Тархъанлъи 30

ГьуинмахӀал рухӀулеб бакӀ

(Тархъ. 37:25-28)

1Акациялъул цӀулал гьабе гьитӀинаб къурбан-бакӀ, гьуинмахӀал тӀад рухӀизе. 2Биччанте гьеб ункъбокӀонаб букӀине: цо натӀалъул халалъиги гӀеблъиги бугеб ва кӀиго натӀалъул борхалъиги бугеб. Гьелъул бокӀназда чӀварал лълъурдулги гьебги цорекӀараб гьабе. 3БацӀцӀадаб месед бекье гьелъул тӀогьалдаги, хьалбаздаги, лълъурдуздаги, ва гьелъул тӀадехун рахъалда сверун меседил чалу гьабе. 4КӀиго меседил гор гьабе ва, чалуялда гъоркьан, кӀиго рахъалда цо-цо рекӀинабе, гьеб баччулел гӀурдул жанир лъезе санагӀаталда. 5ГӀурдул гьаре акациялъул цӀулал ва месед бекье гьезда тӀад. 6Гьеб меседил къурбан-бакӀ лъе КъотӀиялъул гъамас нахъа лъураб пардавалда цебе, мунгун дандчӀвалеб мехалда Дун вукӀине вугеб тӀалъелалда дандбитӀун кколедухъ.

7Биччанте Гьаруница щибаб радал гьуинмахӀал рухӀизе, нахучирахъазде нах тӀолеб мехалда. 8Биччанте маркӀачӀудаги рухӀизе, нахучирахъазда цӀа бакулеб мехалда. Биччанте рукӀинесел гӀелазги кидаго БЕТӀЕРГЬАНАСДА цебе гьениб гьуинмахӀ бухӀизе. 9Гьеб бакӀалда тӀокӀаб батӀияб жо бухӀуге: я батӀиял гьуинмахӀал, я тӀубан бухӀулеб къурбан, я ролъул садакъа, я къурбан-бакӀалде тӀолеб лъамалъи. 10ЛъагӀалида жаниб цо нухалда#30:10 Кипурималъул къоялъ, ай тархъанлъиялъул яги мунагьаздаса рацӀцӀалъиялъул къоялъ. Гьеб буго лъагӀалида жаниб цо нухалъ тӀобитӀизе кколеб хасаб динияб байрам. Гьаруница тархъанлъиялъул гӀадат тӀобитӀизе буго гьеб къурбан-бакӀалда тӀад, гьезул бокӀназда чӀварал лълъурдузда мунагьаздаса рацӀцӀалъизарулеб къурбаналъул биги бахун. ЛъагӀалидаса лъагӀалиде, наслабаз наслабазухъе кьун, гьедин гьабизе ккола. Гьеб къурбан-бакӀ буго БЕТӀЕРГЬАНАСУЛ кӀудияб хиралъи».

РикӀкӀен гьабиялъухъ гӀарац кьей

11БЕТӀЕРГЬАНАС Мусада абуна:

12«ГӀизраилазул халкъ рикӀкӀунеб мехалда, биччанте щивас БЕТӀЕРГЬАНАСЕ жиндирго гӀумруялъухъ хӀакъ кьезе, гьеб рикӀкӀен гьаби сабаблъун гьезде кинабгӀаги балагь рещтӀинчӀого букӀине. 13РикӀкӀен гьабулеб мехалда щивас кьезе ккола гӀарцул бащдаб шекел БЕТӀЕРГЬАНАСУЛ Мукъадасаб бакӀалде (Чадиралда хӀалтӀизабулеб, ай, къого гера бугеб шекелалъул бащдаб). 14БЕТӀЕРГЬАНАСЕ хӀакъ кьезе ккола къого сонил ригьалдаса тӀаде арав щивав чияс. 15Гьедин жиндирго гӀумруялъухъ БЕТӀЕРГЬАНАСЕ хӀакъ кьолеб мехалда, бечедаз бащдаб шекелалдаса цӀикӀкӀун кьоге ва мискиназги гьелдаса дагьаб кьоге. 16ГӀизраилазухъа бакӀарараб гьеб гӀарац Чадиралъе хӀалтӀизабе. ГӀизраилазул гӀумру хвасар гьабиялъул хӀакъ хӀисабалда букӀина гьеб БЕТӀЕРГЬАНАСДА цебе».

