II. CORINTHIANUN 11
11
1Ahpakish wanebik puhgedenuhmahweyag emuh nekuhkebahdezewining: kagate puhgedenuhmahweshig.
2Kekeshahwanemenim ewh manoo‐ezhewabuk keshahwaningawin: kegeweedeganduhenim chepazhegood owh kanahbamewah, cheëzheweenenuhgoog debishkoo manoo‐ezhewabezid kegaungooqua emuh enahsuhmid owh Christ.
3Nesagiz dush, koonemah debishkoo owh mujje‐kenabig kahezhewuhyazhemaud Eveün oonje ookuhkuhyanezewin, mesuh kuhya kenuhwah emuh kedenanduhmoowinewaung kaëzhewahnahjetooyag ewh menoo‐ezhewabezewin emuh Christing anduhgoog.
4Kishpin owh pahtuhgwishing debahjemaud pakahnezenejin Jesusun, nenuhwind kahdebahjemahsewungid, gamuh kishpin keöodahpenag pakahnezid oojechaugoomah, kahoodahpenahsewagoobun gamuh pakahnuk minwahjemoowin kahdabwayanduhsewagoobun, kedahgemenoo-enanemahwah.
5Nindenandum suh kuhnuhga punge noondaush ahpeetandahgoozesewaun, dush ween owh mahyahmahwe‐ahpeetandahgoozejig apostleüg.
6Ahnahween goo mahmauzhe‐kezhwayaun kah dush nemahmauzhewese emuh kekandahsoowining; wawane suh nekekandahgoozemin ahduhzhe‐ahyahyag emuh kuhkenuh uhyeëeng.
7Ningemujje‐doodum enuh ewh kedahbussetooyaun neyow kenuhwah chekechetwahwandahgoozeyag, wanepuzh kekuhgekemenenuhgoog ewh oominwahjemoowin owh Kesha‐Muhnedoo?
8Ningekeemoodemaug ahnind anuhmeähjig, keöodahpenuhmoowugwah ewh tebahahmahgoowin, chebuhmeetoonenuhgoog.
9Uhpe dush kahweejewenenuhgoog, kemuhnazeyaun gagoo, kahween ahweyah ningeöodahpenuhmahwahse gagoo: kuhkenuh muh kahmuhnazeyaunin ningemeenegoog egewh wejekewaëmaug emuh Macedoniaïng kahoonjebahjig: emuh dush kuhkenuh uhyeëeng ningeguhnuhwanindez kenuhwah cheöondenuhmahwesewag gagoo, mesuh kuhya kayahbe kaëzheguhnuhwanindezooyaun.
10Debishkoo azhekekishkuhmaun ewh oodabwawin owh Christ, kahween ahweyah ningahmuhkummegoose maunduh muhmequahzoowin emuh anegookookummegaug Achaiaïng duhzhe duhnuhkewin.
11Ahneeshwin? oonje nuh sahgeësenoonenuhgoog? ookekandaun suh Kesha‐Muhnedoo.
12Ewh suh azhechegayaun ningahezhechega, cheoonje‐muhkummugwah egewh nanduhwandungig gagoo kaöonje‐muhmequahzoowaud; ewh dush wanje‐muhmequahzoowaud, chemekahwindwah debishkoo nenuhwind.
13Oogoo suh doowug wuhyazhinga‐ahpostleëwewug kakenuhwishke‐ahnookeejig, ezhenahgoozeëdezoowaud azhenahgoozenid oodahpostleëmun owh Christ.
14Kah suh mahmahkahdandahgwussenoon; pooch egoo owh Satan ezhenahgoozeëdezoo debishkoo azhenahgoozewaud egewh wahsayahzewining anduhnuhkeejig angenug.
15Kah dush keche‐uhyeëewussenoon kishpin oobuhmeetahgunun ezhenahgoozeëdezoonid debishkoo azhenahgoozewaud egewh bameetungig ewh quuhyuk‐ezhewabezewin; keïshquah‐nahgoozewaud tahezheähyahwug debishkoo anandahgwudenig oodahnookeewinewah.
16Menuhwah dush nindekid, gagoo ween ahweyah kuhkebahdeze ningahenanemegoose; kishpin ahwunjeesh wekuhkebahdanemeyag, mahnoo kuhkebahdezingin ezheoodahpeneshig, punge chemuhmequahnedezooyaun.
