II. CORINTHIANUN 13
13
1Mesuh noongoom nesing wahoodissenenuhgoog. Emuh oodoonewaung neezh gamuh neswe kadebahjemoojig tahminjemoosechegahdanoon kuhkenuh ekedoowinun.
2Ahzhuh kegeweenduhmoonenim, kuhya kezhah keweenduhmoonenim, debishkoo egoo ahbeyaunbaun ewede anduhzhe‐ahyahyag, me suh neezhing; noongoom dush ahbesewaun anduhzhe‐ahyahyag nemahjebeühmahwaug egewh zhahzhuhye kahmujje‐ezhechegajig, kuhya kuhkenuh ahnind, kishpin peöodissenenuhgoog menuhwah, kahween ningahshahgwanemoose:
3Ewh nunduhwanduhmag kekenoowahjechegun chekekandahgoozid owh Christ kekedood emuh neyowing, kahween shahgwewese kenuhwah anuhkuhkayah, mushkahweze suh emuh keyowewaung.
4Ahnahween goo keëzhesuhsuhgahquahoond emuh shahgwewewining, bemahdeze dush ween oonje oomushkahwezewining owh Kesha‐Muhnedoo. Nenuhwind mahween mahmahwe neshahgwewemin, ningahweeje‐bemahdezemahnaun dush oonje oomushkahwezewining owh Kesha‐Muhnedoo kenuhwah anuhkuhkayah.
5Nunduhkekanindezooyook, kishpin kagate ayahwagwan emuh dabwayanduhmoowining; kuhgwajeëdezooyook. Kah nuh ween kekekanindezooseem, ewh kekishkahwag Jesus Christ, kishpin wabenegahzoosewag?
6Nindahpanim dush kagate wekekanduhmag nenuhnuhwind wabenegahzoosewaung.
7Nindahnuhmeätuhwah dush Kesha‐Muhnedoo chemujje‐doodunsewag; kahween cheöonje‐minwandahgoozeyaung, chedoodumag atuh ewh wanesheshing, ahnahween goo nenuhwind wabenegahzooyaung.
8Kah muh nekushketoosemin gagoo chedoodumaung kaöonje‐bahnahduk ewh dabwawin, me atuh kaöonje‐mahjeging ewh dabwawin.
9Neminwandahmin suh uhpe suhyahgweweyaungoon, kenuhwah dush mashkahwezeyag: oo‐oo dush nenundahwandahmin cheähpeche‐menoo‐ezhewabezeyag.
10Mesuh wanje‐mahjebeühmoonenuhgoog oonoo uhyeëen ahyahsewaun anduhzhe‐ahyahyag, koonemah kishpin ahyahyaunbaun nindahgekooduggeëwa debishkoo anandahgwuk ewh kushkeäwezewin kahpuggedenuhmahwid owh Tabaningad ewh cheöondezeëwang kahween chebahnahjechegang.
11Ishquauj, wejekewaëmahdoog, menoo‐duhnuhkeyook. Ahpeche menoo‐bemahdezeyook, menoo‐daäyook, mahmahwe nahsaub enanduhmoog, pezaun‐bemahdezeyook; owh dush Kesha‐Muhnedoo wazhetood ewh sahgeëwawin kuhya pezaunewawin kegahweejewegoowah.
12Ahnemekoodahdeyook oojindeyook pahnuk oojindewin.
13Kedahnemekahgoowaug kuhkenuh egewh anuhmeahjig.
14Ooshahwanjegawin owh Tabaningad Jesus Christ, kuhya oosahgeëwawin Kesha‐Muhnedoo, kuhya ooweejekewaïndewin Kache‐peenezid Oojechaug, kegahweejewegoonahwah kuhkenuh. Amen.
Currently Selected:
II. CORINTHIANUN 13: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
