THESSALONIANUN 3
3
1Uhpe dush kashketoosewaung kayahbe chepwah‐wahbuhmegooyag, ningeënandahmin chenuhguhnegooyaung ewede Athensing;
2Kuhya ningeëzhenahzhahwahnaun Timotheus, nejekewaënaun, kuhya wabuhmeetahgunemegood enewh Kesha‐Muhnedoon, kuhya owh wahdookahweyungid ahnookeetuhmaung Christ oominwahjemoowin, cheühyeenjeënag kuhya chemenoodaäënag oonje ewh kedabwayanduhmoowinewah:
3Ahweyah chesunnugganduhsig oonoo nekooduggeëgoowinun, kenuhwah muh kekekandahnahwah ewh kezhah keënanemegooyaung oonoo chedoodahgooyaung.
4Kagate muh, magwah keähyahyaung kenuhwah anduhzhe ahyahyag, kezhah kegeweenduhmahgoom wekoodugganduhmaung; debishkoo azhewabuk, azhekekanduhmag.
5Mesuh oo‐oo kahoonje‐ahnookeeyaun ahweyah cheëzhaud chenunduhkekandung kedabwayanduhmoowinewah, koonemah kedahgekuhgwatebanemik owh Kagwatebanjegad, kah dush ningood tahgeënahbuttussenoon nindahnookeewinenaun.
6Uhpe dush kahpetuhgwishing Timotheus oomah anduhzhe ahyahyaung keöonjeed ewede kenuhwah anduhzhe‐ahyahyag, kepetahjemootuhmahweyungid ewh wanesheshing enahjemoowin kedebahdoodung kedabwayanduhmoowinewah kuhya kesahgeëdewinewah, kuhya chemenoo-mequanemeyaung moonzhug, keche‐nunduhwanduhmag chewahbuhmeyaung, debishkoo kuhya nenuhwind azhenunduhwanduhmaung chewahbuhmegooyag:
7Benuh dush, wejekewaëmahdoog, ningemenoodaäëgoomin kenuhwah oonje emuh kuhkenuh neketemahgezewining kuhya nekootuggetoowining, apeeche dabwayanduhmag:
8Noongoom dush nebemahdezemin, kishpin soongekahbahweyag emuh Tabaningang.
9Ahneen dush kaëzhemahmooyahwahmungid Kesha‐Muhnedoo kenuhwah oonje, oonje ewh ahpeche keche moojegezewin azhekeche‐moojegezeyaung anahsuhmuhbid kekesha‐Muhnedoomenaun kenuhwah oonje;
10Tabekukkin kuhya kahzhegukkin nekeche‐ahnuhmeähmin chewahbuhmegooyag, kuhya chewahweengatooyaungoobun menik nwaundasag kedabwayanduhmoowinewah?
11Benuh dush Kesha‐Muhnedoo kuhya Koosenaun, kuhya Tabanemenung Jesus Christ ningahkekenooähmahgoonaun cheühneëzhahyaung kenuhwah anduhzhe ahyahyag.
12Mahnoo owh Tabaningad kegahpuggedenahmahgoowah chebahtuhyeënuk kuhya ashkum chemeshenuk kesahgeëdewinewah, kuhya kaëzhesahgeägwah kuhkenuh enenewug, debishkoo azhesahgeëgooyag:
13Cheöonje‐soongesittood enewh kedaëwaun kuhnuhga mujje‐ezhewabezesewag emuh peenezewining anahsuhmuhbid Kesha‐Muhnedoo, mesuh Koosenaun, uhpe tagwishing Tabanemenung Jesus Christ mahmahwe kuhkenuh enewh oobuhmeetahgunun.
Currently Selected:
THESSALONIANUN 3: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
