خروج ۳۰
۳۰
بوخورٚ مذبح
1 «بوخور سوجأنِئن وأسی اقاقیا چوبٚ جَا ایتأ مذبح چأکون. 2 اَ مذبح وأستی مربع مأنستَن بٚبه کی اونی درأزأ و پأنأ نیم متر و اونی بولندی ای متر بٚبه، و اونٚ شأخأن مذبح اَمرأ ایتأ تیکه بٚبه. 3 روکش مذبحٚ شین و اونٚ شأخأن خألیصٚ طلأ جَا بٚبد. طلأ جَا ایتأ قأب اونٚ دؤرتأدؤرٚ رِه چأکون. 4 مذبح دوتأ ورٚ میأن، طلأیی قأبٚ جیر، طلأ جَا دوتأ حلقه چأکون کی چوبأنَ اونی میأن فوقأیٚد کی اوشأنٚ اَمرأ مذبحَ اَرأ اورأ بٚبرد. 5 اقاقیا دأرٚ جَا وأستی اَ چوبأن آمأدَه بٚه و طلأ اَمرأ رو بیگیفته بٚبد. 6 بوخورٚ مذبحَ او پرده بیرون کی عهدٚ صوندوقٚ موقأبیل نٚهأ بٚنه. من اویَه تی اَمرأ مولأقأت کونٚم. 7 هرتأ صُب کی هارون، چرأغأنٚ دورون روغن دوکونه و اوشأنَ آمأدَه کونه، وأستی خوشبو بوخور او مذبح رو بوسوجأنٚه. 8 هرتأ غروب دٚم کی چرأغأنَ روشنَ کونه خوداوندٚ حوضورٚ میأن وأستی بوخور بوسوجأنه. اَ کأر وأستی دأل بٚدأل تومأمٚ نتأجأنٚ میأن انجأم بٚبه. 9 او بوخور کی قأبیلٚ قوبیل نییٚه، سوجأنِئنی قوربأنی و آردی پیشکش اونٚ رو پیشکش نوکونید و اونٚ رو وأخوردنی پیشکش فونکونید.
10 «هارون هرتأ سأل ای مرتوه وأستی مذبح شأخأنٚ رو، گونأ قوربأنی خونٚ پأشئنٚ اَمرأ، اونَ تقدیس بوکونه. اَ کأر هرتأ سأل دأل بٚدأل تومأمٚ نتأجأنٚ میأن انجأم بٚبه، چونکی اَ مذبح خوداوندٚ رِه خٚیلی موقدس ایسٚه.»
کفأره بهأ
11 بأزون خوداوند موسایَ بٚفرمأسته: 12 «هر زمأت کی بنیایسرأییلٚ آدمأنَ ایشمأردأندری هرتأ آدم کی بیشمأرده بِه، وأستی خو جأنٚ رِه مِرِه قوربأنی فأدٚه کی او زمأت کی آدمأن ایشمأرده بوستأندٚرد هیتأ بلأ قوم رو نأیه. 13 او قوربأنی کی وأستی اون فأدٚه، عیبأدتگأ میثقألٚ اَندر نیم میثقأل نوقره ایسٚه کی وأستی مِرِه پیشکش بٚبه. 14 تومأمٚ بیست سأله آدمأن و اونٚ ویشتر وأستی ایشمأرده بٚبد و اَ پیشکشَ مِرِه فأدٚد. 15 اونکی مأل و مینألدأر ایسٚه جٚه اَنٚ اَندر ویشتر فأنده و اونکی فِقِر ایسٚه کمتٚرِی فأنده، چونکی اَ قوربأنییَ خوشأنٚ جأنأنٚ وأسی مِرِه فأدٚده. 16 او کفأره پولَ کی بنیایسرأییلٚ جَا فأگیری، مولأقأتٚ خیمه چأکودن و دأشتنٚ رِه خرج بوکون. اَ قوربأنی فأدأنٚ اَمرأ بأعیث بِه من بنیایسرأییلَ می خأطرٚ میأن بٚدأرم و اَشأنٚ جأنَ حیفظَ کونٚم.»
بوشؤر وأشؤرٚ چأچه
17 بأزون خوداوند موسایَ بٚفرمأسته:
18 «مفرغٚ جَا ایتأ چأچه مٚفرغی پأیه اَمرأ چأکون بوشؤر وأشؤرٚ رِه. اونَ بٚنه مولأقأت خیمه و مذبح مأبین و آبٚ اَمرأ پورَ کون. 19 هارون و اونی پٚسرأن اَ آبٚ اَمرأ وأستی خوشأنٚ دٚسٚ پأیَ بوشؤرٚد. 20 او وخت کی اوشأن خأیٚده بٚشٚد مولاقأتٚ خیمه میأن و هطؤیم او وخت کی مِرِه مخصوصٚ پیشکش مذبحٚ رو تقدیم کونٚده، اَ آبٚ اَمرأ وأستی بوشؤر وأشؤر بوکونٚد کی نیمیرٚد. 21 اوشأن اَ آبٚ اَمرأ وأستی خوشأنٚ دٚسأن و پأیأنَ بوشؤرٚد اگه اَطؤ نٚبه میرٚده. هارون و اونی پٚسرأن و اوشأنٚ آینده نتأجأن اَ دستورأنَ وأستی همیشٚک انجأم بٚدد.»
مسحٚ روغن
22 خوداوند موسایَ بٚفرمأسته: 23 «اَ مخصوص و خوشبو موأدَ آمأدَه کون: شیش کیلو مُر، سه کیلو خوشبو دأرچین، سه کیلو خوشبو نی، 24 شیش کیلو سلیخه کی همٚتأ عیبأدتگأ میثقألٚ اَمرأ وزن بوبوستٚد. او وخت چأر لیتر روغن زیتون فوکون اوشأنٚ رو، 25 و اوشأنٚ مخلوطٚ جَا مسحٚ رِه موقدسٚ روغن چأکون. 26 بأزون اَ روغنَ مولأقأت خیمه مسحٚ رِه، عهدٚ صوندوق، 27 میز و تومأمٚ اونٚ ظرفأن، چرأغدأن و تومأمٚ اونٚ دٚمٚ دزگأ اَمرأ، بوخورٚ مذبح، 28 سوجأنِئنی پیشکشٚ مذبح و هرچی کی اونی شین ایسٚه، چأچه و اونٚ پأیهیأنٚ رِه ایستفأده بوکون. 29 اوشأنَ تقدیس بوکون کی کأمیل موقدس بٚبد و هرکی نتأنستهبی اونَ دٚس زِئن. 30 هارون و اونی پٚسرأنَ او روغنٚ اَمرأ کی چأکونی مَسح بوکون، تقدیس بوکون کی می کأهینأن بٚبد. 31 بنیایسرأییلَ بوگو کی اَ روغن شیمی نتأجأنٚ میأن می موقدسٚ مسحٚ روغن ایسٚه. 32 عأدی آدمأنٚ رو نوأستی اَ روغنَ فوکونید و اونٚ مأنستَن حق نأرید چأکونید، چونکی موقدس ایسٚه و شومأنٚم اونَ وأستی موقدس بٚدأنید. 33 اگه اینفر اَ روغنَ چأکونٚه و یا اینفرٚ رو وأسینه کی کأهین نییٚه، وأستی ایسرأییلٚ قومٚ جَا سیوأ بٚبه.»
بوخور
34 بأزون خوداوند موسایَ بٚفرمأسته: «بوخور چأکودنٚ رِه اَ خوشبو موأدٚ جَا ایجور کی ایتأ اَندر بٚبد ایستفأده بوکون: میعه، اظفار، قنه و خألیصٚ کندُر. 35 بوخور چأکودن کسأنٚ روشٚ اَمرأ، جٚه اَ خوشبو موأدٚ قأطی کودن نمکٚ اَمرأ، ایتأ خألیص و موقدسٚ بوخور چأکون. 36 ایپچه جٚه اونَ بوکؤب و بٚنه او عهدٚ صوندوقٚ ورجأ مولأقأتٚ خیمه میأن او جیگأ کی تی اَمرأ مولأقأت کونٚم. اَ بوخور کأمیل موقدس بِه. 37 هیوخت اَ مخلوطٚ اَمرأ تِرِه بوخور چأنکون، چونکی اَ بوخور می شین ایسٚه و اونَ وأستی موقدس بیشمأرید. 38 هرتأ آدم ایتأ بوخور اَ بوخورٚ مأنستَن خؤرِه آمأدَه کونه، جٚه ایسرأییلٚ قومٚ میأن سیوأ بِه.»
