EXODUS 6
6
1Jehovah dush oo‐oo oogeënaun enewh Mosesun, Mesuh dush chewahbunduhmun ewh kadooduhwug Pharaoh: ahpeche mahween tahenandum chepuhgedenaud chemahjahnid, kuhya oogahbahzhegwahje‐sahgejenahzhuhwaun emah ooduhkeeming.
2Kesha‐Muhnedoo dush oogeguhnoonaun Mosesun, oo‐oo dush keënaud, Neen suh nindowh Jehovah:
3Ningewahbuhmigoog dush Abraham, Isaac kuhya Jacob, Kesha‐Muhnedoo Muhyahmuhwe‐Mushkuhwezid keëzhenekahzooyaun, kah dush ween oogekekandunsenahwah Jehovah keëzhenekahzooyaun.
4Ningeühyeenjesittoon dush kuhya newahweenduhmahgawin wahweenduhmuhwugwah, chemenugwah ewh Canaan duhzhe uhke, ewh uhke emah kebuhbahmahdezewaud, kuhya kahduhzhemuhyuhgezeyaun.
5Ningenoondaun dush kuhya ooketemahgetahgoozewinewah Israel oonejahnesun, egewh quaduhge‐ühnookeëgoowaud enewh Egyptianun; ningemegwandaun dush newahweenduhmahgawin.
6Oo‐oo suh dush ezhe Israel oonejahnesun, Neen nindowh Jehovah kegahsahgejewenenim dush emah anduhzhe‐kooduggeühnooketuhwagwah egewh Egyptianug, kuhya keguhekoonenim emah anduhzheunooketuhwagwah, kuhya kegahbemahjeënim shebenekaneyaun, kuhya keche‐tebahkoonegayaun:
7Kegahoodahpenenim dush cheöodahneshenahbamme enuhgoog, neen dush kuhya ningahdowh ke‐Kesha‐Muhnedoomewah: kegahkekandahnahwah dush neen ahweyaun Jehovah ke‐Kesha‐Muhnedoomewah, suhyahgejewenenag emah anduhzhe‐koodugge‐ühnooketuhwagwah egewh Egyptianug.
8Kegahpeendegunenim dush emah uhkeeng, ewh kahmushkuhwewahweenduhmahgayaumbaun chemeenugwah Abraham, Isaac kuhya Jacob; kegahmenenim dush ewh cheähpeche-tebanduhmag: neen suh nindowh Jehovah.
9¶ Medush oo‐oo Moses kahenaud enewh Israel oonejahnesun; kah dush oogahbezindahgooseen Moses, apeech koodugganduhmenid, kuhya apeech koodugge‐uhnookeëmind.
10Jehovah dush oogeguhnoonaun enewh Mosesun, oo‐oo keënaud,
11Uhwepeendegan, guhnoonzh Pharaoh owh Egypt duhzhe keche‐oogemah, chepuhgedenaud Israel oonejahnesun chenuhguhduhmenid ooduhkeem.
12Moses dush kekekedoo emah anahsummeühyahnid Jehovahun, oo‐oo keëkedood, Benuh Israel oonejahnesun kahween ningebezindahgooseeg, ahneen dush Pharaoh kaëzhebezinduhwid, neen natah kekedoosewaun?
13Jehovah dush oogeguhnoonaun Mosesun kuhya Aaronun, kemeenaud dush kuhgequawin kaëzhekuhgekemahnid Israel oonejahnesun, kuhya Pharaohun enewh Egypt duhzhe keche oogemaun, chesahgejewenahnid Israel oonejahnesun emah Egypt duhzhe uhkeeng.
14¶ Mesuh oogoo nahgahnezekundungig oosewaun oowegewaumene: Oogwissun owh Reuben, Israel oonetumoonzhahnun; Hanoch kuhya Pallu, Hezron kuhya Carmi: mesuh oogoo wandahdezejig Reuben oonejahnesun.
15Oogwissun dush Simeon; Jemuel, kuhya Jamin, kuhya Ohad, kuhya Jachin, kuhya Zoar, kuhya Shaul kahoogwissemegoojin Canaan duhzhe equawun: mesuh oogoo wandahdezejig Simeon oonejahnesun.
16¶ Medush kuhya oonoo oodezhenekahzoowinewaun Levi oogwissun debishkoo kahezheähneka‐bemahdezewaud; Gershon, kuhya Kohath, kuhya Merari: enewh dush kekenoonoowinun menik kahbemahdezid Levi, ningoodwauk uhshe nesemeduhnuh uhshe neenzhwahswe keduhchenenewun.
17Oogwissun owh Gershon; Libni, kuhya Shimi, debishkoo azhesenenig oodenoodawezewinewah.
18Oogwissun dush Kohath; Amram, kuhya Izhar, kuhya Hebron, kuhya Uzziel: enewh dush kekenoonoowinun menik kahbemahdezid Kohath, ningoodwauk uhshe nesemeduhnuh uhshe neswe keduhchinenewun.
19Oogwissun dush Merari; Mahali kuhya Mushi: mesuh oogoo wandahdezejig Levi oogwissun, debishkoo kahezheähneka‐bemahdezewaud.
20Amram dush oogeöodahpenaun Jochebedun oosigoosun chewedegamaud; oogenegetuhmahgoon dush Aaronun kuhya Mosesun: enewh dush kekenoonoowinun menik kahbemahdezid Amram, ningoodwauk uhshe nesemeduhnuh uhshe neenzhwahswe keduhchenenewun.
21Oogwissun dush Izhar; Korah, kuhya Nepheg, kuhya Zithri.
22Oogwissun dush Uzziel; Mishael, kuhya Elzaphan, kuhya Zithri.
23Aaron dush oogeöodahpenaun Elishebaün, Amminadabun oodahnene, Naashonun oodahwamahnene, chewedegamaud; oogenegetuhmahgoon dush Nadabun, kuhya Abihuün, Eleazarun, kuhya Ithamarun.
24Oogwissun dush Korah; Assir, kuhya Elkanah, kuhya Abiasaph; mesuh oogoo wandahdezejig enewh Korhitun.
25Eleazar dush Aaron oogwissun oogeöodahpenaun pazhig enewh oodahnesene Putiel, chewedegamaud; oogenegetuhmahgoon dush Phinehasun: mesuh oogoo nahgahnezekunduhwahjig enewh Levitun oosene, nahsaub egoo anandahgwudenig oodenoodawezewinewah.
26Mesuh oogoo Aaron kuhya Moses, Jehovahun kahegoowahjin, Sahgejewenik Israel oonejahnesun emah Egypt duhzhe uhkeeng, anduhswayuggezenid ooshemahgunishemewaun.
27Mesuh oogoo kahguhnoonahwaud Pharaohun, enewh Egypt duhzhe keche oogemaun, chesahgejewenahwaud Israel oonejahnesun emah Egypting mesuh oogoo Moses kuhya Aaron.
28¶ Kepuhgummeühyahmuhgud dush ewh goo kezheguk Jehovah keguhnoonaud enewh Mosesun emuh Egypt duhzhe uhkeeng.
29Jehovah keguhnoonaud enewh Mosesun, oo‐oo keënaud, Neen nindowh Jehovah; weenduhmowh Pharaoh owh Egypt duhzhe keche oogemah kuhkenuh ewh anenaun.
30Moses dush oo‐oo keëkedoo emah anahsuhmenid Jehovahun, Benuh, kahween nenetahkekedoose, ahneen dush kaëzhebezinduhwid Pharaoh?
Currently Selected:
EXODUS 6: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
