1 TIMOTEO 4
4
1MO Mwoxixi atôya yi ngulu ene, ku bikondo bia kunyuma kunasaluka banga bantu bwalo bwa kwetabusa, banabaka macu kudi bidimu biaungisa ungisa bantu, yi ku kweyesa kwa bidimu bibi 2bidi mu kutôya kudi bantu bamadimba ndimbu ku mancanga, bamakwoxebwa mu kilubukilu kiabo kia munda bea yi kipiko kia mudilu ; 3bamancidika dia kubaka mabakwa, yi dia kudya kwa minyenye yakapanga Ncembi ndo kwangacibwa yi biloba kudi bantu bamakwetabusa yi bamalembetela sôsôlwo. 4Bwalo budi kipangu kioso kia Ncembi kinengela ; kumoni kintu kimokimwe kunyananibwa ndo kiamangacibwa yi kuxinga kwa biloba ; 5bwalo bwamabalolebwakio ku diyi dia Ncembi yi ku lulombu.
6Ndo unakwelesa bakunyi bintu bebi nkanyi, owe unakala musadi unengela a Kalistu Yisu, wamalundixibwa mu meyi a kwetabusa yi a kweyesa kunengela kwamalandudila owe. 7Mo nyañana tufumu twa mietangu yi twa binunu bia babakaxi. Udiekyelesi mikyebe yi mwosambu ă Ncembi ; 8kwekyelesa mumbidi kudi loko lubende, mo mwosambu ă Ncembi udi loko ku bintu bioso, udi yi kilaka ku bwalo bwa môyo ou udiko nkyekyu, yi kia ou ulolwa. 9Diyi didi diyi dia ko, diamalelakyela yi kwangacibwa kudi bantu boso. 10Ku mucwe ou ndo kutwamakamba yi kutwamatanda, bwalo bututani yi mudingidilu ěcu ă kudingila Ncembi a môyo, udi Mupandixi a bantu boso, yi a bantu pako betabusa. 11Ulangi bintu bebi, yi ubieyesi. 12Muntu katamuni bwabuki kwebe ; kate ikala owe kielekyexelu kia bantu bamakwetabusa, ku diyi, ku mwosambu, ku nyinga, ku kwetabusa, ku babala. 13Pôi kikondo kinalwa, baka mucima ăbe ku kubala, yi ku kubondabonda, yi ku kweyesa. 14Kwelu dilongi didi munda mwebe, diakakupebwa ku kidimuxilu kiakadimuxibwa, yi ku kubakibwa kwa makaci a babakulu. 15Lukutila bintu bebi mulukutu, ikala munda mwabio dyendeli, bixemoneka kulunda kwebe kudi bantu boso. 16Uditebeli mikyebe yi kweyesa kwebe. Xina mwoxinu yi bintu bebi ; bwalo pa kwenca noku unapandisa yi mikyebe yi bantu bakwombombwa.
Currently Selected:
1 TIMOTEO 4: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève
