Амоос 8
8
Эдеэшэһэн жэмэстэй араг үзэгдэл соо харагдаба
1Эзэн Бурхан намда иимэ үзэгдэл үзүүлбэ: эдеэшэһэн жэмэс араг соо байна хэбэртэй. 2Тэрэ:
– Юу харанаш, Амоос? – гэжэ асууба.
– Эдеэшэһэн жэмэс араг соо байна, – гэжэ харюусабаб.
– Минии арад түмэн Израилиин хэһээлтэ амасаха сагынь тулаа! Би бэшэ тэдэниие хүлисэхэгүйб, – гэжэ Эзэн намда айладаа бэлэй.
3Тиигэбэл, ордоной хүхюу дуунууд
сурхирса уйлаха абяан боложо хубилха.
Хэды олон үхэһэн бэе хаа-хаанагүй хаяатайб!
Ааляарыт!
Гай тодхор амасаха, Эзэнэй үгэнүүдые дэмы бэдэрхэ үдэрнүүд ерэнэ
4Ядуу зониие харшалаашад, үгытэйшүүлые усадхаагшад, шагнагты! 5Таанад иигэжэ хэлэнэт:
Һарын шэнэ хэзээ үнгэрхэ гээшэб? Хилээмэ худалдаха байгаалди.
Амаралтын үдэр хэзээ дууһахаб? Таряа талха худалдаха байгаабди.
Хэмжэдэг амһарта бага болгохобди, үнэ сэн дээшэнь бодхоохобди,
хэмжүүр шулуу һэлгээд, буруу хэмжэн мэхэлхэбди!
6Ядуу хооһон хүниие мүнгөөр,
үгытэй хүниие хоёр паар шаахайгаар худалдан абахабди!
Мэхиинэшье худалдажа шадахалди!
7Яковай омогорхолоор Эзэн тангариглаа:
хэрэгүүдынь хэтэ мүнхэдөө мартахагүйб!
8Иихэдэнь газар яагаад доһолхогүйб даа?!
Бүхы зониинь гашуудан байхал!
Эрьеһээ халиһан Нил мүрэн мэтэ газар дээшээ хэлбэлзээд,
Египедэй Нилдэл адли һөөргөө номгорхо.
9Тиихэдэнь гэгээн сагаан үдэр нарые хиртүүлхэб,
үдэрэй тэгэн дунда харанхые газарта буулгахаб!
10Һайндэрнүүдыетнай – гашуудал,
дуунуудыетнай хүдөөлүүлгын уйлаан болгохоб.
Таар таһардаһанда бүгэдые хубсалуулхаб,
хүн бүхэн толгойгоо хюһаха.
Ори ганса хүбүүн тухайгаа гашуудаһантай адли ехэ гашуудал болохо,
үдэр бүхэн гай гашуудалай үдэр болохо.
11Удахагүй Би энэ орон нютаг руу үлэсхэлэн хооһые эльгэхэб.
Хоол эдихэеэ үлдөөд байһан бэшэ,
унда уухаяа ангаад байһан бэшэ,
Минии, Эзэнэй, айладхал жүрөөдэһэн байдал болохо! –
гэжэ Эзэн Бурхан айладана.
12Тиихэдээ зон Эзэнэй үгэ бэдэрэн,
өмнө далайһаа өрнө далай руу,
умара зүгһөө дорно зүг руу ябаха,
түгэншэлхэ, теэд олохогүй.
13Удаань залуу, һайхан хүбүүд, басагадшье
ехээр ангаһандаа хүсэгүй болон унаха.
14Самариин нүгэлөөр тангариглагша хүн,
«Даан, бурханаартнай тангаригланаб», үгышье һаа,
«Бэһээр-Шээбэ руу ошоһон харгы замаар тангаригланаб» гэгшэд
бүдэрэн унаха, бэшэ бодохогүй.
Currently Selected:
Амоос 8: BurBBL2024
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, перевод, комментарии, 2024
© Российское Библейское Общество, перевод, комментарии, 2024
© Оформление. Институт перевода Библии, 2024
