Efe 6
6
Izeluleko kubantwana labazali
1Bantwana, lalelani abazali benu, ngoba lokhu kulungile.#Kol 3:20 2Hlonipha uyihlo lonyoko; lo ngumlayo wokuqala olesithembiso#Eks 20:12; Dute 5:16 3sokuthi kuze kube kuhle kuwe, usile isikhathi eside emhlabeni. 4Lani bobaba, lingabathukuthelisi abantwana benu, kodwa libondle ngokulaya langokufundisa kweNkosi.#Kol 3:21
Izeluleko kuzo izigqili lamakhosi
5Zigqili, lalelani abangamakhosi enu emhlabeni ngokwesaba langokuthuthumela ngobuqotho benhliziyo, kungathi lilalela uKristu,#Kol 3:22–25 6kungesikho ngokuthokozisa amehlo njengabathokozisa abantu, kodwa njengezigqili zikaKristu ezenza intando kaNkulunkulu ngenhliziyo. 7Sebenzani ngenhliziyo enhle, kungathi lisebenzela iNkosi kungesikho abantu; 8lazi ukuthi konke okuhle umuntu akwenzayo, uzakwamukeliswa okunjalo yiNkosi, loba eyisigqili loba engokhululekileyo. 9Lani makhosi, yenzani ngokunjalo kuzo, liyekele ukuzisongela, lazi ukuthi iNkosi yazo leyenu isezulwini, lokuthi kayibandlululi muntu yona.#Dute 10:17; Kol 3:25; 4:1
Izikhali zamaKristu
10Elokucinake, qinani eNkosini lasemandleni ayo amakhulu. 11Hlomani izikhali zonke zikaNkulunkulu, ukuze libe lamandla okumelana lobuqili bukaSathane. 12Ngoba kasilwi lenyama legazi, kodwa silwa lemibuso, lamandla, lababusi balumhlaba womnyama, lempi yemimoya emibi yaphezulu. 13Ngakhoke hlomani izikhali zonke zikaNkulunkulu ukuze libe lamandla okuma ngosuku olubi, lokuze kuthi lapho seliqede umsebenzi wonke, lime. 14Ngakho manini, izinkalo zenu zibotshiwe ngeqiniso, lifakile isivikelo sesifuba esiyikulunga,#Isa 11:5; 59:17 15lifakile amanyathelo ezinyaweni zenu ukuba lilungele ukutshumayela ivangeli lokuthula.#Isa 52:7 16Phezu kwakho konke lithathe isihlangu sokukholwa elizakuba lamandla okucima ngaso yonke imitshoko evuthayo yomubi, 17lithathe ingowane yokusiliswa, lomhedla kaMoya oyilizwi likaNkulunkulu.#Isa 59:17 18Khulekani izikhathi zonke ngoMoya ngokucela konke langokunxusa. Kulokhu lilinde ngesineke sonke, linxusele abangcwele bonke. 19Linginxusele lami ukuba ngiphiwe ilizwi, nxa ngivula umlomo wami, ukuze ngitshumayele ngesibindi imfihlakalo yevangeli, 20engiyisithunywa ngalo esibotshiweyo ngeketane, ukuze ngitshumayele ngesibindi, njengokuba kufanele ukuba ngikhulume.
Isicino
(Kol 4:7–8)
21Kodwa, ukuze lani lazi okumaqondana lami lalokho engikwenzayo, uzakulitshela konke uTikiko, umzalwane othandekayo lesikhonzi esithembekileyo eNkosini.#Seb 20:4; 2 Tim 4:12 #Kol 4:7, 8 22Ngiyamthumela kini ngakhona lokhu ukuba lazi izindaba zethu, lokuba aduduze inhliziyo zenu. 23Ukuthula kakube kubazalwane, lothando kanye lokukholwa okuvela kuNkulunkulu uYise laseNkosini uJesu Kristu. 24Umusa kawube labo bonke abathanda iNkosi yethu uJesu Kristu ngothando olungapheliyo.
Currently Selected:
Efe 6: BE1978
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zimbabwe 1978
