2 कुरन्थियों 5
5
1कैसेकै हम जौ जानै हैं कै जौ हमरो सरीर एक तम्बू के हाँई है जिसमै हम जा धरती मै रैहबैं हैं, और जब जा तम्बू कै गिरा दओ जागो तौ, परमेसर की ओर सै हमकै सुरग मै ऐंसो घर मिलैगो जो कबी खतम ना होगो, और जिसकै किसी आदमी नै ना बनाओ होगो। 2और जब तक हम जा घर के हाँई सरीर मै पड़े हैं, तब तक कैंखते रैहबैं हैं, और जौ चाँहबै हैं कै हम अपने सुरग के घर मै कब बसैं। 3जाकै पैहरनै सै हम नंगे ना रैहंगे। 4सच्ची मै हम जब तक जा दुनिया के घर यानी सरीर मै रैहंगे, तौ बोज की बजै सै कैंखते रैहंगे, कैसेकै हम अपने जा सरीर कै छोड़नै के ताँई ना सोचै हैं। पर जामै सुरग के सरीर कै पैहरनो चाँहै हैं, जिस्सै जौ नास होनै बारो सरीर जिन्दगी मै बदल जाय। 5जिसनै हमकै जा बात के ताँई तईयार करो है, बौ परमेसर है, और बानै हमकै बियाने मै पबित्तर आत्मा दई है।
6हमकै पक्को बिसवास है, और हम जौ बी जानै हैं कै जब तक हम जा सरीर मै हैं, परभु सै दूर हैं। 7कैसेकै हम जो देखै हैं बाके हिसाब सै ना पर बिसवास के हिसाब सै जीवै हैं। 8हमकै पक्को बिसवास है और जाई बजै सै हम अपने सरीर के घर कै छोड़कै परभु के धौंरे रैहनो अच्छो लगै है। 9इसताँई हमरी इच्छा है कै चाँहे हम सरीर मै रैंह या ना रैंह परभु कै परसन्द हौं। 10#रोमी 14:10हमनै जिन्दगी मै सरीर के हिसाब सै जित्ते बी अच्छे और बुरे काम करे हैं। उनको फल पानै के ताँई एक दिन मसी के नियाय सिंगासन के सामने खड़ो होनो पड़ैगो।
मसी के दुआरा परमेसर के संग मेल
11परभु को डर मानते भए हम लोगौ कै समजानै की कोसिस करै हैं और परमेसर हमकै अच्छे ढंग सै जानै है, और मैं जौ उमीद करौ हौं कै तुमरो मन बी जौ बात जरूर जानै है। 12हम तुमरे सामने अपनी बड़ाई ना करैं हैं। पर हम तुमकै एक मौको देवै हैं कै तुम हमरे ऊपर घमंड करौ जिस्सै कै तुम उन लोगौ कै जबाब दे सकौ, जो दिल की बातौं मै ना पर दिखावे की बातौं के ऊपर घमंड करै हैं। 13कैसेकै अगर हम पागल के हाँई दिखाई देवै हैं तौ परमेसर के ताँई, और अगर समजदार हैं तौ बौ तुमरे ताँई हैं। 14कैसेकै मसी को पियार हमकै मजबूर कर देवै है, हम जौ समजै हैं कै जब एक आदमी सब लोगौ के ताँई मरै तौ सिगरे लोग बी मर गए। 15मसी सिगरे लोगौ के ताँई मरो, कैसेकै जो जिन्दे हैं बे खुद के ताँई ना पर बाके ताँई जीऐं जो उनके ताँई मरो और फिर सै जिन्दो भओ।
16पर अब सै हम किसी बी आदमी कै जा दुनिया की नजरौ के हिसाब सै ना देखंगे। पर एक बखत हो जब हम मसी कै जा दुनिया के लोगौ की नजरौ के हिसाब सै देखै हे पर अब ऐंसे ना देखै हैं। 17कैसेकै अगर कोई मसी मै है, तौ बौ एक नओ आदमी है। सिगरी पुरानी बात खतम हो गंई, और सब नओ हो गओ है। 18जे सिगरी बात परमेसर की ओर सै हैं, जिसनै मसी के दुआरा अपने संग मेल करबाओ, और हमकै दूसरे लोगौ के संग परमेसर सै मेल कन्नै के ताँई सेवा दई है। 19हमरी बात जौ है कै परमेसर नै लोगौ के पाप को लेखो-जोखो ना लओ पर मसी के दुआरा जा दुनिया के लोगौ को अपने संग मेल करबाओ, और जौ मेल-जोल को बचन हमकै देओ है। 20इसताँई हम मसी के दूत हैं, और परमेसर हमरे दुआरा तुमकै समजाबै है। और हम मसी की ओर सै तुमसै बिनती करै हैं कै तुम परमेसर के संग मेल करौ। 21मसी नै कोई पाप ना करो हो, पर बाकै हमरे ताँई परमेसर नै पाप बना दओ#5:21 पाप बना दओ, ईसु कै हमरे ताँई परमेसर नै पाप की बलि के ताँई भेजो। जिस्सै कै हम परमेसर की धारमिकता मै साजेदार हौं।
Currently Selected:
2 कुरन्थियों 5: TKB
Highlight
Copy
Compare
Share
Want to have your highlights saved across all your devices? Sign up or sign in
