EXODUS 7
7
1Jehovah dush oo‐oo oogeënaun enewh Mosesun, Benuh kegeënahkoonin cheöomuhnedoomemik Pharaoh: owh dush Aaron kekahnis kegahoodannwahchega‐wenenemenun.
2Keguhekid kuhkenuh azhekuhgaunzoomenaun: owh dush Aaron kekahnis oogahguhnoonaun Pharaohun, chesahgejenahzhuhwahnid Israel oonejahnesene emah ooduhkeemening.
3Ninguhmushkuhwahtuhmuhwah dush Pharaoh ooda, kuhya ninguhbahtuhyenuhtoonun ninkekenuhwahjechegunun kuhya nemuhmaundahwechegunun emah Egypt duhzhe uhkeeng.
4Pharaoh dush ween kahween kegahbezindahgoosewah, chepuhketaühmaun Egypt, kuhya chesahgejewenugwah neshemahguneshemug, nindahnishenahbamug Israel oonejahnesun, emah Egypt duhzhe uhkeeng, keche‐nahneboongayaun.
5Egewh dush Egyptianug oogahkekandahnahwah ewh Jehovah ahweyaun, uhpe shebenekaneyaun chepuhketaühmaun Egypt kuhya sahgejewenugwah Israel oonejahnesun emah magwaühyeëe uhyahwaud.
6Moses dush kuhya Aaron keëzhechegawug kahezhekuhgaunzoomegoowaud Jehovahun, mesuh kahezhechegawaud.
7Moses dush shwahsemeduhnuh‐dussoo‐pepoon‐uhgezebun, kuhya Aaron shwahsemeduhnuh‐dusso pepoon‐uhgezebun uhshe neswe, uhpe kahguhnoonahwaud Pharaohun.
8¶ Jehovah dush oogeguhnoonaun Mosesun kuhya Aaronun, oo‐oo keënaud.
9Uhpe Pharaoh guhnoonenag, oo‐oo enenag, Wahbunduheshenaum kekenuhwahjechegun: me dush oo‐oo cheënud Aaron, Oodahpenun metigoonsim, uhpuhgedun dush emah anahsuhmeed Pharaoh, me dush chegenabegoowung.
10¶ Moses dush kuhya Aaron oogepeendeguhwahwaun Pharaohun, me dush keëzhechegawaud kahezhekuhgaunzoomegoowaud Jehovaun: Aaron dush oogeühpuhgedaun oometigoonsim emah anahsuhmenid Pharaohun, kuhya anahsuhmenid oobuhmetahgunene, me dush kekenabegoowunenig.
11Me dush kuhya ween Pharaoh kenundoomaud enewh nebwahkah‐wenenewun kuhya enewh wahbunoo‐wenenewun: egewh suh dush Egypt duhzhe wahbunoo‐wenenewug kuhya wenuhwah nahsaub keëzhechegawug enewh oowahbunoowenenewaun.
12Kuhkenuh mah oogeühpuhgedahnahwaun oo‐metigoonsemewaun, kekenabegoowunenig dush: Aaron dush oo‐metigoonsim kegoonahne enewh oo‐metigoonsemewaun.
13Oogemushkuhwahtuhmuhwaun dush Pharaoh ooda, kebezinduhwahsenid dush enewh; kahekedoopun egoo Jehovah.
14¶ Jehovah dush oo‐oo oogeënaun Mosesun, Pharaoh ooda mushkuhwahtuhmuhwah, kahween oowepuggedenahseen enewh ahnishenahban chemahjahnid.
15Ezhaun owh Pharaoh uhpe kekezhahbahwuhguk; benuh, uhguhmeeng ezhah; keguhnebowh dush cheegesebe chepwah‐duhgwishing; ewh kuhya metigoon kahkenabegoowung kegahduhkoonaun.
16Oo‐oo dush kegahenah, Owh Jehovah Hebrewug oo-Kesha‐Muhnedoomewaun ningeëzhenahzhuhoog emah uhyahyun, oo‐oo keëzhid, Puhgedin nindahneshenahbamug chemahjahwaud, chebuhmetuhwewaud dush emah puhgwuhduhkummig; benuh dush nuhnaunzh egoo noongoom kahween kewenoonduhse.
17Me suh oo‐oo akedood Jehovah, Me suh oo‐mah kaöonjekekanduhmun ewh Jehovah ahweyaun: benuh, ewh metigoons takoonuhmaun ningahuhyoon ningahpuhketaähnun dush enewh nebeen sebeeng ayahgin, tuhmisquewechegahdawun dush.
18Egewh dush gegooyug sebeeng ayahjig tuhneboowug, kuhya ewh sebe tuhmaunzhemahgwud; egewh dush Egyptianug kahween oogahkushketoosenahwah chemenequawaud ewh sebeeng duhzhe nebe.
19¶ Jehovah dush oo‐oo oogeënaun Mosesun, Oo‐oo ezhe Aaron, Oodahpenun kemetigoonsim, shebenekanin dush chepuhketaühmun enewh Egypt duhzhe nebeen, enewh oosebeweshaëmewaun, oosebemewaun, kuhya oowahzhebeyaunsemewaun, kuhya kuhkenuh oosahguhegaunsemewaun, chemisquewechegahdagin; kuhya misque cheduhgoomuhguk anegookookummegaug Egypt, emah metig‐oonahguning kuhya dush egoo emah uhsine‐oonahguning.
20Moses dush kuhya Aaron keëzhechegawug kahezhekuhgaunzoomegoowaud Jehovahun; oogeöombenaun dush ewh metigoons, kuhya oogepuhketaähnun enewh nebeen sebeeng ayahjin, emah anshsuhmenid Pharaohun, kuhya emah anahsuhmenid oobuhmetahgunene; kuhkenuh dush enewh nebeen sebeeng ayahgebuneen kemisquewechegahdawun.
21Egewh dush gegooyug sebeeng ayahwahpun keneboowug; kuhya ewh nebe kemaunzhemahgud, egewh dush Egyptianug kahween oogekushketoosenahwah chemenequawaud ewh sebeeng duhzhe nebe; kuhya misque keduhgoomuhgud emah anegookookummegaug Egypt.
22Egewh dush Egypt duhzhe wahbunoo‐wenenewug nahsaub keëzhechegawug enewh oowahbunoowewinenewaun; Pharaoh dush ooda kemushkuhwahtuhmuhwah, kah dush kuhya oogebezinduhwahseen; kahekedoopun egoo Jehovah.
23Pharaoh dush kequakegahbuhwe, kepeendegad dush oowegewauming, kah dush kuhya oo oo oogebuhbahmandunseen.
24Kuhkenuh dush egewh Egyptianug kewahnekawug kewetahsebe, cheöonjemenequawaud nebe; kah mah oogekushketoosenahwah chemenequawaud ewh sebeeng duhzhe nebe,
25Keneenzhwahsoogoonuhgud dush, uhpe Jehovah kahpuhketaüng ewh sebe.
Currently Selected:
EXODUS 7: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