17Ewh suh akedooyaun kahween owh Tabaningad nindoonje‐kekedoose, koonemah suh nekuhkebahje‐kezhwa, emuh maunduh muhmequahzoowine‐soongedaäwining.
18Kekanduhming nebewah bamahdezejig muhmequahzoowaud debishkoo anandahgwuk ewh weyahsemah, kuhya neen nindahwauj ningahmuhmequauz.
19Mahnoo tahahbewug keduhyenanemaug egewh kakebahdezejig, kenuhwah ween nabwahkahyag.
20Mahnoo kedenandaum, kishpin ahweyah oobuhmeetahgunemenag, kishpin ahweyah ahmoonag, kishpin ahweyah muhkummenag gagoo, kishpin ahweyah ishpandahgooëdezood, kishpin ahweyah pussingwaöonag.
21Ninduhzhindaun ewh mujje‐enahjemoowin, debishkoo nuhneenuhmezeyaungoobun. Benuh menik ahweyah kagatenahdezid (nekuhkebahje‐kezhwa,) kuhya neen suh nekagatinahdiz.
22Hebrewwewug nah egewh? me goo kuhya neen. Israelitug nuh ahwewug? me goo kuhya neen, oomenekauning nuh owh Abraham oondahdezewug? me goo kuhya neen.
23Oodahnoonegoowaun nuh enewh Christun? (nekuhkebahje‐kezhwa) ahwahshema suh ween neen; nahwuj nebewah nindahnooke, nahwuj nepuhzhunzhaöogoo, nahwuj nekebahquahegauz, nuhningim emuh neboowining ningeähyah.
24Nahning ningepuhzhunzhaöogoog egewh Jewyug nemeduhnuh duhshing ningepukketaëgoog, pazhik kah gagoo.
25Nesing ningepuhzhunzhaöogoo enewh metikoonsun, ahbeting ningepimwuhsineëgoo, nesing nahbequauning banahjechegahdag ningeähyah, ningoo kezhik kuhya ningoo tebik nahwuhgaum ningeähgwinjin;
26Nuhningim ningebahbahmahdiz, nuhningim ningeahnemiz emuh seebeeng, makundwashkejig ningeöonje‐nuhneezahniz, tebenuhwa neeje‐duhnuhkeewamahgunug ningeöonje‐nuhneezahniz, egewh mayuggezejig ningeöooje‐nuhneezahniz, emuh oodanaung ningeduhzhe‐nuhneezahniz, emuh buhgwuhduhkummig ningeduhzhe‐nuhneezahniz, kechegummeeng ningeduhzhe‐nuhneezahniz, emuh magwa wuhyazhinga wejekewaëmaug ningeduhzhe‐nuhneezahniz;
27Emuh uhyakoozewining kuhya wesuhganduhmoowining, nuhningim kenebahsewaun, kuhya emuh puhkuddawining kuhya kishkahbahgwawining, nuhningim ningekeëquishim, emuh kekujjewining kuhya pingwahshahgedewining.
28Puhkaunudoon dush oonoo ahnemezewinun ahgwahjeeng atagin, puhkaunud dush ween ewh pagummishkahgooyaun anduhsoo kezheguk, guhnuhwanemugwah kuhkenuh egewh anuhmeähjig.
29Ahwanan naneenuhmezid, neen edush nuhneenuhmezesewaun? ahwanan wuhsittahwandung, neen edush chahgizzoosewaun?
30Kishpin dush nunduhwandahgoozeyaun chemuhmikwahzooyaun, nenuhneenuhmezewin ningahoonje‐muhmikwauz.
31Owh Kesha‐Muhnedoo oosun owh Tabanemenung Jesus Christ kuhyahgega‐shahwandahgoozid nekekanemik kuhkenuhwishkesewaun.
32Ewede Damascusing owh oogemah kahahnoonegood enewh Aretasun keche‐oogemaun oogeähkundaun ewh ookeche‐oodanahwah egewh Damasceneüg enewh shemahgunishun, kenunduhwandung chetuhkoonid:
33Emuh dush wahsacheguning ningeöonje‐nesahbe-ginegoo emuh kookoobinahguning emuh kewetahyahbikeneguning, me dush keëzheöozhinduhmaun enewh ooneenjeen.
Currently Selected:
II. CORINTHIANUN 11: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
