II. CORINTHIANUN 12
12
1Kagate kahween enandahgwussenoon chemuhmequahzooyaun. Ningahdebahdoodaunun enewh wazhebahbundahmoowinun kuhya oowahbunduhewawinun owh Tabaningad.
2Ningekekanemah enene dabandahgoozid emuh Christing ahzhuh ahwahshema metahsoo‐pepoonahgud ahshe newin, (kishpin emuh weyowemaung keähyahgwan, kahween nekekanduhse; gamuh kishpin emuh weyowemaung keähyahsegwan, kahween nekekanduhse: Kesha‐Muhnedoo atuh ookekandaun;) wah‐owh suh keëzheöodahpenegahzood ewede nasoo‐ishpemewung kezhik.
3Ningekekanemah wah‐owh enene, (kishpin emuh weyowemaung keähyahgwan, gamuh emuh weyowemaung keähyahsegwan kahween nekekanduhse, Kesha‐Muhnedoo atuh ookekandaun;)
4Ewh keëzheöodahpenegahzood emuh Paradising, ewede dush keduhzhe‐noondung uhyeëen tuhyawahweenjegahdasenoongin, enewh anandahgoosenoogin chewahweendungebun ahweyah enene.
5Wah‐owh ningahmuhmequahnah; kahween ningahmuhmikquahdunse tebenuhwa neyow, me atuh nenuhneenuhmezewinun.
6Ahnuhween goo enanduhmaunbaun chemuhmikwahzooyaun, kahween nindahgekuhkebahdezese; dabwamahgud muh ewh kaëkedooyaun: nindahwauj kahween ningahekedoose, koonemah ahweyah ahwahshema nindahgeënanemik dush ween owh azhenuhwid gamuh ewh azhenoondung azhewabezeyaun.
7Cheöonje‐kechetwahwanemoosewaunbaun ashenuk enewh wahbunduhegoowinun, ningepuggedenuhmahgoo ewh menasuhgahwunzh emuh neweyausing, oobuhmetahgunun owh Satan chemegahzhid, oonzaum nebewah cheoonje‐kechetwahwanemoosewaun.
8Oonje dush oo‐oo uhyeëe nesing ningenundooduhmahwah owh Tabaningad, chenuhguhnegooyaun.
9Oo‐oo dush ningeïk, Menik katabesag neshahwanjegawine wedookahgawin kegahmeenegoo: emuh muh shahgwewewining nemushkahwezewin kezhechegahda. Ningahkecheminwandum ahwahshema chemuhmikwahduhmaun neshahgwewewinun, cheduhgoomahguk oomushkahwezewin Christ emuh neyowing.
10Mesuh wanje‐minwanduhmaun enewh nuhneepenezewinun, mujje‐duhzhemegoowinun, muhnazewinun, kooduggeëgoowinun, ketemahgezewinun oonje Christ: uhpe shuhyahgweweyaunin, me dush uhpe mamwach mushkahwezeyaun.
11Ninkuhkebahdandahgooz apeech muhmequahzooyaun; kenuhwah kegekuhgaunjeïm; kenuhwah muh kedahgeminwahjemim: kah muh kuhnuhga punge noondaush nindahpeetandahgoozese apeetandahgoozewaud egewh mahyahmahwe keche‐ahpeetandahgoozejig apostleüg, ahnahween goo neen ningood ahpeetandahgoozesewaun.
12Kagate ookekenoowahjechegunun owh Apostle keëzhechegahdanoon emuh anduhzhe ahyahyag emuh kuhkenuh minwahdanduhmoowining, emuh kekenoowahjecheguning, mahmaundahwecheguning, kuhya emuh keche mahmaundah‐ahnookewining.
13Wagoonan dush ewh noondaush wanje‐ahpeetandahgoozeyag dush ween ahnind egewh anuhmeähjig, me atuh keöondenuhmoosenoonuhgoog? ahbwayanemeshig maunduh kemujje‐doodoonahgoog.
14Benuh, noongoom nesing nekezheetah weähweöodissenuhgoog; kah dush kegahoondenuhmahweseem gagoo: kah muh keduhyeemewaun nenundahwanduhsenun, kechechaugoowaug atuh nenundahwanemaug: kah muh enandahgoozesewug egewh ahbenoojeüg cheähsunjegoomahwahwaud enewh ooketezemewaun, katezejig atuh enandahgoozewug cheähsunjegoomahwaud enewh oonejahnesewaun.
15Ningahkeche‐minwandum dush chebahnahjechegayaun kuhya chebahnahjeëgooyaun kenuhwah oonje; ahnahween goo menik ashkum nebewah sahgeënenuhgoog, me menik ashkum punge sahgeëgooyaun.
16Mahnoo suh tahezhewabud, kahween kegeöondenuh-moosenoonim gagoo: pooch edush, kuhkuhyanezeyaun, kegekushkeënim kuhkuhyanezewin keähyooyaun.
17Ningenunduhwandum nuh gagoo weöondezeyaun oonje egewh kahezhenahzhahwuggig emuh anduhzhe‐ahyahyag?
18Ningeënah Titus, kuhya ningeëzhenahzhahwah owh pazhik wejekewaëmah kaweejewegood. Gagoo nuh kegeöodahpenuhmahgoowah Titus cheöondezid? kah nuh ween ningebemoosasemin emuh nahsaub oojechaugoomaung? kah nuh ween nahsaub ningepemetuhkookeesemin?
19Menuhwah, kedenandaum nuh guhnooduhmahzooyaung emuh anahsuhmeyag? nekekedoomin emuh anahsuhmid owh Kesha‐Muhnedoo emuh Christing: ahnooj gagoo nindezhechegamin suhyahgeënenuhgoog, kenuhwah cheöondezeyag.
20Nesagiz suh, koonemah uhpe tagwishenaun, kahween kedahezhemekoosenoonim debishkoo azhenunduhwanemenuhgoog, kuhya kenuhwah kegahezhemekahwim ewh azhenunduhwanemesewag: koonemah tahgeduhgoomahgudoon enewh ahgoonwatahdewinun, keshahwanindewinun, nishkanindewinun, kekaundewinun, mujje‐duhzhindewinun, kaushkunoozoowinun, kechetwahwanemoowinun, megooshkahduhkummegezewinun:
21Koonemah dush uhpe tagwishenaun menuhwah, Nekesha‐Muhnedoom nindahtahbussanemooïk anduhzhe ahyahyag, kuhya ningahmahwemaug nebewah ahzhuh kahmujje‐ezhechegajig, kuhya muhshe kahaunwanindezoosigwah oonje enewh oowenezewinewah, kuhya oopezhigwah-dezewinewah, kahezhechegawaud.
Currently Selected:
II. CORINTHIANUN 12: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
