EXODUS 8
8
1Jehovah dush oo‐oo oogeëzheguhnoonaun Mosesun, Peendegowh owh Pharaoh, oo‐oo dush ezhe, Me suh oo‐oo akedood Jehovah, Puhgedin nindahneshenahbamug chemahjahwaud, chebuhmetuhwewaud dush.
2Kishpin dush enandunsewun chepuhgedenudwah, benuh, ningahenahkoonega cheöomuhguhkeekaug mezewa keduhkeeming:
3Ewh dush sebe oogahkeche‐negeäun oomuhguhkeen, kakoopewaud kuhya kapeendegawaud kewegewauming kuhya emah koo anduhzhenebahyun, kuhya oogij kenebahguning, kuhya emah oowegewaumewaung kebuhmeetahgunug, kuhya kedahneshenahbamug, kuhya emah kekeboozeguning, kuhya kedoonuhdenega‐uhtoobauning:
4Egewh dush oomuhguhkeeg kegahnaunzekahgoog keen, kuhya enewh kedahneshenahbamun, kuhya kuhkenuh enewh kebuhmetahgunun.
5¶ Jehovah dush oo‐oo oogeëzheguhnoonaun Mosesun, Oo‐oo ezhe Aaron, Shebenekanin, ewh kemetigoonsim uhyooyun, chepuhketaühmun enewh sebeweshayun enewh sebewun, kuhya enewh wahzhebeyaunsun, ezhechegan dush cheühgwah-yahduhgahwaud oomuhguhkeeg emah Egypt duhzhe‐uhkeeng.
6Aaron dush kezhebenekane kepuhketaüng enewh Egypt duhzhe sebeen; me dush keühgwahtahwaud egewh oomuhguhkeeg, kuhya kemooshkenashkummoowaud ewh Egypt duhzhe uhke.
7Egewh dush wahbunoo‐wenenewug nahsaub keëzhechegawug enewh oowahbunoowewinewaun, kekushketoowaud dush cheöomuhguhkekahnig emah Egypt duhzhe uhkeeng.
8¶ Me dush Pharaoh kenundoomaud Mosesun kuhya Aaronun, oo‐oo dush keënaud, Ahnuhmeätuhwik Jehovah, cheëkoonuhmuhwid enewh oomuhguhkeen, kuhya cheëkoonuhmuhwaud nindahneshenahbamun; ningahpuhgedenaug dush egewh ahneshenahbag chemahjahwaud, chesahsahgewenahwaud dush Jehovahun.
9Moses dush oo‐oo oogeënaun Pharoohun, Kechetwahweëshin: ahneen suh uhpe kaähnuhmeätuhmoonaun keen, kuhya egewh kebuhmetahgunug; kuhya kedahneshenahbamug, cheüngoonuhmindwah egewh oomuhguhkeeg emah uhyahyun kuhya emah kewegewauming, cheühyahwaud dush atuh emah sebeeng?
10Oo‐oo dush keëkedoowun, Wahbung. Oo‐oo dush keëkedoo, Tahezhewabud suh kahekedooyun: chekekanduhmun ahweyuh anandahgoozesig anandahgoozid Jehovah nin‐Kesha‐Muhnedoomenaun.
11Egewh dush oomuhguhkeeg tuhmahjahwug emah uhyahyun, kuhya emah kewegewauming, kuhya emah uhyahwaud kebuhmetahgunug, kuhya kedahneshenahbamug; tahuhyahwug atuh emah sebeeng.
12Moses dush kuhya Aaron kesahguhumoog emah uhyahnid Pharaohun: Moses dush oogepepahgemaun Jehovahun oonje enewh oomuhguhkeen kahezhenahzhuhuhmuhwahnid enewh Pharaohun.
13Jehovah dush keëzhechega nahsaub kahekedoonid Mosesun; egewh dush oomuhguhkeeg kejahgenawug emah wegewauming, emah oodanaunsing, kuhya emah ketegauning.
14Oogemahwundooshemahwaun dush, keühyookweshe-mahwaud: ewh dush uhke kemaunzhemahgwud.
15Uhpe dush Pharaoh wuhyahbundung ewh kepooneïnd, kemushkuhwedaäedezoo, kebezinduhwahsig dush enewh; kahekedoopun egoo Jehovah.
16¶ Jehovah dush oo‐oo oogeënaun Mosesun, Oo‐oo ezhe Aaron, Shebenekanin takoonuhmun kemetigoonsim, puhketaün dush ewh uhkeeng duhzhe weyugguhsa, cheëquuhwungemuh anegook‐ookummegaug Egypt.
17Me dush ewh kahezhechegawaud; Aaron mah keshebenekane tuhkoonung ewh oometigoonsim, kepuhketaüng ewh uhkeeng duhzhe weyugguhsa, me dush keëquuhwung ooweyowhing bamahdezid kuhya uhwahkaun; kuhkenuh ewh uhkeeng duhzhe weyugguhsa keëquuhwun emah anegookookummegaug Egypt.
