خروج ۶
۶
1 خوداوند موسایَ بٚفرمأسته: «اَسه دینی کی فرعونٚ اَمرأ چی کونٚم! من ایجور اونَ فشأرٚ میأن نٚهٚم کی نه فقد می مردومَ سٚرأده، بلکی زورٚ اَمرأ مصرٚ جَا اَشأنَ بیرونَ کونٚه.» 2 خودا هطؤیم موسایَ بوگفته: «من یهوه ایسٚم. 3 من خودای قأدرٚ موطلقٚ نأمٚ اَمرأ ایبرأهیم، ایسحأق و یعقوبٚ سٚر ظأهیرَ بوستم، ولی مٚرَه یهوه نأمٚ اَمرأ اَشأنَ نشنأسأنِم. 4 من اوشأنٚ اَمرأ عهد دٚوٚستم کی کنعانٚ سرزیمینَ کی اویَه غریب بود، بٚبخشم اَشأنَ. 5 من بنی‌ایسرأییلٚ نأله‌یأنَ کی مصرٚ میأن اسیر ایسٚده‌یَ، بٚشتأوٚستم و می عهدَ خأطر بأوٚردٚم. 6 پٚس بوشو و بنی‌ایسرأییلَ بوگو: "من یهوه ایسٚم و شٚمٚره ظولم و ستمٚ جَا آزأدَ کونٚم. من شٚمٚره مصرٚ میأن بردگی کودنٚ جَا نیجأت بٚخشم و شٚمٚره پورقوّتٚ بأزو و پیله دأوری اَمرأ آزأدَ کونٚم. 7 شٚمٚره می قوم چأکونم و شیمی خودا بٚم. او وخت فأمیدی کی من یهوه، شیمی خودا ایسٚم کی شٚمٚره مصریأنٚ دٚسٚ جَا نیجأت بٚدأم. 8 من شٚمٚره بٚرٚم او سرزیمینٚ میأن کی اونی وعده‌یَ شیمی پیله‌بابایأن ایبرأهیم و ایسحأق و یعقوبَ بٚدأم و او سرزیمینَ شیمی ارث چأکونم. من یهوه ایسٚم."» 9 موسا اونچی کی خودا بٚفرمأسته بویَ بنی‌ایسرأییلٚ رِه وأگویا بوکوده، ولی اَشأنٚ طأقت کی سختٚ کأرٚ وأسی تومأنَ بوسته بو، اونی گبأنَ نشتأوسته بو بٚنأده. 10 بأزون خودا موسایَ بٚفرمأسته: 11 «ایوأردِه بوشو فرعونٚ ورجأ و اونَ بوگو کی ایسرأییلٚ مردومَ وأستی سٚرأده کی اَ سرزیمینٚ جَا بٚشٚد.» 12 موسا خوداوندٚ جوأبٚ رِه بوگفته: «ایسرأییلٚ مردوم کی می گبأنَ محل نٚنده، چوطؤ اومید بٚدأرم کی فرعون می گبأنَ بٚشتأوه؟ من خورومٚ گب بٚزٚن کس نییٚم.» 13 خوداوند موسا و هارونَ اَمر بوکوده کی بٚشٚد بنی‌ایسرأییل و مصرٚ پأدیشأ ورجأ و بنی‌ایسرأییلَ مصرٚ جَا بأوٚرد بیرون.
موسا و هارونٚ نسب نأمچه
14 اَشأن ایسرأییلٚ بعضیتأ خأندأنٚ پیله‌کسأن ایسٚد: رئوبین، یعقوبٚ پیله پٚسر چأرتأ پٚسر دأشتی کی اوشأنی نأم حنوک، فلو، حصرون و کرمی بو. هرتأ جٚه اَشأنٚ جَا، ایتأ طأیفه چأکوده بوبوسته. 15 شمعون شیش‌تأ پٚسر دأشتی کی اوشأنی نأم یموئیل، یامین، اوهَد، یاکین، صوحر و شائول بو. (شائولٚ مأر کنعانٚ شین بو.) جٚه هرتأ اَشأنٚم ایتأ طأیفه چأکوده بوبوسته.
16 لاوی سه‌تأ پٚسر دأشتی کی دأل بٚدأل سنٚ سألٚ رو اَشأن بود: جرشون، قهات و مراری. لاوی صد و سی و هفت سأل عُمر بوکوده. 17 جرشون دوتأ پٚسر دأشتی لبنی و شمعی نأم. جٚه هرتأ اَشأنٚ جَا، ایتأ طأیفه چأکوده بوبوسته. 18 قهات چأرتأ پٚسر دأشتی کی اوشأنی نأم عمرام، یصهار، حبرون و عزی‌ئیل بو. قهات صد و سی و سه سأل عُمر بوکوده. 19 مراری دوتأ پٚسر دأشتی کی اوشأنی نأم محلی و موشی بو. تومأمٚ اوشأن کی بوجؤرتر دأل بٚدأل سنٚ سألٚ رو اَشأنٚ نأم بأوٚرده بوبوسته، لاوی طأیفه‌یأنَ چأکونده.
