1 TIMOTEO 3
3
1DIYI didi diyi dia ko ; aka muntu amapalala mudimo ă munami a kikokye, amakyeba mudimo unengela. 2Mbwôso munami udi yi dibambu dia kwakala kutena bwalo bubi, muna mukaxi umoumwe, muna bweso, muna mulangu, muna bileli mu bintu bioso, amakwekyela yi kwangata angata bantu babene ; udi yi kieyexelu kia kweyesa ; 3kumoni muna mulaku ă malufu, kumoni mukumañani a bantu ; kate kulebela, kumoni mwelesafiani a mbata, kumoni muna ndôi a bima ; 4muntu amabumba bena ncibo anci mikyenci yi nkwami, udi yi bana banci bamwedeya yi diedya yi buxitu bwoso. 5Kaninga ndo muntu kasolubukwa mwa kubumba ncibo anci mikyenci, unanama kikokye kia Ncembi beci ? 6Kumoni mwenyambango, ximbi pa kwolubixibwa disasa uxepona mu lopelo lwa diabolo. 7Bunga bwalo kabidi ; uxeakala yi ntôbô yinengela kudi bantu badi kunci ; ximbi uxepona mu dikamu kukamibwa yi mu mupeto ă diabolo.
8Basadi kabidi ba kikokye baxeakala bena buxitu, kumoni bena ndimi ibidi, kumoni bena nkolwa ya malufu, kumoni yi biloko bia bima bia mbindu ; 9udi mu kubamba bwalo busokoka bwa kwetabusa mu kilubukilu kia munda kia babala. 10Bobo lolo belekyexebwi buxi ; kunyuma, basali mudimo ă basadi ba kikokye, akali kabena yi bwalo bubi. 11Babakaxi mo nako baxeakala bena buxitu, kumoni bena mietangu, mo bena mulangu, bena kibaku mu bintu bioso. 12Basadi ba kikokye bakali bena mukaxi umoumwe, badi mu kubumba bana babo yi ncibo yabo loko. 13Bwalo bwa bantu bamasala mudimo loko ă basadi ba kikokye bamadiangadla kikupu kinengela, yi dikimu dingi ku mucima mu kwetabusa kudi mu Kalistu Yisu.
14Nkwafundila bintu bebi, bwalo buntanadingila kulwa kudi mo nkyekyu ; 15mo ndo ngwaxikama kikondo, bixelubukwa owe muxeakala muntu yi mwosambu unengela mu ncibo a Ncembi, udi kikokye kia Ncembi a môyo, mutondo ă sôsôlwo yi kisubixilu kienci. 16Yi bwalo busokoka budi bunene kutena mbata, bwa bowa bwa Ncembi. You akakwebexebwa mu munyu akasuwixibwa ku Mwoxixi, akamonebwa kudi bangele, akakwambidibwa kudi mabila, akakwetabuxidibwa ku loboko, akangacibwa kulu mu dikai.
Currently Selected:
1 TIMOTEO 3: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève
