2 Kor 2
2
1Ngazimisela lokhu ukuthi kangiyikuphinda ngize kini futhi, ukuba ngilibangele usizi. 2Uba mina ngilibangela usizi, ngubani ozangithokozisa, uba kungesuye engimbangele usizi, na? 3Ngaloba ngokunjalo, ukuze kuthi ekufikeni kwami ngingabangelwa usizi yilabo ebengifanele ukuthokoziswa yibo, ngoba ngaba lethemba ngani lonke ukuthi ukuthokoza kwami kuzakuba yikuthokoza kwenu lonke. 4Ngoba ngosizi olukhulu langokudabuka kwenhliziyo langezinyembezi ezinengi ngalilobela, kungesikho ukuba ngilibangele usizi, kodwa ukuba lazi uthando engilithanda ngalo kakhulu.
Ngokubuyiselwa kwezoni eziphendukayo
5Uba kukhona obange usizi, kalubanganga kimi, kodwa, ukuze ngingeqisi, ngithi ngenye indlela ulubange kini lonke. 6Kumanele onjalo lokhukukhuza kwabanengi benu; 7kungcono khathesi ukuba limthethelele, limduduze, funa onjalo ahlulwe lusizi olukhulu. 8Ngakhoke ngiyalincenga ukuba limphathe ngothando. 9Ngenxa yalokhu ngaloba ukuze ngilihlole, ngazi ukuba lingabalalelayo ezintweni zonke. 10Lowo elimthethelelayo, lami ngiyamthethelela; ngoba lokho esengikuthethelele, uba kukhona into engiyithethelelayo, ngikuthethelela ngenxa yenu phambi kukaKristu, 11ukuze singehlulwa nguSathane; ngoba siyabazi ubuqili bakhe.
UPawuli ubonga uNkulunkulu ngokunqoba kwevangeli
12Ekufikeni kwami eTrowasi ukuba ngitshumayele ivangeli likaKristu, iNkosi yangenzela ithuba;#Seb 20:1 13kodwa kangibanga lokuthula emoyeni wami, ngoba ngingamfumananga khona umzalwane uTitosi. Ngakho ngasengivalelisa, ngadlulela eMakedoniya.
14Kabongwe uNkulunkulu osiholayo njalo odwendweni lokunqoba ngoKristu, ebonakalisa ngathi iphunga elihle lokwazi kwakhe endaweni zonke. 15Ngoba siliphunga elimnandi likaKristu kuNkulunkulu phakathi kwalabo abasiliswayo laphakathi kwalabo ababhubhayo. 16Kulaba abesibili silivumba elibulalayo, kodwa kulabo abokuqala siliphunga elisilisayo. Ngubani olingene lezizinto na? 17Thina kasinjengabanengi abathengisa ilizwi likaNkulunkulu; kodwa njengabaqotho, njengabamiswe nguNkulunkulu sikhuluma phambi kukaNkulunkulu sikuKristu.
Currently Selected:
2 Kor 2: BE1978
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zimbabwe 1978
