تیتوس 2
2
تیَلیم دُریس یاء دَ
1مِنتائای تو اَ چیئَه گه مِطابق تیَلیم دُریسَ یاء دَ. 2ریشاَسبیَل باس هوشیار ئو سنگین بوئن ئو نوا ووژو بِگِرِن ئو اِنوم ایمون ئو مِحبت ئو پایاری دُریس رفدار بِهَن.
3هَرهُنَ دایائَل باس رفدارو وَه عزّتا بو. نَباس بُختِمچی یا بَنَه شِراو بوئن، بلکِم باس اَ چیئَه گه دُریسَ تیَلیم دَن. 4تاگَه بتونِن یاء ژِنَل جِهال دَن گه میردَهدوس ئو آویلدوس بوئن. 5ئو نوا ووژو بِگِرِن ئو نجیم ئو کِنو ئو مِرِبون ئو فِربوبَر میردَهلو بوئن تاگَه کسی گَن نوشیَ کلوم خدا.
6هَمیش پیال جِهال تشویق کَ تاگَه نوا ووژو بِگِرِن. 7اِ کُل لِحاظی اَرِه کارَل خو سرمقش بو، ئو اِ تیَلیم ووژِت رُیراسیِت داشدوئی ئو سنگین بو، 8ئو هُنَ دُریس قصَه بِهَه گه عِوی اِر ناوتی، تا هُمال اَرِیَگه چی گَنی اِبارَه ایمَه نِری بوشی، خجالتا بو.
9خُلُمَل تشویق بِهَه گه اِ کُل چی فِربوبَر اَرباوَل ووژو بوئن ئو بینگفت وَه دل اُوُ بوئن، 10دُزی نَهَن، بلکِم تمومِکمال ایمو خو نِشو بیَن تا اِ کُل چی رنگینی تیَلیم نجاددهندَهمو، خدا، نِشو دَن.
11اَرِیَگه فیض خدا ظاهر بیَ، فیضی گه کُل مردِم نجادَ مِ. 12ئو یامونَ مِ بیدینی ئو هُواوهوس ایی دنیاءَ بنیمِ لا ئو وَه نوا ووژ گِرتِن ئو صالحبیئین ئو دینداری اِ ایی زمونَه زِنِهی بِهِیم. 13هَرهُنَ گه چیَمَرئی اَ امید بِمارِکیمَ یانی ظاهربیئِن جِلال خداءِ عظیم ئو نجاددهندَهمو عیسی مسیح، 14گه ووژ کِردیَ خِر ایمَه تاگَه اژ کُلِ جور شرَباری آزادمو کِ، ئو قومی اَرِه ووژ پاک بِهِه گه فَخَد هِن ووژ بوئنی گه اَرِه کارَل خِر خیرَت دیرِن.
15یوئنَ بوش، ئو وَه قدِرتواختیار کامل تشویق ئو تنبیه بِهَه، ئو نِیل کسی تونَ نِئیَ بِگِری.
Currently Selected:
تیتوس 2: LBT
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
تیتوس 2
2
تیَلیم دُریس یاء دَ
1مِنتائای تو اَ چیئَه گه مِطابق تیَلیم دُریسَ یاء دَ. 2ریشاَسبیَل باس هوشیار ئو سنگین بوئن ئو نوا ووژو بِگِرِن ئو اِنوم ایمون ئو مِحبت ئو پایاری دُریس رفدار بِهَن.
3هَرهُنَ دایائَل باس رفدارو وَه عزّتا بو. نَباس بُختِمچی یا بَنَه شِراو بوئن، بلکِم باس اَ چیئَه گه دُریسَ تیَلیم دَن. 4تاگَه بتونِن یاء ژِنَل جِهال دَن گه میردَهدوس ئو آویلدوس بوئن. 5ئو نوا ووژو بِگِرِن ئو نجیم ئو کِنو ئو مِرِبون ئو فِربوبَر میردَهلو بوئن تاگَه کسی گَن نوشیَ کلوم خدا.
6هَمیش پیال جِهال تشویق کَ تاگَه نوا ووژو بِگِرِن. 7اِ کُل لِحاظی اَرِه کارَل خو سرمقش بو، ئو اِ تیَلیم ووژِت رُیراسیِت داشدوئی ئو سنگین بو، 8ئو هُنَ دُریس قصَه بِهَه گه عِوی اِر ناوتی، تا هُمال اَرِیَگه چی گَنی اِبارَه ایمَه نِری بوشی، خجالتا بو.
9خُلُمَل تشویق بِهَه گه اِ کُل چی فِربوبَر اَرباوَل ووژو بوئن ئو بینگفت وَه دل اُوُ بوئن، 10دُزی نَهَن، بلکِم تمومِکمال ایمو خو نِشو بیَن تا اِ کُل چی رنگینی تیَلیم نجاددهندَهمو، خدا، نِشو دَن.
11اَرِیَگه فیض خدا ظاهر بیَ، فیضی گه کُل مردِم نجادَ مِ. 12ئو یامونَ مِ بیدینی ئو هُواوهوس ایی دنیاءَ بنیمِ لا ئو وَه نوا ووژ گِرتِن ئو صالحبیئین ئو دینداری اِ ایی زمونَه زِنِهی بِهِیم. 13هَرهُنَ گه چیَمَرئی اَ امید بِمارِکیمَ یانی ظاهربیئِن جِلال خداءِ عظیم ئو نجاددهندَهمو عیسی مسیح، 14گه ووژ کِردیَ خِر ایمَه تاگَه اژ کُلِ جور شرَباری آزادمو کِ، ئو قومی اَرِه ووژ پاک بِهِه گه فَخَد هِن ووژ بوئنی گه اَرِه کارَل خِر خیرَت دیرِن.
15یوئنَ بوش، ئو وَه قدِرتواختیار کامل تشویق ئو تنبیه بِهَه، ئو نِیل کسی تونَ نِئیَ بِگِری.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company