خروج ۱۱
۱۱
اوّلی پٚسرأنٚ مٚردن
1 بأزون خوداوند موسایَ بٚفرمأسته: «شٚمٚره سرأ دٚئنٚ وأسی ایتأ دِه بلأ مصرٚ پأدیشأ سٚر اوسه کونٚم. اَیدفأرِه اون خؤرِه شیمی جَا خأیه کی مصرَ بنید و بیشید. 2 تومأمٚ ایسرأییلٚ مردومٚ مردأکأن و زنأکأنَ بوگو کی پیشتر جٚه شؤئؤن وأستی خوشأنٚ مصری همسأده‌یأنٚ جَا مأل بٚخأیٚد کی طلأ و نوقره بٚبه.» 3 خوداوند مصریأنٚ ورجأ، ایسرأییلٚ مردومَ حورمت بٚدأ بو و قصرٚ آدمأن و تومأمٚ مصریأن موسایَ ایتأ پیله مردأی دأنستیدی.
4 پٚس موسا فرعونَ بوگفته: «خوداوند فرمأیه: نیصفٚ شبٚ رِه جٚه مصرٚ میأن دٚوأرٚم. 5 تومأمٚ مصرٚ خأنوأرأنٚ اوّلی پٚسرأن میرٚدٚه جٚه فرعونٚ پٚسر کی اونی جأ سٚر وأستی بینیشینه بیگفته دأره، تأ او کولفٚتٚ پٚسر کی اونی کأر گندم سأبأنِئن ایسٚه. حتّا تومأمٚ مصرٚ میأن چأرپأیأنٚ اوّلی زأکأنم جٚه بین شٚده. 6 اَسٚر تأ اوسٚر مصرٚ میأن ایجور گریه و زهأر زِئن بِه کی اونی مأنستَن تأ هسأ بٚشتأوٚسته نوبوسته و نیبه. 7 ولی جٚه ایسرأییلٚ مردوم و اوشأنٚ حیوأنأنٚ میأن حتّا ایتأ سگم لأب نوکونه. او وخت فأمی کی خوداوند ایسرأییلٚ مردوم و تی مردومٚ میأن فرق نِهه. 8 تومأمٚ تی قصرٚ آدمأن می ورجأ سربیجیر اَوٚرٚده، ایلتمأس کونٚده کی هرچی زوتر بنی‌ایسرأییلَ مصرٚ جَا بٚبرم بیرون. او وخت من مصرَ نٚهٚم و شٚم.» بأزون موسا برزخَ بوسته فرعونٚ قصرٚ جَا بوشؤ بیرون.
9 خوداوند موسایَ بٚفرمأسته بو: «فرعون تی گبأنَ محل نٚنِه و اَن ایتأ فورصت مٚرَه فأدِه کی مصرٚ سرزیمینٚ میأن ویشتر موجیزه‌یأن بوکونٚم.»
10 اَنٚ اَمرأ کی موسا و هارون اَن همه موجیزه فرعونٚ ورجأ بوکوده بود، ولی اون بنی‌ایسرأییلَ سرأ نٚدأ کی مصرٚ جَا بٚشٚد بیرون، چونکی خوداوند فرعونٚ دیلَ سختَ کوده بو.
Currently Selected:
خروج ۱۱: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org