Ягьудал кагъат 1
1
Саламалъул рагӀаби
1ГӀиса МасихӀил лагъ ва Якъубил вац Ягьудал рахъалдасан Аллагьас тӀаса рищаразде, Эмен – Аллагьасе рокьулезде ва ГӀиса МасихӀица цӀунун ругезде салам. 2Рекъелги, рокьиги ва Аллагьасул цӀобги цӀикӀкӀаги нужее.
Гьереси тӀибитӀизабулел гӀадамал
3Дица хӀаракат бахъана, дир хириял, нилъее насиблъараб хвасарлъиялъул хӀакъалъулъ хъвазе. Гьаб кагъат хъвачӀого рес букӀинчӀо, цохӀо нухалъ Аллагьасул халкъалъе кьураб дин цӀунун цӀидасан къеркьейилан гьаризе кколеб бугелъул. 4Аллагьас суд гьабизе жидее къадар бугел цо-цо мунапикъзаби рорчӀун руго нилъеда гьоркьоре. Аллагьас цӀоб лъеялъул Рохалил хабар гьез хисизабулеб буго, жидерго пасалъи ритӀухъ гьабизе. Гьез инкар гьабулеб буго ГӀиса МасихӀидаса – цохӀо вугев нилъер ТӀадегӀанав ПарччахӀасдаса. 5Нужеда гьеб кинабго лъалеб бугониги, дие бокьун буго нужеда ракӀалде щвезабизе Мисриялда букӀараб ГӀизраилалъул халкъ Аллагьас цо нухалъ хвасар гьабунин. Цинги жинда божичӀелщинал хвезарула гьес. 6Жидее цӀан букӀараб хӀуччдаса церехун арал ва жалго руссараб бакӀги рехун тарал малаикзаби гьес абадиял рахсаца рухьун гъора бецӀлъуда чӀезарун руго, гьезие суд гьабулеб кӀудияб къо бачӀинегӀан. 7Нужеца ракӀалде щвезабе Содомги Гоморраги ва гьезда сверухъ рукӀарал шагьаралги: гьезги хъахӀбалъи гьабуна, гӀадаталдаса бахъараб къагӀидаялъ цогидаб хъублъиги гьабуна. Цогидазеги дарслъун букӀине, гьезие тамихӀлъун лъугьана абадияб цӀа. 8Доздаго релълъун гьел мунапикъзабазги жалго хъублъизарулел руго, гьелъие изну Аллагьасдасан рещтӀаниланги абун. Аллагьасул амруги рикӀкӀунеб гьечӀо гьез, малаикзабиги какулел руго. 9ТӀадегӀанав малаик МикагӀилги илбисги Муса аварагасул жаназа сабаблъун дагӀбадизе ккараб мехалъ, илбисалда гӀайиб чӀван квешаб рагӀи абичӀо гьес, «БетӀергьанас чӀезабилин мунилан» гурони. 10Гьел гӀадамазин абуни жидедаго бичӀчӀулареб-лъалареб жо какулеб буго. МацӀ лъалареб хӀайваналъул гӀадаб гӀакълуялдалъун жидедаго бичӀчӀулеб бугелъ ахирги хвалде рачина гьел. 11Балагьги гӀазабги гьезие! Къабилил нухдасан унел руго гьел. Жидерго хъантӀиялъ БилгӀамил гъалатӀалда нахърилълъунел руго. КъорахӀил гӀадинаб питнаялъ хвезарулел руго. 12Аллагьасе тӀагӀатги гьабун цадахъ кваназе нуж гӀодор чӀараб бакӀ, намус гьечӀого ханчӀон, хъублъизабула гьез. Гьел руго жидерго гурони агъаз гьечӀел, гьороца хъамун ун, цӀадае данделъуларел накӀкӀал гӀадин, хасалихъе тӀамах гъарал, тӀад пихъги бижуларел, кьалбалги ракъварал гъутӀби гӀадинал ва кӀицӀулго хварал гӀадинал гӀадамал. 13Гьел релълъуна гьалаглъараб ралъдада жидер инжитлъиялъул полоп тӀад барал карачалабазда, абадияб бецӀлъуде рехизе хӀукму жидее хӀадурун бугел, низам гьечӀого хьвадулел цӀвабзазда. 14Адамил анкьабилеб кьералдасан вахъарав Энохица цебеккунго гьезул хӀакъалъулъин бицунеб букӀараб: «Гьале, БетӀергьан вачӀунев вуго аза-азар малаикзабигун цадахъ 15киназего суд гьабизе. ВачӀунев вуго Аллагьасде гӀасилъун гьез гьарурал киналго гӀасиял ишазухъ ва дандечӀун абурал киналго гӀасиял рагӀабазухъ гьезул щивав чиясе тамихӀ гьабизе». 16Цогидал какун кидаго зигардулел рукӀуна гьел, чорхол гьаваялъ малъухъе хьвадула, гӀадамазда цере чӀухӀдарула ва, жидерго мурадалде щвезе, бадибе рецц гьабула.
Нужерго динги цӀунун, щулаго чӀезе ккола!
17Нужеца, дир хириял, ракӀалде щвезабе хадубккун лъугьине бугелъул хӀакъалъулъ нилъер ТӀадегӀанав ГӀиса МасихӀил чапарзабаз щиб бицунеб букӀарабали. 18Гьез нужеда абулеб букӀинчӀищ ахирзаманалда рахъине ругин намус гьечӀел ва Аллагьасде гӀасиял жидерго къасдазда хадур унел гӀадамал? 19Гьел руго жидеца рикьи ккезабулел, мунагьаб напсалъе мутӀигӀлъулел ва Илагьияб РухӀ жиделъ гьечӀел гӀадамал. 20Нуж, дир хириял, щулаго чӀа, нилъер бацӀцӀадаб динги цӀунун. Илагьияб РухӀалдалъун гьари-дугӀа гьабе. 21Аллагьасе рокьулел рукӀинги лъан, цӀуне нужго. Нилъер ТӀадегӀанав ГӀиса МасихӀ рещтӀиналъухъ ралагьун чӀа, жиндирго цӀобалдалъун гьес нужее абадияб гӀумру кьела. 22Васвасалда ругездаги гурхӀа нуж. 23Цоял жужахӀалъул цӀадудаса хвасар гьаризе ккела нужеца. Цогидазда гурхӀизе ккела, амма мунагьаз хъублъизабураб гьезул ратӀлида хъвазегицин Аллагьасукьа хӀинкъа нуж!
Кагътил ахир
24Жиндирго къудрат загьир гьабулеб заманалда къосиналдасаги хъублъиялдасаги цӀунун, нуж рохизаризе кӀолев 25ва ТӀадегӀанав ГӀиса МасихӀидалъун нилъ хвасар гьарулев Цо вугев Аллагьасе рецц! Гьесул къуватги хӀалкӀолъиги кӀудияб буго цебеги, гьанжеги ва абадул абадиялъги. Амин!
Currently Selected:
Ягьудал кагъат 1: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Ягьудал кагъат 1
1
Саламалъул рагӀаби
1ГӀиса МасихӀил лагъ ва Якъубил вац Ягьудал рахъалдасан Аллагьас тӀаса рищаразде, Эмен – Аллагьасе рокьулезде ва ГӀиса МасихӀица цӀунун ругезде салам. 2Рекъелги, рокьиги ва Аллагьасул цӀобги цӀикӀкӀаги нужее.
Гьереси тӀибитӀизабулел гӀадамал
3Дица хӀаракат бахъана, дир хириял, нилъее насиблъараб хвасарлъиялъул хӀакъалъулъ хъвазе. Гьаб кагъат хъвачӀого рес букӀинчӀо, цохӀо нухалъ Аллагьасул халкъалъе кьураб дин цӀунун цӀидасан къеркьейилан гьаризе кколеб бугелъул. 4Аллагьас суд гьабизе жидее къадар бугел цо-цо мунапикъзаби рорчӀун руго нилъеда гьоркьоре. Аллагьас цӀоб лъеялъул Рохалил хабар гьез хисизабулеб буго, жидерго пасалъи ритӀухъ гьабизе. Гьез инкар гьабулеб буго ГӀиса МасихӀидаса – цохӀо вугев нилъер ТӀадегӀанав ПарччахӀасдаса. 5Нужеда гьеб кинабго лъалеб бугониги, дие бокьун буго нужеда ракӀалде щвезабизе Мисриялда букӀараб ГӀизраилалъул халкъ Аллагьас цо нухалъ хвасар гьабунин. Цинги жинда божичӀелщинал хвезарула гьес. 6Жидее цӀан букӀараб хӀуччдаса церехун арал ва жалго руссараб бакӀги рехун тарал малаикзаби гьес абадиял рахсаца рухьун гъора бецӀлъуда чӀезарун руго, гьезие суд гьабулеб кӀудияб къо бачӀинегӀан. 7Нужеца ракӀалде щвезабе Содомги Гоморраги ва гьезда сверухъ рукӀарал шагьаралги: гьезги хъахӀбалъи гьабуна, гӀадаталдаса бахъараб къагӀидаялъ цогидаб хъублъиги гьабуна. Цогидазеги дарслъун букӀине, гьезие тамихӀлъун лъугьана абадияб цӀа. 8Доздаго релълъун гьел мунапикъзабазги жалго хъублъизарулел руго, гьелъие изну Аллагьасдасан рещтӀаниланги абун. Аллагьасул амруги рикӀкӀунеб гьечӀо гьез, малаикзабиги какулел руго. 9ТӀадегӀанав малаик МикагӀилги илбисги Муса аварагасул жаназа сабаблъун дагӀбадизе ккараб мехалъ, илбисалда гӀайиб чӀван квешаб рагӀи абичӀо гьес, «БетӀергьанас чӀезабилин мунилан» гурони. 