EXODUS 9
9
1Medush oo‐oo kahenaud Jehovah enewh Mosesun, Peendegowh owh Pharaoh, oo‐oo dush ezhe, Me suh oo‐oo akedood Jehovah oo‐Kesha‐Muhnedoomewaun egewh Hebrewug, Puhgedin nindahneshenahbamug, chebuhmetuhwewaud dush.
2Kishpin mah enanduhsewun chepuhgedenudwah, weminjemenudwah dush egoo atuh.
3Benuh Jehovah oopuhketawaun keduhwuhkahnun ketegauning ayahnejin pahpazhigoogunzheen, mamaungeshayun, pakwahwegunenejin uhnooke‐pezhikewun, kuhya mahnishtahneshun: tuhkeche‐mahnahdahpenam.
4Jehovah dush pekenoong oogohdooduhwaun enewh Israel ooduhwuhkaunun kuhya enewh Egypt duhzhe uhwuhkaunun: kah dush gagoo tuhneboomuhgussenoon ewh menik tabanduhmoowaud Israel oonejahnesun.
5Jehovah dush oogeweendaun ewh uhpe kaëzhewabudenig, oo‐oo keëkedood, Wahbung Jehovah tuhezhechega oo‐oo emah uhkeeng.
6Jehovah dush keëzhechega owh wuhyahbunenig, keneboonid dush kuhkenuh ooduhwuhkaunene enewh Egyptianun: enewh dush ween ooduhwuhkaunene enewh Israel oonejahnesun, kahween kuhnuhga pazhig keneboosewun.
7Pharaoh dush keühnooke, benuh dush, kahween kuhnuhga pazhig ooduhwuhkaunene enewh Israelitun keneboosewaun Pharaoh dush ooda kemushkuhwahtuhmuhwah, kepuhgedenahsig dush enewh ahneshenahban.
8¶ Jehovah dush oo‐oo oogeënaun Mosesun kuhya Aaronun, Oodahpenuhmook keninjewaung chemooshkenag ewh pingwe ningahbekezheguning wandenegahdag, mahnoo dush Moses ooguhsuhswawabenaun kezhigoong enu kayah anahsuhmenid Pharaohun.
9Tuhweyugguhsayewun dush emah anegookookummegaug Egypt, me dush ewh kaöonjeooshingebesimid bamahdezid kuhya uhwuhkaun, emah anegookookummegaug Egypt.
10Oogeöodahpenahnahwah dush ewh pingwe ningahbekezeguning wandenegahdag, kenebuhwewaud dush emah anahsuhmenid Pharaohun; Moses dush oogesuhswawabenaun kezhigoong enuhkayah; me dush ewh kahoönjeöoshingebesimid bamahdezid kuhya ahwahkaun.
11Egewh dush wahbunoo‐enenewug kahween oogekushketoosenahwah chenebuhwewaud emah anahsuhmenid Mosesun, enewh shingebesun oonje; keöoshingebesimewug mah egewh wahbunoo‐eennewug, kuhya kuhkenuh egewh Egyptianug.
12Jehovah dush oogemushkuhwahtuhmuhwaun Pharaoh ooda kebezinduhwahsenig dush enewh; kahenahgoobunan goo Jehovah enewh Mosesun.
13¶ Jehovah dush oo‐oo oogeënaun Mosesun, Kekeshab oonishkaun, nebuhwin dush emah anahsuhmeed Pharaoh, oo‐oo dush ezhe, Me suh oo‐oo akedood Jehovah, oo‐Kesha‐Muhnedoomewaun egewh Hebrewug, Puhgedin nindahneshenahbamug, chebuhmetuhwewaud dush.
14Me mah ween edush noongoom cheëzhenahzhuhuhmoonaun kuhkenuh ninkooduggeëwawinun emah kedaïng, kuhya egewh kebuhmeetahgunug, kuhya egewh kedahneshenahbamug; chekekanduhmun dush ahweyah enandahgoozesig neen anandahgoozeyaun emah anegookookummegaug uhkeeng.
15Noongoom mah goo ningahshebenekan, chepuhketaöonaun kuhya egewh kedahneshenahbamug ewh mahnahdahpenawin; kegahungoonegoo dush emah uhkeeng.
16Kagate dush egoo oo‐oo kegeöonjepuhsegwindenin, keen cheöonjewahbunduhewayaun nemushkuhwezewin; kuhya chewahweenjegahdag nindezhenekahzoowin emah anegookookummegaug uhkeeng.
17Kayahbe nuh dush kedoombenediz chemujje‐dooduhwudwah nindahnishenahbamug, chepuhgedenahsewudwah dush?
18Benuh, wahbung oo‐oo koonemah uhpe ningahezhechega ewh chekuhgwaunesuhge‐keche‐sasagung, ewh wekah azhewabussenoogebun emah Egypting, ewh uhpe muhyahje‐ähneshenahbakaug nuhnaunzh egoo noongoom.
