1 तीमुथियुस परिचय
परिचय
प्रेरित पौलुस क तरफ सी ओका दास तीमुथियुस क लिखी गय एक पत्री छे। तीमुथियुस शायद मसीह क जन्मन बाद 62-64 सालन लग–भग लिखली गय हती। यो पौलुस क जीवन न शेवली टेमे हसे। पौलुस क तीमुथियुस क साथे एकदम नाटवालो रिश्तो हतो। आरू एक पोर्याक रूप मा ओका बैस वार मकल्या हता। फिलेमोन 1:221 तीमुथियुस 1:2–1:18
यो पौलुस क चार पत्री माहन एक छे, ची एक मानस क नी पुन पुरी मंडळी क कय रयु छे। दिसरी तीन पत्री 2 तीमुथियुस, तीतुस आरू फिलोमन छे। पेहलो तीमुथियुस मंडळी क प्रार्थना पर बैस सोवटा शिक्षा देदु। 2:1-15 मंडळी क अगुवा क करता योग्यता 3:1-13 आरू झुठा मास्तर चेतावनी 1:3-11; 4:1-5; 6:2-5 देय आरू बैस काहय शामिल छे। पौलुस यो देखाड़तु छे कि तीमुथियुस मंडळी क वीचमा एक अगव वानियो बन्नेन करता आयु हतु। 1 तीमुथियुस क काहय सिध्दांत छे, कि हामरा दाहाड़ा मा मंडळी क अगळवानिया मदत क करता चा लोगहन मंडळी क सेवा काम क संबंध मा शामिल छे।
रूप रेखा
1. पौलुस क तरफ सी तीमुथियुस क नमस्कार 1:1-2
2. झुठा मास्तर क विरोध चेतावनी 1:3-11
3. पौलुस क करता ईशु मसीह क धन्यवाद। 1:12-19
4. पछु चाँ प्रार्थना आरू मंडळी क अगुवा क विषय मा तीमुथियुस क शिक्षा। 2–3
5. पौलुस क तीमुथियुस काहय शिक्षा आपीन आपसी पत्री क बंद कर्यु। 4–6
Currently Selected:
1 तीमुथियुस परिचय: Dii25
Highlight
Share
Copy
Want to have your highlights saved across all your devices? Sign up or sign in
The Dhankavi Bible © The Word for the World International and Dhankavi Mandli, Khargon, Raykhed, Nandurbar, Maharashtra 2025