20 عمرام خو عمجأن یوکابدٚ اَمرأ عروسی بوکوده و دو تأ پٚسرَ صأب بوبوسته کی اوشأنی نأم هارون و موسا بو. عمرام صد و سی هفت سأل عُمر بوکوده. 21 یصهار سه‌تأ پٚسر دأشتی کی اوشأنی نأم قورح، نافج و زکری بو. 22 عزی‌ئیل سه‌تأ پٚسر دأشتی کی اوشأنی نأم میشائیل، ایلصافان و ستری بو.
23 هارون عمینادابٚ دؤختر و نحشونٚ خأخور الیشابعٚ اَمرأ عروسی بوکوده. هارونٚ زأکأن اَشأن بود: ناداب، ابیهو، العازار و ایتامار.
24 قورح سه‌تأ پٚسر دأشتی کی اوشأنی نأم اسیر، القانه و ابیاساف بو. اَشأن قورحٚ طأیفه خأندأنأنٚ پیله‌کسأن ایسٚد. 25 هارونٚ پٚسر العازار ایتأ جٚه فوتی‌ئیلٚ دؤخترأنٚ اَمرأ عروسی بوکوده و ایتأ پٚسرَ صأب بوبوسته کی اونی نأم فینحاس بو.
اَشأن لاوی طأیفه خأندأنٚ پیله‌کسأن بود.
26 هارون و موسا کی اَشأنی نأمأن بوجؤر بٚبرده بوبوسته، هو هارون و موسا ایسٚد کی خوداوند اَشأنَ بٚفرمأسته کی تومأمٚ بنی‌ایسرأییلَ مصرٚ جَا بٚبرد بیرون 27 و اَشأن بوشؤده فرعونٚ ورجأ کی اونی جَا بٚخأیٚد ایسرأییلٚ مردومَ سٚرأده.
28 خوداوند کی مصرٚ سرزیمینٚ میأن موسا اَمرأ گب بٚزِه، 29 اونَ بٚفرمأسته: «من یهوه ایسٚم. می پیغأمَ مصر پأدیشأ، فرعونَ، فأرٚسأن.»
30 ولی موسا خوداوندَ بوگفته: «من خورومٚ گب زِئن‌کس نییٚم، چوطؤ اومید بٚدأرم مصرٚ پأدیشأ می گبأنَ بٚشتأوه؟»
Currently Selected:
خروج ۶: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org
خروج ۶
۶
1 خوداوند موسایَ بٚفرمأسته: «اَسه دینی کی فرعونٚ اَمرأ چی کونٚم! من ایجور اونَ فشأرٚ میأن نٚهٚم کی نه فقد می مردومَ سٚرأده، بلکی زورٚ اَمرأ مصرٚ جَا اَشأنَ بیرونَ کونٚه.» 2 خودا هطؤیم موسایَ بوگفته: «من یهوه ایسٚم. 3 من خودای قأدرٚ موطلقٚ نأمٚ اَمرأ ایبرأهیم، ایسحأق و یعقوبٚ سٚر ظأهیرَ بوستم، ولی مٚرَه یهوه نأمٚ اَمرأ اَشأنَ نشنأسأنِم. 4 من اوشأنٚ اَمرأ عهد دٚوٚستم کی کنعانٚ سرزیمینَ کی اویَه غریب بود، بٚبخشم اَشأنَ. 5 من بنی‌ایسرأییلٚ نأله‌یأنَ کی مصرٚ میأن اسیر ایسٚده‌یَ، بٚشتأوٚستم و می عهدَ خأطر بأوٚردٚم. 6 پٚس بوشو و بنی‌ایسرأییلَ بوگو: "من یهوه ایسٚم و شٚمٚره ظولم و ستمٚ جَا آزأدَ کونٚم. من شٚمٚره مصرٚ میأن بردگی کودنٚ جَا نیجأت بٚخشم و شٚمٚره پورقوّتٚ بأزو و پیله دأوری اَمرأ آزأدَ کونٚم. 7 شٚمٚره می قوم چأکونم و شیمی خودا بٚم. او وخت فأمیدی کی من یهوه، شیمی خودا ایسٚم کی شٚمٚره مصریأنٚ دٚسٚ جَا نیجأت بٚدأم. 8 من شٚمٚره بٚرٚم او سرزیمینٚ میأن کی اونی وعده‌یَ شیمی پیله‌بابایأن ایبرأهیم و ایسحأق و یعقوبَ بٚدأم و او سرزیمینَ شیمی ارث چأکونم. من یهوه ایسٚم."» 9 موسا اونچی کی خودا بٚفرمأسته بویَ بنی‌ایسرأییلٚ رِه وأگویا بوکوده، ولی اَشأنٚ طأقت کی سختٚ کأرٚ وأسی تومأنَ بوسته بو، اونی گبأنَ نشتأوسته بو بٚنأده. 10 بأزون خودا موسایَ بٚفرمأسته: 11 «ایوأردِه بوشو فرعونٚ ورجأ و اونَ بوگو کی ایسرأییلٚ مردومَ وأستی سٚرأده کی اَ سرزیمینٚ جَا بٚشٚد.» 12 موسا خوداوندٚ جوأبٚ رِه بوگفته: «ایسرأییلٚ مردوم کی می گبأنَ محل نٚنده، چوطؤ اومید بٚدأرم کی فرعون می گبأنَ بٚشتأوه؟ من خورومٚ گب بٚزٚن کس نییٚم.» 13 خوداوند موسا و هارونَ اَمر بوکوده کی بٚشٚد بنی‌ایسرأییل و مصرٚ پأدیشأ ورجأ و بنی‌ایسرأییلَ مصرٚ جَا بأوٚرد بیرون.