19Uhnookeen suh dush noongoom, kuhya mahwunje keduhwuhkaunug, kuhya kuhkenuh ayahmun emah ketegauning; kuhkenuh mah egewh ahneshenahbag kuhya uhwuhkaunug kamekuhwindjig emah ketegauning, kabekewawenah-sewindjig dush, tahsasagunene emah uhyahwaud, tuhneboowug dush.
20Owh kahkootung oodekedoowin Jehovah menik kahduhchenid Pharaoh oobuhmeetahgunun oogeëzhenezhemooäun oobuhmeetahgunun kuhya ooduhwuhkaunun emah wegewauming.
21Owh dush ween kahbuhbahmanduhsig oodekedoowin Jehovah, oogenuhgunaun oobuhmeetahgunun kuhya ooduh wuhkaunun emah ketegauning.
22¶ Jehovah dush oo‐oo oogeënaun Mosesun, Shebenekanin kezhigoong enuhkayah, chesasagung dush emah anegookookummegaug Egypt, emah uhyaud owh ahnishenahba, kuhya uhwuhkaun kuhya emah anduhzhe‐netahwegingin nwahkushkukkin ketegauning, emah anegookookummegaug Egypt.
23Moses dush keshebenekane kezhigoong enuhkayah tuhkoonung oometigoonsim: Jehovah dush keënandum chenoondahgoozenid uhnemekeen kuhya chesasagunenig, ishkooda kuhya kebemebedamuhgud wuhgedahkummig; Jehovah dush keënandum chesasagunenig emah Egypt duhzhe uhkeeng.
24Me suh dush kesasagung, kuhya ishkooda keduhgoo-pungesing ewh kesasagung kekeche‐gootahmegwuk, ewh wekah nahsaub azhewabussenoogebun emah anegookookummegaug Egypt, ewh goo uhpe muhyahje‐ähnishenahbakaug emah.
25Emah dush anegookookummegaug Egypt, kuhkenuh anduhchewahpun emah ketegauning keneboowug oonje ewh sasagun, owh ahnishenahba kuhya dush egoo owh uhwuhkaun; kuhkenuh kuhya nwahkushkukkin emah ketegauning kenishwuhnahdudoon ewh kesasagung, kuhya kuhkenuh metigoog emah ketegauning baduhkezoopuneeg kepookooshkoozoowug.
26Emah atuh Goshen duhzhe uhkeeng, emah keduhnezewaud Israel oonejahnesun, kahween kesasagunsenoon.
27¶ Pharaoh dush keühnooke, kenundoomaud Mosesun kuhya Aaronun, oo‐oo dush keënaud, Ningemujjeëzhechega noongoom; Jehovah quuhyuk‐ezhewabeze, neen dush ween kuhya nindahneshenahbamug nemujje‐ezhewabezemin.
28Ahnuhmeätuhwik Jehovah (me mahween menoomenik) menuhwah chekootahmegoo‐uhnemekekahsenoog kuhya chesasagunsenoog: kegahpuhgedenenim dush, kah kuhya kayahbe kegahduhnezeseem oomah.
29Moses dush oo‐oo oogeënaun, Uhpe goo kesahguhuhmaun emah keche oodanaung, ningahshebenekatuhwah Jehovah, tahishquahuhnemekekah dush, kah kuhya menuhwah tuhsasagunsenoon; chekekanduhmun dush ewh uhke tebandung Jehovah.
30Keen dush ween kuhya egewh kebuhmeetahgunug, ninkekandaun chekoosahsewag muhshe owh Jehovah Kesha‐Muhnedoo.
31Ewh dush uhsuhbaub kategahdag kuhya ewh mameshuhnuhguk minzemenans kebuhnahdudoon: ewh mah mameshuhnuhguk minzemenans uhnewahbedabun, ewh kuhya uhsuhbaub kategahdag kagah zhegwuh kezhegenoobun.
32Ewh dush ween minzemin kuhya ewh rie kahween kebuhnahdussenoowun: kah mahween kekezheginsenoon.
33Moses dush kesahguhum emah uhyahnid Pharaohun, uhgwuhjeeng keche‐oodanaung keëzhaud, oogeshebenekatuhwaun dush Jehovahun: keïshquahuhnemekekah dush kuhya keïshquahsasagun, kah kuhya kekemewunsenoon emah uhkeeng.
34Uhpe dush Pharaoh wuhyahbundung ewh keïshquah‐kemewunenig kuhya keïshquah‐sasagunenig kuhya keïshquah-uhnemekekahnig, kayahbe menuhwah kemujje‐ëzhechega, kuhya oogemushkuhwahtoon ooda, ween kuhya enewh oobuhmeetahgunun.
35Pharaoh dush ooda kemushkuhwahtuhmuhwah, kah dush kuhya keënandunse chepuhgedenaud Israel oonejahnesun; kahenahgoobunan egoo Jehovah enewh Mosesun.
Currently Selected:
EXODUS 9: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