Currently Selected:
خروج ۳۰: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org
خروج ۳۰
۳۰
بوخورٚ مذبح
1 «بوخور سوجأنِئن وأسی اقاقیا چوبٚ جَا ایتأ مذبح چأکون. 2 اَ مذبح وأستی مربع مأنستَن بٚبه کی اونی درأزأ و پأنأ نیم متر و اونی بولندی ای متر بٚبه، و اونٚ شأخأن مذبح اَمرأ ایتأ تیکه بٚبه. 3 روکش مذبحٚ شین و اونٚ شأخأن خألیصٚ طلأ جَا بٚبد. طلأ جَا ایتأ قأب اونٚ دؤرتأدؤرٚ رِه چأکون. 4 مذبح دوتأ ورٚ میأن، طلأیی قأبٚ جیر، طلأ جَا دوتأ حلقه چأکون کی چوبأنَ اونی میأن فوقأیٚد کی اوشأنٚ اَمرأ مذبحَ اَرأ اورأ بٚبرد. 5 اقاقیا دأرٚ جَا وأستی اَ چوبأن آمأدَه بٚه و طلأ اَمرأ رو بیگیفته بٚبد. 6 بوخورٚ مذبحَ او پرده بیرون کی عهدٚ صوندوقٚ موقأبیل نٚهأ بٚنه. من اویَه تی اَمرأ مولأقأت کونٚم. 7 هرتأ صُب کی هارون، چرأغأنٚ دورون روغن دوکونه و اوشأنَ آمأدَه کونه، وأستی خوشبو بوخور او مذبح رو بوسوجأنٚه. 8 هرتأ غروب دٚم کی چرأغأنَ روشنَ کونه خوداوندٚ حوضورٚ میأن وأستی بوخور بوسوجأنه. اَ کأر وأستی دأل بٚدأل تومأمٚ نتأجأنٚ میأن انجأم بٚبه. 9 او بوخور کی قأبیلٚ قوبیل نییٚه، سوجأنِئنی قوربأنی و آردی پیشکش اونٚ رو پیشکش نوکونید و اونٚ رو وأخوردنی پیشکش فونکونید.
10 «هارون هرتأ سأل ای مرتوه وأستی مذبح شأخأنٚ رو، گونأ قوربأنی خونٚ پأشئنٚ اَمرأ، اونَ تقدیس بوکونه. اَ کأر هرتأ سأل دأل بٚدأل تومأمٚ نتأجأنٚ میأن انجأم بٚبه، چونکی اَ مذبح خوداوندٚ رِه خٚیلی موقدس ایسٚه.»
کفأره بهأ
11 بأزون خوداوند موسایَ بٚفرمأسته: 12 «هر زمأت کی بنیایسرأییلٚ آدمأنَ ایشمأردأندری هرتأ آدم کی بیشمأرده بِه، وأستی خو جأنٚ رِه مِرِه قوربأنی فأدٚه کی او زمأت کی آدمأن ایشمأرده بوستأندٚرد هیتأ بلأ قوم رو نأیه. 13 او قوربأنی کی وأستی اون فأدٚه، عیبأدتگأ میثقألٚ اَندر نیم میثقأل نوقره ایسٚه کی وأستی مِرِه پیشکش بٚبه. 14 تومأمٚ بیست سأله آدمأن و اونٚ ویشتر وأستی ایشمأرده بٚبد و اَ پیشکشَ مِرِه فأدٚد. 15 اونکی مأل و مینألدأر ایسٚه جٚه اَنٚ اَندر ویشتر فأنده و اونکی فِقِر ایسٚه کمتٚرِی فأنده، چونکی اَ قوربأنییَ خوشأنٚ جأنأنٚ وأسی مِرِه فأدٚده. 16 او کفأره پولَ کی بنیایسرأییلٚ جَا فأگیری، مولأقأتٚ خیمه چأکودن و دأشتنٚ رِه خرج بوکون. اَ قوربأنی فأدأنٚ اَمرأ بأعیث بِه من بنیایسرأییلَ می خأطرٚ میأن بٚدأرم و اَشأنٚ جأنَ حیفظَ کونٚم.»
بوشؤر وأشؤرٚ چأچه
17 بأزون خوداوند موسایَ بٚفرمأسته:
18 «مفرغٚ جَا ایتأ چأچه مٚفرغی پأیه اَمرأ چأکون بوشؤر وأشؤرٚ رِه. اونَ بٚنه مولأقأت خیمه و مذبح مأبین و آبٚ اَمرأ پورَ کون. 19 هارون و اونی پٚسرأن اَ آبٚ اَمرأ وأستی خوشأنٚ دٚسٚ پأیَ بوشؤرٚد. 20 او وخت کی اوشأن خأیٚده بٚشٚد مولاقأتٚ خیمه میأن و هطؤیم او وخت کی مِرِه مخصوصٚ پیشکش مذبحٚ رو تقدیم کونٚده، اَ آبٚ اَمرأ وأستی بوشؤر وأشؤر بوکونٚد کی نیمیرٚد. 21 اوشأن اَ آبٚ اَمرأ وأستی خوشأنٚ دٚسأن و پأیأنَ بوشؤرٚد اگه اَطؤ نٚبه میرٚده. هارون و اونی پٚسرأن و اوشأنٚ آینده نتأجأن اَ دستورأنَ وأستی همیشٚک انجأم بٚدد.»
مسحٚ روغن
22 خوداوند موسایَ بٚفرمأسته: 23 «اَ مخصوص و خوشبو موأدَ آمأدَه کون: شیش کیلو مُر، سه کیلو خوشبو دأرچین، سه کیلو خوشبو نی، 24 شیش کیلو سلیخه کی همٚتأ عیبأدتگأ میثقألٚ اَمرأ وزن بوبوستٚد. او وخت چأر لیتر روغن زیتون فوکون اوشأنٚ رو، 25 و اوشأنٚ مخلوطٚ جَا مسحٚ رِه موقدسٚ روغن چأکون. 26 بأزون اَ روغنَ مولأقأت خیمه مسحٚ رِه، عهدٚ صوندوق، 27 میز و تومأمٚ اونٚ ظرفأن، چرأغدأن و تومأمٚ اونٚ دٚمٚ دزگأ اَمرأ، بوخورٚ مذبح، 28 سوجأنِئنی پیشکشٚ مذبح و هرچی کی اونی شین ایسٚه، چأچه و اونٚ پأیهیأنٚ رِه ایستفأده بوکون. 29 اوشأنَ تقدیس بوکون کی کأمیل موقدس بٚبد و هرکی نتأنستهبی اونَ دٚس زِئن. 30 هارون و اونی پٚسرأنَ او روغنٚ اَمرأ کی چأکونی مَسح بوکون، تقدیس بوکون کی می کأهینأن بٚبد. 31 بنیایسرأییلَ بوگو کی اَ روغن شیمی نتأجأنٚ میأن می موقدسٚ مسحٚ روغن ایسٚه. 32 عأدی آدمأنٚ رو نوأستی اَ روغنَ فوکونید و اونٚ مأنستَن حق نأرید چأکونید، چونکی موقدس ایسٚه و شومأنٚم اونَ وأستی موقدس بٚدأنید. 33 اگه اینفر اَ روغنَ چأکونٚه و یا اینفرٚ رو وأسینه کی کأهین نییٚه، وأستی ایسرأییلٚ قومٚ جَا سیوأ بٚبه.»
بوخور
34 بأزون خوداوند موسایَ بٚفرمأسته: «بوخور چأکودنٚ رِه اَ خوشبو موأدٚ جَا ایجور کی ایتأ اَندر بٚبد ایستفأده بوکون: میعه، اظفار، قنه و خألیصٚ کندُر. 35 بوخور چأکودن کسأنٚ روشٚ اَمرأ، جٚه اَ خوشبو موأدٚ قأطی کودن نمکٚ اَمرأ، ایتأ خألیص و موقدسٚ بوخور چأکون. 36 ایپچه جٚه اونَ بوکؤب و بٚنه او عهدٚ صوندوقٚ ورجأ مولأقأتٚ خیمه میأن او جیگأ کی تی اَمرأ مولأقأت کونٚم. اَ بوخور کأمیل موقدس بِه. 37 هیوخت اَ مخلوطٚ اَمرأ تِرِه بوخور چأنکون، چونکی اَ بوخور می شین ایسٚه و اونَ وأستی موقدس بیشمأرید. 38 هرتأ آدم ایتأ بوخور اَ بوخورٚ مأنستَن خؤرِه آمأدَه کونه، جٚه ایسرأییلٚ قومٚ میأن سیوأ بِه.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org