18Egewh dush wahbunoo‐wenenewug nahsaub keëzhechegawug, enewh oowahbunoowewinewaun, cheëquuhkaug, kah dush oogekushketoosenahwah; keöodikoome suh dush bamahdezid kuhya uhwuhkaun.
19Me dush egewh wahbunoo‐wenenewug oo‐oo keënahwaud Pharaohun, Me suh oo‐oo Kesha‐Muhnedoo ooninj; kemushkuhwetuhmuhwah dush Pharaoh ooda, kebezinduhwahsig dush enewh; kahekedoopun egoo Jehovah.
20¶ Jehovah dush oo‐oo oogeënaun Mosesun, Kekezhab oonishkaun, nebuhwin dush emah anahsuhmeed Pharaoh: benuh, uhguhmeeng ezhah; oo‐oo dush ezhe, Me suh oo‐oo akedood Jehovah, Puhgedin nindahneshenahbamug chemahjahwaud, chebuhmetuhwewaud dush.
21Kishpin dush ween enandunsewun chepuhgedenudwah nindahneshenahbamug, benuh, kegahezhenaunzhuhmoon kache‐uhyooquenoojig suhgemag, kuhya ninguhezhenaunzhuhuhmuhwaug kebuhmetahgunug kuhya kedahneshenahbamug, kuhya emah kewegewauming: emah dush oowegewaumewaung egewh Egyptianug tuhmooshkenawug kache‐uhyooquenoojig suhgemag, kuhya dush uhkeeng emah uhyahwaud.
22Ningahnanahwenaun dush ewh uhpe kezhiguk, ewh Goshen duhzhe uhke, emah anduhnuhkewaud nindahneshenahbamug, chesuhgemakahsenoog emah; cheöonjekekanduhmun ewh neen Jehovah ahweyaun emah nahwuhyeëe uhkeeng.
23Pekenoong dush ninguhdooduhwaug egewh nindahneshenahbamug kuhya egewh kedahneshenahbamug: wahbung oo‐oo tuhezhekekenuhwahjechegam.
24Jehovah dush oo‐oo keëzhechega; kepeendegasawug dush quatahmegwenoojig suhgemag emah oowegewauming Pharaoh, kuhya oowegewaumening oobuhmetahgunene, kuhya mezewa emah Egypt duhzhe uhkeeng: ewh uhke kebuhnahjechegahda oonje egewh wayooquenoojig suhgemag.
25¶ Pharaoh dush oogenundoomaun Mosesun kuhya Aaronun, oo‐oo dush keënaud, Mahjaug, sahsahgewenik ke‐Kesha‐Muhnedoomewah emah uhkeeng.
26Moses dush oo‐oo keëkedoo, Kahmahmindah oo‐oo cheëzhechegangebun; ningahsahsahgewejegamin mah ewh kagwahuesuhgandahgwudenig egewh Egyptianug, chesahsahgewenungid Jehovah nin‐Kesha‐Muhnedoomenaun: benuh, ningahsahsahgewejegamin enuh ewh kagwahnesuhgandahgwudenig egewh Egyptianug emuh anahsuhmiskeenzhegwawaud, kah nuh dush ningahpemwuhsenuhegoosenahnig?
27Ningahpemoosamin nessoogoon puhgwuhduhkummig, ningahsahsahgewenahnaun dush Jehovah nin‐Kesha‐Muhnedoomenaun, kaëzhekuhgaundwad egoo.
28Pharaoh dush oo‐oo keëkedoo, Keguhpuhgedenenim suh, chesahsahgewenag dush nah owh Jehovah ke‐Kesha‐Muhnedoomewah puhgwuhduhkummig; me dush atuh goo keche wahsuh cheëzhahsewag: ahnuhmeätuhmuhweshig.
29Moses dush oo‐oo keëkedoo, Benuh, nesahguhum emah uhyahyun, ningahahnuhmeätuhwah dush Jehovah, egewh wayooquenoojig suhgemag chenuhguhnahwaud Pharaohun, enewh oobuhmetahgunun kuhya enewh oodahneshenahbamun wahbung: kagoo dush ween Pharaoh kakuaguhyanezingin tuhezhechegase menuhwah ewh wepuhgedenahsig enewh ahneshenahban chemahjahnid, chesahsahgewenahnid dush enewh Jehovahun.
30Moses dush kesahguhum emah uhyahnid Pharaohun, keähnuhmeätuhwaud dush Jehovahun.
31Jehovah kush keëzhechega nahsauh kahekedoonid Mosesun; oogeëkoonuhmuhwaun dush enewh wayooquenoonejin suhgeman, enewh Pharaohun, enewh oobuhmeetahgunene, kuhya enewh oodahneshenahbamene; kahween kuhnuhga pazhig keïshkoonahse.
32Pharaoh dush kemushkuhwedaäedezoo oo‐oo uhpe kuhya, kah dush keënandunse chepuhgedenaud enewh ahneshenahban.
Currently Selected:
EXODUS 8: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