10Гьел гӀадамазин абуни жидедаго бичӀчӀулареб-лъалареб жо какулеб буго. МацӀ лъалареб хӀайваналъул гӀадаб гӀакълуялдалъун жидедаго бичӀчӀулеб бугелъ ахирги хвалде рачина гьел. 11Балагьги гӀазабги гьезие! Къабилил нухдасан унел руго гьел. Жидерго хъантӀиялъ БилгӀамил гъалатӀалда нахърилълъунел руго. КъорахӀил гӀадинаб питнаялъ хвезарулел руго. 12Аллагьасе тӀагӀатги гьабун цадахъ кваназе нуж гӀодор чӀараб бакӀ, намус гьечӀого ханчӀон, хъублъизабула гьез. Гьел руго жидерго гурони агъаз гьечӀел, гьороца хъамун ун, цӀадае данделъуларел накӀкӀал гӀадин, хасалихъе тӀамах гъарал, тӀад пихъги бижуларел, кьалбалги ракъварал гъутӀби гӀадинал ва кӀицӀулго хварал гӀадинал гӀадамал. 13Гьел релълъуна гьалаглъараб ралъдада жидер инжитлъиялъул полоп тӀад барал карачалабазда, абадияб бецӀлъуде рехизе хӀукму жидее хӀадурун бугел, низам гьечӀого хьвадулел цӀвабзазда. 14Адамил анкьабилеб кьералдасан вахъарав Энохица цебеккунго гьезул хӀакъалъулъин бицунеб букӀараб: «Гьале, БетӀергьан вачӀунев вуго аза-азар малаикзабигун цадахъ 15киназего суд гьабизе. ВачӀунев вуго Аллагьасде гӀасилъун гьез гьарурал киналго гӀасиял ишазухъ ва дандечӀун абурал киналго гӀасиял рагӀабазухъ гьезул щивав чиясе тамихӀ гьабизе». 16Цогидал какун кидаго зигардулел рукӀуна гьел, чорхол гьаваялъ малъухъе хьвадула, гӀадамазда цере чӀухӀдарула ва, жидерго мурадалде щвезе, бадибе рецц гьабула.
Нужерго динги цӀунун, щулаго чӀезе ккола!
17Нужеца, дир хириял, ракӀалде щвезабе хадубккун лъугьине бугелъул хӀакъалъулъ нилъер ТӀадегӀанав ГӀиса МасихӀил чапарзабаз щиб бицунеб букӀарабали. 18Гьез нужеда абулеб букӀинчӀищ ахирзаманалда рахъине ругин намус гьечӀел ва Аллагьасде гӀасиял жидерго къасдазда хадур унел гӀадамал? 19Гьел руго жидеца рикьи ккезабулел, мунагьаб напсалъе мутӀигӀлъулел ва Илагьияб РухӀ жиделъ гьечӀел гӀадамал. 20Нуж, дир хириял, щулаго чӀа, нилъер бацӀцӀадаб динги цӀунун. Илагьияб РухӀалдалъун гьари-дугӀа гьабе. 21Аллагьасе рокьулел рукӀинги лъан, цӀуне нужго. Нилъер ТӀадегӀанав ГӀиса МасихӀ рещтӀиналъухъ ралагьун чӀа, жиндирго цӀобалдалъун гьес нужее абадияб гӀумру кьела. 22Васвасалда ругездаги гурхӀа нуж. 23Цоял жужахӀалъул цӀадудаса хвасар гьаризе ккела нужеца. Цогидазда гурхӀизе ккела, амма мунагьаз хъублъизабураб гьезул ратӀлида хъвазегицин Аллагьасукьа хӀинкъа нуж!
Кагътил ахир
24Жиндирго къудрат загьир гьабулеб заманалда къосиналдасаги хъублъиялдасаги цӀунун, нуж рохизаризе кӀолев 25ва ТӀадегӀанав ГӀиса МасихӀидалъун нилъ хвасар гьарулев Цо вугев Аллагьасе рецц! Гьесул къуватги хӀалкӀолъиги кӀудияб буго цебеги, гьанжеги ва абадул абадиялъги. Амин!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023