u na, Peter lē a bila om ngāiin, “Mīnchūpū, mipuiin ei nā tuor, ei na nōng a, nangin, ‘Tū mo a na tōn?’ nei ti,” a ti u na. 46#Mt 14:36; Mk 3:10Tenchu Isuo'n, “Mī a na tōn khat a om. Asik chu ka takchung ātā ranak asuoka ka riat,” a tī na. 47Hava nupangin ei ānthup lāi nōk tī a riat le chu, annōk chunga a hong a, a makunga anbok a, ei tōnna asik lē ei dam lenna chu mi ngāi dōra matona a puong a. 48#Mt 9:22; Kui 15:33Isuo'n a kōma, “Nāinupang, na rāi mansān ro. Nei iamnā'n a na mandam zei. Phūkdāia sē ro,” a tī na.
49Isuo'n chong a ril lāitak han sinagog ruoipū in ātā mī khat a hong a, “Na nāinupang chu a thi suo zei, Mīnchūpū chu manpōn lāi nō ro,” a tī na. 50Isuo'n hava ei riat le a kōma, “Na rathā manta nō ro, iam pei ro, ama chu dam in ti,” tīna a masang a. 51Ama chu insūnga a hong ālūt le chu, Peter, Zohan, Zakob, nāipangtē a nū lē a pā rong nōk chu tūtē ina ālūt ranga phal mak a. 52#Mt 9:24Alom una a chap a, a chapchān u na. Tenchu Isuo'n, “Chap u nō ro, āthī ni mak, āin kēng,” a tī na. 53Ama chu āthī tīna ei riat u sika maniērō a thō u na. 54Tenchu Isuo'n alom una a masuok zit a, a kut a sūrpē na, “Nupangtē, anthui ro,” tīna a pāi a. 55A rathā chu a hong ākīr rēt a, ama chu anthui len a. Amā'n nupangtē chu hon khat mo ānsāk ranga chong a pēk a. 56#Mt 8:4A nū lē a pā ngāi chu a boi a dong u na. Tenchu amā'n a sinthō ha tūtē kōma āril nōk ranga chong a pēk a.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.