Псалтыр 2
2
Давидлӧн псалом.
1Мыйлӧ лэбтісьӧны отиррез?
Мыйлӧ ентӧдтӧммез лӧсьӧтчӧны керны ковтӧмсӧ?
2Му вылісь ӧксуэз#2:2 ӧксу ─ царь лэбтісьӧны,
и юраліссез ӧтлаын баитчӧны
Дӧсвидзисьлӧ да Сылӧн Ма́втӧмлӧ#2:2 Ма́втӧм ─ Помазанник паныт мунны.
3Нія шуӧны:
«Орӧтам ас вывсиным Нылісь кӧртӧттэсӧ,
чапкам вывсиным домӧттэсӧ!»
4Енӧжжезас#2:4 енӧж ─ небо Юралісьыс шыннялӧ,
Дӧсвидзисьыс сералӧ ны вылын.
5Аслас лёксялӧ́мӧн Сія нійӧ повзьӧтас,
лӧгувьяс нылӧ висьталас:
6«Ме ма́втӧмӧн сувтӧті Ассим Ӧксуӧс
Сион вылӧ, Менам вежа керӧс вылӧ».
7Ме юӧрта Дӧсвидзисьлісь кыввесӧ.
Сія Меным висьталіс:
«Тэ Менам Зон,
Ме талун Тэнӧ чужті.
8Кор Менчим,
и сета Тэныт отирресӧ,
быдӧс мусӧ Тэнат кипод увтӧ сета.
9Тэ нійӧ кӧрт бедьӧн паздан,
сёй доззэз моз пазӧтан».
10Сідзкӧ, ӧксуэз, мывкыдсялӧ!
Му вылас судын бӧрйисиссез, велӧтчӧ!
11Дӧсвидзисьлӧ кысъялӧ#2:11 кысъявны ─ служить полӧмӧн,
гажӧтчӧ [Сы одзын] зэгся́н сьӧлӧмӧн.
12Бурӧ пуктӧ Зонсӧ,
медбы Дӧсвидзисьыс эз лӧгась
да тійӧ эдӧ кулӧ туй выланыт.
Чожа эд Сылӧн лӧгыс ыпнитас.
Шудаӧсь Сы вылӧ надейтчиссес быдӧнныс.
Currently Selected:
Псалтыр 2: КПБЮ
Highlight
Copy
Compare
Share
Want to have your highlights saved across all your devices? Sign up or sign in
Institute for Bible Translation, Finland
