تیتوس 3
3
اَرِه هر کار خوئی حاضر بو
1بارَ ویرو گه فِربوبَر حکِمرونَل ئو صائایقدِرتَل بوئن ئو اَژینو فِربو بیَرِن، ئو اَرِه هر کار خوئی حاضر بوئن. 2گَنی کس نوشِن، جنگَری نوئن بلکِم مِلوم بوئن ئو وَهگَرد کُل مردِم وَه فِروتنی کاملا رفدار بِهَن.
3اَرِیَگه ایمِهیش ووژمو زمونی نایو، کورفِربو، اَژرئیاِرهاتی، بَنَه کُلِ جور شَوَت ئو هُواوهوس بیمو ئو اِ کینَت ئو حَسوئی زِنِهیمونَ مَهَرد، مردِم اژ ایمَه بیزار بین ئو ایمِهیش اژ یَکتِری بیزار بیمو. 4مِنتائای وخدی مِرِبونی نجاددهندَهمو خدا، ئو مِحبتی اَر بشر، آشگار بی، 5او ایمَه نجاد داتی، نه وَه خاطر کارَلی گه اِ صالحبیئینمو کِردیَ، بلکِم وَه خاطر ریَمَت ووژ بی ئو اژ رئی خُسِلی گه وَهسونگَ اَوا، روحالقدس تولد تازَه ئو زِنِهی نوو بَشخیتیَ بینمو. 6گه خدا وَهسونگَ نجاددهندَهمو عیسی مسیح، وَه دولَمَنی روحالقدس رِشونی اَر سرموناِرا. 7تاگَه وَه فیض او صالح وَه حساو بایم ئو مِطابق امید اَر ژییاین ابدی بوئیمَ وارثَل. 8ایی قصَه ماو اِتِمادَ بی کِینی، ئو اژ تونمَ مِ بِجُرّین اَر ایی چیئِلَ، تاگَه کسَلی گه ایمونو آوِردیَس اَر خدا حُواسو بو گه ووژو وَخم کارَل خو بِهَن. ایی چیئِلَ اَرِه مردِم فادَه دیری ئو خوءَ.
9مِنتائای اژ چِنَهل مِفتی گه اژ اَخمَخیِن ئو تَجِرَنُامَهل ئو بَثَل ئو مِرافَهلَ اَر سر شریعت، دویرا بِگِر، اَرِیَگه یوئنَ بیفادَه ئو بیارزشدِن. 10وَه کسی گه فَساتیَ مِهِه، یِه گِل دُماخِرِ دو گِل هُشتار بیَ، اژ اَوِءِ دُما دیَر قط خدافظیَ گَرد بِهِیتی. 11اَرِیَگه مَذانین هُنَ کسی فاسد ئو گناکارَ، او ووژ، ووژ مَکومَ مِهِه.
پَنَل آخِر
12وخدی آرتِماس یا تیخیکوسِم کِلکِرد اَرِه تَکِت، تقِلا ووژِت بِهَه گه باین اَرِه تک مِن اِ شیَر نیکوپولیس، اَرِیَگه قَصِم کِردیَ زِمِسون اَر اورَه سر کَم. 13تا جای گه مَتونین زیناسِ وکیل ئو آپولُس اِ سفری گه ها نوائوناِر یاری دَ، حُواسِت بو چیونی کمِکسر ناآشدوئی. 14بیلا مردِم ایمَه، بِگِرِنا گه ووژو وَخم کارَل خو بِهَن، ئو اَرِه هَوَجَهل عمدَه تیارِک بوئینِن ئو بیثمر نوئن.
15کسَلی گه هانَ گَردِم، کُل سِلامَ مَرَسِنِنَ بینِت. سِلام ایمَه برَسِنَ کسَلی گه اِنوم ایمو دوسمو دیرِن.
فیض وَهگَرد کُلتو بو.
Currently Selected:
تیتوس 3: LBT
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
