2Gelindo 6
6
1Hudare hhantu wilie giesan bijien tai xiahua gieye, Hudai nenjienni jienliezhi belienni bu gholugha. 2Huda kieliezhi,
"Heshitu shihoude bi chinughunyi chenliewo.
Jiuiku udude bi chade banman giewo."
giezho. Uzhe, ede zhen heshitu shihou wo, uzhe, ede zhen jiuiku udu wo!
3Bijien giesan wiliene ulie sugieghane giezhi jinlianji kiendeliuzhe chijia ese teizho. 4Khareidene goyaneshi Hudai hoji wo giezhi yanyanji shiqin jiere uzheghazho. Jiushi olon rennai gieku, kunnan, chijia shiqin, zeinan, 5eghiku, khaku, nouiku, khishulaku, kijie daku, ijie daku dunda 6bijien ganjinde giezhi erlin, rennai gieku, renyi, Shenlin, zhenzhenji oreku, 7shuhua kielieku, Hudai nenlighala giezho. Borun soghei khade gundan uqi bareidene 8bugon bijienyi zunjiye hao, shizheghaye hao, sugieye hao, kuaiye hao bijien ingiezhi giezho. Kunla kieliese piendachen wo giezhoma, bijien shuhua kieliezho. 9Bijienyi kiema ulie mejiene giezhoma, niere fugie no wo. Fuguwo giezhoma, amitu wo. Bijienyi faizhoma, ese alazho. 10Bijien yuchou giesanyi xianlima, chan bayasuzho. Nanxin wo giezhoma, olon kunlai bayazheghazho. Uzhese yama uwoma, yanliuzhe wine.
11 Gelindo kunlaya, bijien tande zhijie kieliezhi zhughene keighazho. 12Bijien tai zhughei ese meilashighazho, ta goyalane meilashighazho. 13Bi kewosidene kielieku mutun kielieye, bijien giesan mutun taye bijiende zhughene keigha.
Chanqiku Mechi
14Ta xianxin ulie giechen kunlare nie jiabanyi bu zho. Gouni mouxiennighala matugie hhantulane? Gon kharanighala matugie laiwon giene? 15Mexiha Bilieghala#6:15 Ibilisi matugie heqishine? Xianxin giesan, ulie xianxin giesanghala matugie hhantu giene? 16Mechi nigiedaghala matugie hhantulane? Matanshi chanqiku mechi wo. Zhen Huda kieliesan mutun,
"Bi hhelai dunda souzhi hhelare laiwon giene.
Bi hhelade Huda danlane.
Hhela made bexin danlane."
17Ezhan kieliezho,
"Ingiese ta hhelai dundase khizhezhi hhelase danxinra.
Zannan dunxilai bu shighama, bi tai jienliene.
18Bi tande ada danlane.
Ta made kewon oqin danlane.
Eneshi nenlitu Ezhan kieliesan wo."
Currently Selected:
2Gelindo 6: sce
Highlight
Copy
Compare
Share
Want to have your highlights saved across all your devices? Sign up or sign in
© 2020-2024 River Street Publishing.
