2 कुरन्थियों 12
12
पौलुस के ऊपर परभु की किरपा
1अपने ऊपर घमंड कन्नो मेरे ताँई अच्छी बात ना है पर फिर बी मैं परभु के दए भए दरसन और जो परभु नै परकट करो बाके ऊपर घमंड करौ हौं। 2मैं एक ऐंसे आदमी कै जानौ हौं, जो मसी मै बिसवासी है, जिसकै चौदैह साल पैले सबसै ऊँचे सुरग मै उठा लओ गओ हो। मैं ना जानौ हौं कै बौ सरीर बारो हो या बगैर सरीर को पर परमेसरई जानै है। 3मैं जा आदमी कै जानौ हौं जिसकै सुरग मै ऊपर उठा लओ गओ, पर सरीर के संग या बगैर सरीर के, मैंकै पतो ना है, जौ तौ परमेसरई जानै है। 4बानै सुरग लोक मै ऐंसी बात सुनी जिनकै कोई कैह ना सकै है, और जिनके बारे मै कोई आदमी सोचई ना सकै है। 5ऐंसे आदमी के ऊपर मैं घमंड करंगो, मगर मैं खुद के ऊपर ना पर अपनी कमजोरिऔं के ऊपर घमंड करंगो। 6अगर मैं घमंड कन्नै की सोचौ बी हौं तौ बेबकूफ ना बनंगो। कैसेकै मैं सच बोलंगो, पर मैं खुद कै रोके रैहबौं हौं। कहीं ऐंसो ना होए कै कोई बी मैंकै देखै या सुनै, बौ मेरे बारे मै जादा बढ़कै ना सोचल लगै।
7मैंकै सच्चे बचन की बजै सै घमंड ना होए इसताँई मेरे सरीर मै एक ऐंसो दरद है जैसे किसी नै काँटो चुभैदओ होए। जौ सैतान को दूत है और बौ मेरे हरदम चुभैतो रैहबै है कै, मैं घमंड ना कर सकौं। 8और जा मुसीबत सै दूर होनै के ताँई मैंनै परभु सै तीन दफै बिनती करी कै जा काँटे कै लिकार दे। 9पर परभु नै मैंसै कैई कै, “मेरी किरपा तेरे ऊपर भौत है कैसेकै कमजोरिऔं मैई मेरी सकति सबसै जादा है।” इसताँई मैं अपनी कमजोरिऔं के ऊपर खुसी के संग घमंड करौ हौं कै मसी की सकति मेरे भीतर है। 10कैसेकै मैं मसी की सेवा करौ हौं पर मैं कमजोरिऔं मै, बेजती मै, मुसीबतौं मै और सताब मै पूरी तरै खुस हौं। कैसेकै जब मैं कमजोर होबौ हौं तौ तबई मैंकै तागत मिलै है।
कुरन्थी के बिसवासिऔ ताँई पौलुस को पियार
11मैंकै बेबकूफ के हाँई बोलनै के ताँई तुमनै मजबूर करो। तुमकै तौ मेरी बड़ाई कन्नी चँईऐ ही। बैसे तौ मैं कुछ बी ना हौं, पर जिनकै तुम बड़े-बड़े भेजे भए चेला समजौ हौ उनसै मैं किसी बी बात मै कम ना हौं। 12एक सई भेजे भए चेला की सिगरी खूबी कै, मैंनै सबर के संग, चिन्न, बड़े-बड़े काम और सकति बारे काम कै तुमरे बीच मै दिखाओ है। 13तुम कुछ बी काम मै दूसरे बिसवासिऔ की मंडलिऔ सै कम ना हे। सिरप जाके कै मैं पैसौ की बजै सै तुमरे ऊपर बोज ना बन्नो चाँहै हो। और जा अनियाय की बजै सै मैंकै माफ करौ।
14सुनौ, मैं अब तीसरी दफै तुमरे धौंरे आनै के ताँई तईयार हौं। पर मैं तुमरे ऊपर किसी बी बात के ताँई बोज ना बनंगो। मैं तुमरी दौलत कै ना पर तुमकै चाँहौ हौं। कैसेकै औलाद सै जौ उमीद ना करी जावै है कै बे अईया-अब्बा के ताँई कमाऐं पर औलाद के ताँई अईया-अब्बा कमाबै हैं। 15मेरे धौंरे जो कुछ है, बाकै मैं तुमरे ताँई खुसी के संग खरच करौ हौं और तुमरे ताँई मैं खुद कै बी खरच कर दंगो। जब मैं तुमसै जादा पियार करौ हौं, तौ तुम मैंसै कम पियार कैसे कर सकौ हौ? 16तुम्मै सै कुछ लोग जौ मानते हौंगे कै मैं तुमरे ऊपर बोज ना बनो। पर फिर बी कुछ लोग सोचै हैं कै मैंनै चालाँकी करकै तुमसै फाएदा उठाओ है। 17और उन लोगौ कै तुमरे धौंरे भेजकै का मैंनै तुमरो गलत फाएदा उठाओ? 18मैंनै तीतुस सै तुमरे धौंरे जानै के ताँई बिनती करी और बाके संग एक बिसवासी भईया कै बी भेजो। का तीतुस नै तुमरो गलत फाएदा उठाओ? का हम एकई आत्मा के दुआरा एक जैसी चाल ना चलै हे?
19का तुम जौ समजौ हौ कै हम जौ सब तुमरे सामने अपने बचाब के ताँई कैरए हैं? पर हम तौ परमेसर के सामने मसी के सेवक बनकै बोल रए हैं। पियारे लोगौ, जो कुछ हम कर रए हैं, बौ सब तुमरी बढ़ौतरी के ताँई है। 20कैसेकै मैंकै जा बात को डर है कै जब मैं तुमरे धौंरे आऔं तौ तुमकै बैसो ना पांऔ जैसो मैंनै सोचो है, और तुम बी मैंकै बैसो ना पाऔ जैसो तुम सोचै हे। मैंकै जा बात को डर है कै कबी तुमरे बीच मै आपस मै लड़ाई, जरन, घुस्सा, मतलबी इच्छा, चुगली, घमंड, और नियम सई ना मिलै। 21मैंकै जा बात को डर है कै जब मैं फिर तुमरे धौंरे बापस आंगो तौ कहीं मेरो परमेसर तुमरे सामने मेरी बेजती करै और मैंकै उन लोगौ मै सै जिन्नै पैले भौत पाप करो हो और उनके गंदे काम, कुकरम, लुचपन बारी जिन्दगी सै मन ना फिरानै की बजै सै मैंकै रोनो पड़ै।
Currently Selected:
2 कुरन्थियों 12: TKB
Highlight
Copy
Compare
Share
Want to have your highlights saved across all your devices? Sign up or sign in
New Life Compute Institute [NLCI] - CC BY-NC-ND 4.0
