GALATIANUN 1
1
1Paul, Apostle ahyahwid (kahween oonje enenewun, kah kuhya enene nindahnoonegoose, me atuh Jesus Christ, kuhya Kesha‐Muhnedoo Wayoosemind, kahahbejebahaud enewh oonje neboong;)
2Kuhya kuhkenuh egewh wejekewaëmaug wahjewejig, nemahjebeühmahwahnahnig egewh anuhmeähjig emuh Galatiaïng ayahjig:
3Shahwanjegawin kegahahyahnahwah kuhya pezaunewawin oonje owh Kesha‐Muhnedoo Wayoosemind, kuhya oonje Tabanemenung Jesus Christ.
4Owh kahpuggedenedezood kemujjeëzhewabezewinenahnin oonje, chebemahjeënung oomah oonje majeëzhewabuk uhkeeng, debishkoo kahenandung owh Kesha‐Muhnedoo kuhya Koosenaun:
5Me suh owh kapezhegandahgooïnd kahgenig uhpuhna kahgenig. Amen.
6Nemahmahkahdandum ewh wuhyebah kenuhguhnag owh kahnundoomenag emuh Christ ooshahwanjegawining keëzhequakeëgooyag emuh pukkaun minwahjemoowining:
7Kahween pukkaun minwahjemoowiu ahwunsenoon; ahnind suh kemegooshkahjeëgoowah wepukkaunesittoowaud ewh oominwahjemoowin owh Christ.
8Ahnahween goo nenuhwind, gamuh keche‐kezhegoong wanjeed angen, pukkaun minwahjemoowin debahjemootuhmoonenag ewh dush ween atuh kahdebahjemootuhmahgooyagoobun, mahnoo tahkuhgwahnesuggandahgooze.
9Debishkoo ahzhuh kahekedooyaung, me suh noongoom nahsaub menuhwah akedooyaun, Kishpin ahweyah debahdoodung pakaunuk minwahjemoowin dush ween ewh kahoodahpenuhmagoobun, mahnoo tahkuhgwahnesuggandahgooze.
10Noongoom edush nuh newekoojeäug chebezindahwewaud enenewug, gamuh Kesha‐Muhnedoo? gamuh nenunduhwandum enuh cheminwanduhmeügwahpun enenewug? kishpin muh kayahbe minwanduhmeügwahpun enenewug, kahween nindahgeöobuhmeetahgunemegoose Christ.
11Keweenduhmoonenim, nejekewaëdoog, ewh minwahjemoowin kahdebahdooduhmaun kahween eneneeng keöonjeemahgussenoon.
12Kah muh enene ningemeenegoose, kah kuhya ningekekenooähmahgoose, me suh owh Jesus Christ kahmezheshuh‐wahbunduhid.
13Kegenoondahnahwah suh kahezhewabezeyaun kuhyet emuh egewh Jewyug oodahnuhmeähwinewaung, ewh kekuhgwahnesugge‐kooduggeügwah egewh dabandahgoozejig emuh oodahnuhmeähwining owh Kesha‐Muhnedoo, kuhya kebuhnahjeügwah:
14Kuhya ahwahshema ningekeche‐ahnookeetaun ewh ooduhnuhmeähwinewaun egewh Jewyug dush ween nebewah neeje‐Jewyug nahsaub kahahpeetezejig neen kahahpeetezeyaun, ahwahshema dush ningeminwawiz keweedookahzooyaun emuh oodekekoowinewaung noosebuneeg.
15Uhpe dush kahenandung Kesha‐Muhnedoo, owh kezhah kahwuhwanahbuhmid magwah kekishkahwid ninguh, kuhya kahnundoomid oonje ooshahwanjegawin.
16Chewahbundahid enewh oogwissun emuh neyowing, cheöonje‐pahbahdebahjemug emuh anduhzhe‐ahyahwaud egewh mayuggezejig; kazhetena kahween ningepahbah-metunseen ewh weyausemah kuhya ewh misque:
17Kah dush ningeëzhahse emuh Jerusaleming cheodissugwahpun egewh kahahpostleëwejig chepwah neen kemahje‐ahpostleëweyaun; ningeëzhah dush emuh Arabiaïng, menuhwah dush ningepeëzhekewa emuh Damascusing.
18Kahnesoo‐pepoonuhguk ningeëzhah ewede Jerusaleming ahwewahbuhmug Peter, andaud edush ningeweedeganga metahswe ahshe naunoogoon.
19Ahnind dush egewh Apostleüg kahween ahweyah ningewahbuhmahse, me atuh James wejekewaün Tabaningad.
20Benuh dush, enewh uhyeëen mahyahjebeühmoone-nuhgoog, emuh anahsuhmid owh Kesha‐Muhnedoo, kahween nekuhkeenuhwishkese.
21Nahguj edush ningepeëzhah emuh Syriaïng kuhya Ciliciaïng duhzhe duhnuhkeewining;
22Kah dush ningekekanemegooseeg azhenahgoozeyaun egewh anuhmeähjig ewede Judeaïng dabandahgoozejig emuh Christing:
23Me suh atuh kahezhenoonduhmoowaud, wah‐owh kahkooduggeënung kuhyet, noongoom oobahbahdebahdoodaun ewh dabwayanduhmoowin kuhyet kahkooduggetood.
24Oogepeshegandahgooähwaun enewh Kesha‐Muhnedoon neen oonje.
Currently Selected:
GALATIANUN 1: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
