Matai 1

Aba nkikolo kya Yesu

(Luk 3.23-38)

1Ululo lubatiko lwaluko ulwa bankikolo kya Yesu Kristi, unnya Davidi, unnya Abrahamu. 2Abrahamu alinkumpapa Isaka; Isaka alinkumpapa Yakobu; Yakobu alikumpapa Yuda nabamyabo; 3Yuda alinkumpapa Perezi na Zera mwa Tamara; Perezi alinkumpapa Hezironi; Hezironi alinkumpapa Aramu; 4Aramu alinkumpapa Aminadabu; Amunadabu alinkumpapa Nashoni; Nashoni alinkumpapa Salimoni; 5Salimoni alinkumpapa Boazi mwa Rahabu; Boazi alinkumpapa Obedi mwa Ruti; Obedi alinkumpapa Yese; 6Yese alinkumpapa umalafyale Davidi.

Davidi alinkumpapa Solomoni munka Uriya. 7Solomoni alinkumpapa Rehoboamu; Rehoboamu alinkumpapa Abiya; Abiya alinkumpapa Asa; 8Asa alinkumpapa Yehoshafati; Yehoshafati alinkumpapa Yoramu; Yoramu alinkumpapa Uziya; 9Uziya alinkumpapa Yotamu; Yotamu alinkumpapa Ahazi; Ahazi alinkumpapa Hezekiya; 10Hezekiya alinkumpapa Manasi; Manasi alinkumpapa Amosi; Amosi alinkumpapa Yosia; 11#2 Banyaf 24.14-15; 2 Syambu 36.10; Yere 27.20Yosia alinkumpapa Yekoniya nabamyabo, pakabaliloka kukoligwa ukubuka nkisu kya Babeloni.

12Panyuma bo balimbukoligwa nkisu kya Babeloni, Yekoniya alinkumpapa Shetiele; Shatiele alinkumpapa Zerubabeli; 13Zerubabeli alinkumpapa Abihudi; Abihudi alinkumpapa Eliakimu; Eliakimu alinkumpapa Azori; 14Azori alinkumpapa Zadoki; Zadoki alinkumpapa Akimu; Akimu alinkumpapa Ehudi; 15Ehudi alinkumpapa Eliyazara; Eliyazara alinkumpapa Matani; 16Matani alinkumpapa Yakobu; Yakobu alinkumpapa Yosefu undume gwa Maria, muli uyu apapigwemo Yesu uyu ikuyobigwa iya Kristi. 17Popapo lelo ingulilo syosa ukufuma pa Abrahamu ukufika pa Davidi sili kalongo na ina (14), ukufuma pa Davidi ukufika apa bakoligwege ukubuka nkisu kya Babeloni sili kalongo na ina (14); kangi ukufuma apa bakoligwege nkisu kya Babeloni ukufika paKristi sili kalongo na ina (14).

Ukupapigwa kwa Yesu

(Luk 2.1-7)

18 # Luk 1.27 Ukupapigwa kwa Yesu Kristi kwali bo ulu: Bo unna Maria asingiligwe na Yosefu, bo bakali nukwegana, alinkuboneka ukuya nikifubammaka ga Mbepo Mwikemo. 19Loli Yosefu undume, papo alimundu ungolofu, kangi papo akaliganile ukunjwelula, alinkulonda ukundekela mbutitu. 20Umwene bo ikwinogona sisisi, alinkwaga ugwandumi gwa Ntwa ikunsetukila munjosi ikumbula ikuti, “Yosefu gwe nnya Davidi, ungatilaga ukumwega Maria unkasigo; namanga ikifuba kyake kya mmaka ga Mbepo Mwikemo. 21#Luk 1.31Umwene isakupapaga umwana undumyana, yo gwise umpege ingamu ya Yesu, buno yo yuyo isakubapokaga abandu bake kumbibi syabo.” 22Syosa sisisi sisaga ukuti mo simalikilegesisyo uNtwa asiyobelege munsololi ukuti, 23#Yes 7.14“Keta undindwana isakuyaga nikifuba, isakupapaga umwana undumyana, yo isakubilikiligwaga ingamu ya Imanueli;” (ko kuti, “Kyala ali nanuswe”).

24Umwene Yosefu bo alembwike ntulo, alinkukonga bomumo andagilaga ugwandumi gwa Ntwa, alinkumwega unkasi; 25#Luk 2.21loli alinkusita nukummanya tasi, ukwisakufika papo apapege umwana, yo alinkumpa ingamu ya Yesu.

Currently Selected:

Matai 1: NNBII

Highlight

Copy