New Life Compute Institute [NLCI] - CC BY-NC-ND 4.0
2 कुरन्थियों 5
5
1कैसेकै हम जौ जानै हैं कै जौ हमरो सरीर एक तम्बू के हाँई है जिसमै हम जा धरती मै रैहबैं हैं, और जब जा तम्बू कै गिरा दओ जागो तौ, परमेसर की ओर सै हमकै सुरग मै ऐंसो घर मिलैगो जो कबी खतम ना होगो, और जिसकै किसी आदमी नै ना बनाओ होगो। 2और जब तक हम जा घर के हाँई सरीर मै पड़े हैं, तब तक कैंखते रैहबैं हैं, और जौ चाँहबै हैं कै हम अपने सुरग के घर मै कब बसैं। 3जाकै पैहरनै सै हम नंगे ना रैहंगे। 4सच्ची मै हम जब तक जा दुनिया के घर यानी सरीर मै रैहंगे, तौ बोज की बजै सै कैंखते रैहंगे, कैसेकै हम अपने जा सरीर कै छोड़नै के ताँई ना सोचै हैं। पर जामै सुरग के सरीर कै पैहरनो चाँहै हैं, जिस्सै जौ नास होनै बारो सरीर जिन्दगी मै बदल जाय। 5जिसनै हमकै जा बात के ताँई तईयार करो है, बौ परमेसर है, और बानै हमकै बियाने मै पबित्तर आत्मा दई है।
6हमकै पक्को बिसवास है, और हम जौ बी जानै हैं कै जब तक हम जा सरीर मै हैं, परभु सै दूर हैं। 7कैसेकै हम जो देखै हैं बाके हिसाब सै ना पर बिसवास के हिसाब सै जीवै हैं। 8हमकै पक्को बिसवास है और जाई बजै सै हम अपने सरीर के घर कै छोड़कै परभु के धौंरे रैहनो अच्छो लगै है। 9इसताँई हमरी इच्छा है कै चाँहे हम सरीर मै रैंह या ना रैंह परभु कै परसन्द हौं। 10#रोमी 14:10हमनै जिन्दगी मै सरीर के हिसाब सै जित्ते बी अच्छे और बुरे काम करे हैं। उनको फल पानै के ताँई एक दिन मसी के नियाय सिंगासन के सामने खड़ो होनो पड़ैगो।
मसी के दुआरा परमेसर के संग मेल
11परभु को डर मानते भए हम लोगौ कै समजानै की कोसिस करै हैं और परमेसर हमकै अच्छे ढंग सै जानै है, और मैं जौ उमीद करौ हौं कै तुमरो मन बी जौ बात जरूर जानै है। 12हम तुमरे सामने अपनी बड़ाई ना करैं हैं। पर हम तुमकै एक मौको देवै हैं कै तुम हमरे ऊपर घमंड करौ जिस्सै कै तुम उन लोगौ कै जबाब दे सकौ, जो दिल की बातौं मै ना पर दिखावे की बातौं के ऊपर घमंड करै हैं। 13कैसेकै अगर हम पागल के हाँई दिखाई देवै हैं तौ परमेसर के ताँई, और अगर समजदार हैं तौ बौ तुमरे ताँई हैं। 14कैसेकै मसी को पियार हमकै मजबूर कर देवै है, हम जौ समजै हैं कै जब एक आदमी सब लोगौ के ताँई मरै तौ सिगरे लोग बी मर गए। 15मसी सिगरे लोगौ के ताँई मरो, कैसेकै जो जिन्दे हैं बे खुद के ताँई ना पर बाके ताँई जीऐं जो उनके ताँई मरो और फिर सै जिन्दो भओ।
16पर अब सै हम किसी बी आदमी कै जा दुनिया की नजरौ के हिसाब सै ना देखंगे। पर एक बखत हो जब हम मसी कै जा दुनिया के लोगौ की नजरौ के हिसाब सै देखै हे पर अब ऐंसे ना देखै हैं। 17कैसेकै अगर कोई मसी मै है, तौ बौ एक नओ आदमी है। सिगरी पुरानी बात खतम हो गंई, और सब नओ हो गओ है। 18जे सिगरी बात परमेसर की ओर सै हैं, जिसनै मसी के दुआरा अपने संग मेल करबाओ, और हमकै दूसरे लोगौ के संग परमेसर सै मेल कन्नै के ताँई सेवा दई है। 19हमरी बात जौ है कै परमेसर नै लोगौ के पाप को लेखो-जोखो ना लओ पर मसी के दुआरा जा दुनिया के लोगौ को अपने संग मेल करबाओ, और जौ मेल-जोल को बचन हमकै देओ है। 20इसताँई हम मसी के दूत हैं, और परमेसर हमरे दुआरा तुमकै समजाबै है। और हम मसी की ओर सै तुमसै बिनती करै हैं कै तुम परमेसर के संग मेल करौ। 21मसी नै कोई पाप ना करो हो, पर बाकै हमरे ताँई परमेसर नै पाप बना दओ#5:21 पाप बना दओ, ईसु कै हमरे ताँई परमेसर नै पाप की बलि के ताँई भेजो। जिस्सै कै हम परमेसर की धारमिकता मै साजेदार हौं।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Life Compute Institute [NLCI] - CC BY-NC-ND 4.0