موسا و هارونٚ نسب نأمچه
14 اَشأن ایسرأییلٚ بعضیتأ خأندأنٚ پیله‌کسأن ایسٚد: رئوبین، یعقوبٚ پیله پٚسر چأرتأ پٚسر دأشتی کی اوشأنی نأم حنوک، فلو، حصرون و کرمی بو. هرتأ جٚه اَشأنٚ جَا، ایتأ طأیفه چأکوده بوبوسته. 15 شمعون شیش‌تأ پٚسر دأشتی کی اوشأنی نأم یموئیل، یامین، اوهَد، یاکین، صوحر و شائول بو. (شائولٚ مأر کنعانٚ شین بو.) جٚه هرتأ اَشأنٚم ایتأ طأیفه چأکوده بوبوسته.
16 لاوی سه‌تأ پٚسر دأشتی کی دأل بٚدأل سنٚ سألٚ رو اَشأن بود: جرشون، قهات و مراری. لاوی صد و سی و هفت سأل عُمر بوکوده. 17 جرشون دوتأ پٚسر دأشتی لبنی و شمعی نأم. جٚه هرتأ اَشأنٚ جَا، ایتأ طأیفه چأکوده بوبوسته. 18 قهات چأرتأ پٚسر دأشتی کی اوشأنی نأم عمرام، یصهار، حبرون و عزی‌ئیل بو. قهات صد و سی و سه سأل عُمر بوکوده. 19 مراری دوتأ پٚسر دأشتی کی اوشأنی نأم محلی و موشی بو. تومأمٚ اوشأن کی بوجؤرتر دأل بٚدأل سنٚ سألٚ رو اَشأنٚ نأم بأوٚرده بوبوسته، لاوی طأیفه‌یأنَ چأکونده.
20 عمرام خو عمجأن یوکابدٚ اَمرأ عروسی بوکوده و دو تأ پٚسرَ صأب بوبوسته کی اوشأنی نأم هارون و موسا بو. عمرام صد و سی هفت سأل عُمر بوکوده. 21 یصهار سه‌تأ پٚسر دأشتی کی اوشأنی نأم قورح، نافج و زکری بو. 22 عزی‌ئیل سه‌تأ پٚسر دأشتی کی اوشأنی نأم میشائیل، ایلصافان و ستری بو.
23 هارون عمینادابٚ دؤختر و نحشونٚ خأخور الیشابعٚ اَمرأ عروسی بوکوده. هارونٚ زأکأن اَشأن بود: ناداب، ابیهو، العازار و ایتامار.
24 قورح سه‌تأ پٚسر دأشتی کی اوشأنی نأم اسیر، القانه و ابیاساف بو. اَشأن قورحٚ طأیفه خأندأنأنٚ پیله‌کسأن ایسٚد. 25 هارونٚ پٚسر العازار ایتأ جٚه فوتی‌ئیلٚ دؤخترأنٚ اَمرأ عروسی بوکوده و ایتأ پٚسرَ صأب بوبوسته کی اونی نأم فینحاس بو.
اَشأن لاوی طأیفه خأندأنٚ پیله‌کسأن بود.
26 هارون و موسا کی اَشأنی نأمأن بوجؤر بٚبرده بوبوسته، هو هارون و موسا ایسٚد کی خوداوند اَشأنَ بٚفرمأسته کی تومأمٚ بنی‌ایسرأییلَ مصرٚ جَا بٚبرد بیرون 27 و اَشأن بوشؤده فرعونٚ ورجأ کی اونی جَا بٚخأیٚد ایسرأییلٚ مردومَ سٚرأده.
28 خوداوند کی مصرٚ سرزیمینٚ میأن موسا اَمرأ گب بٚزِه، 29 اونَ بٚفرمأسته: «من یهوه ایسٚم. می پیغأمَ مصر پأدیشأ، فرعونَ، فأرٚسأن.»
30 ولی موسا خوداوندَ بوگفته: «من خورومٚ گب زِئن‌کس نییٚم، چوطؤ اومید بٚدأرم مصرٚ پأدیشأ می گبأنَ بٚشتأوه؟»
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org