Мазгарул хӀерч

17БЕТӀЕРГЬАНАС Мусада абуна:

18«Мазгарул кӀудияб хӀерч гьабе, гьелъие мазгарул гъоркьчӀелги лъе. Гьеб лъе Чадиралдаги къурбан-бакӀалдаги гьоркьоб ва гьелда жанибе лъим тӀе. 19Биччанте Гьаруницаги гьесул васазги гьелда жаниб бугеб лъеца чуризе квералги хӀатӀалги. 20Чадиралъуре лъугьиналда цебе гьез хӀатӀал-кверал чуризе ккола, гурони гьел хвезе руго. БЕТӀЕРГЬАНАСЕ къурбан бухӀизе къурбаналъул бакӀалде гӀагарлъилалда цебеги 21гьез квералги хӀатӀалги чуризе ккола, гурони гьел хвезе руго. Гьеб низам даимаблъун букӀине ккола Гьаруниеги гьесул рукӀинесел наслабазеги».

Хирияб нах

22БЕТӀЕРГЬАНАС Мусада абуна:

23«Росе бищун лъикӀал махӀгьуинал жал: лъамияб мирраялъул щунусго шекел#30:23 ГӀага-шагарго 5,5 кило.; гьелъул бащадаб, ай кӀинусиялда кӀикъоялда анцӀго шекел#30:23 ГӀага-шагарго 2,750 кило. махӀ берцинаб дарчиналъул; кӀинусиялда кӀикъоялда анцӀго шекел махӀ берцинаб муцӀиялъул; 24щунусго шекел кассиялъул. ЧӀезабураб къадаралда гьеб кинабгоги ва цо гин#30:24 Гин – 3,5 литра. зайтуналъул нахулги босе. 25Гьеб кинабгоги жубан, хирияб нах гьабе – махщалида хӀадурараб гьуинаб махӀалъул нах. Гьеб букӀине буго хасаб хирияб бахунеб нахлъун. 26Гьеб нах бахе Чадиралдаги, КъотӀиялъул гъамасалдаги, 27столалдаги, кинабго столалъул цӀарагӀалдаги, киса-кибего щвезабун нахучирахъалдаги, гьуинал махӀал тӀад рухӀулеб къурбан-бакӀалдаги, 28къурбанал тӀад рухӀулеб къурбан-бакӀалдаги гьелъул тӀолабго цӀарагӀалдаги, лъим жанибе тӀолеб хӀерчалдаги ва гьелъул гъоркьчӀелалдаги. 29Гьедин бацӀцӀад гьабе гьеб кинабго ва гьеб кӀудияб хиралъилъун лъугьине буго, гьелда хъварабщинабги хирияблъун лъугьине буго.

30Хирияб нах бахе Гьарунидаги гьесул васаздаги, гьел Дир кашишзабилъун тӀаса рищун рукӀиналъул хӀисабалда. 31ГӀизраилазда абе: „Гьаб буго хирияб нах, динияб гӀиллагун бахунеб, рукӀинесел гӀелазеги гьединаблъун хутӀизе кколеб. 32Хирияб нах батӀиял чагӀаз бахине бегьуларо ва гьелда релълъараб къагӀидаялъ нужеего махӀгьуинаб нах гьабизе бегьуларо. Гьеб нах – хирияб нах, нужее мукъадасаблъун букӀине ккола гьеб. 33Гьелда релълъараб махӀгьуинаб нах гьабурав, яги кашиш тун батӀияв чиясда гьеб бахарав чи халкъалда гьоркьоса вачахъизе вуго“».

МахӀгьуинаб жубай

34БЕТӀЕРГЬАНАС Мусада абуна:

«Росе жеги махӀгьуинал пицӀалги хурдулги: натаф, шехелет, хельбена ва бацӀцӀадаб ладан – кинабго цоцада бащад, 35ва гьезул махӀгьуинаб жубай гьабе, махщел цӀикӀкӀарав устарасул гӀадинаб, гъорлъ цӀамги жубараб, бацӀцӀадаб ва мукъадасаб. 36Хадуб гьеб хӀаризабе ва КъотӀиялъул гъамасалда цебе лъе, мунгун Дун дандчӀвазе вугеб Чадиралъуб. Нужее гьеб букӀине буго кӀудияб хиралъилъун. 37Нужеего гӀоло гьелда релълъараб махӀгьуинаб жубай гьабуге. Гьеб БЕТӀЕРГЬАНАСУЛ хиралъилъун кколеблъи кӀочонге. 38Жиндицаго лазат босизе гьединаб махӀгьуинаб жубай гьабурав щивав чи вачахъизе вуго халкъалда гьоркьоса».

Currently Selected:

Тархъанлъи 30: АварАК

Highlight

Copy