Jôhany 1:35, 36, 37, 38, 39, 40, 41, 42, 43, 44, 45, 46, 47, 48, 49, 50, 51
Jôhany 1:35 DIEM
Ny ampitson’iny indray, dia mbola teo ihany i Jôhany sy ny mpianany roa lahy
Jôhany 1:36 DIEM
ary nahatazana an’i Jesoa nandalo i Jôhany ka hoy izy hoe: –Indro ny Zanakondrin’Andriamanitra!
Jôhany 1:37 DIEM
Nandre an’i Jôhany niteny izany ireto mpianany roa lahy ka lasa nanaraka an’i Jesoa.
Jôhany 1:38 DIEM
Ary nitodika i Jesoa ka nahita azy roa lahy nanaraka, dia nanao taminy hoe: –Inona no tadiavinareo izay? Ka novalian’izy roa lahy hoe: –Rabỳ ô, (izany hoe Mpampianatra ô, raha adika), aiza ianao no mitoetra?
Jôhany 1:39 DIEM
Dia hoy i Jesoa taminy: –Avia, fa ho hitanareo! Koa dia nandeha izy roa lahy ka nahita izay nitoeran’i Jesoa ary nitoetra teo aminy tamin’io andro io. (Tokony ho tamin’ny efatra tolakandro tamin’izay).
Jôhany 1:40 DIEM
I Andrea, rahalahin’i Simôna Petera, no anankiray tamin’izy roa lahy nandre ny tenin’i Jôhany, ka nanaraka an’i Jesoa.
Jôhany 1:41 DIEM
Ny nihaonan’i Andrea voalohany dia i Simôna rahalahiny ka nilazany hoe: –Efa hitanay ny Mesia (izany hoe i Kristy na hoe Voahosotra, raha adika)!
Jôhany 1:42 DIEM
Dia nentin’i Andrea nankany amin’i Jesoa i Simôna; ary nony nijery azy i Jesoa, dia nanao hoe: –Ianao no Simôna, zanakalahin’i Jônà! Hantsoina hoe Kefasy ianao (izany hoe Petera na hoe Vato, raha adika)!
Jôhany 1:43 DIEM
Ny ampitson’iny, dia niroso nankany amin’ny faritany Galilea i Jesoa; tafahaona tamin’i Filipo Izy ary nanao taminy hoe: –Avia hiaraka amiko!
Jôhany 1:44 DIEM
I Filipo dia avy any Betsaidà, tanàna fiavian-dry i Andrea sy i Petera.
Jôhany 1:45 DIEM
Tafahaona tamin’i Natanaela kosa i Filipo ka niteny taminy hoe: «Efa hitanay Ilay voalazan’i Mosesy tao amin’ny bokin’ny Lalàna sy voalazan’ireo mpaminany, dia i Jesoa zanak’i Jôsefa, Ilay avy any Nazareta.»
Jôhany 1:46 DIEM
Ary hoy i Natanaela taminy: –Moa mba mety hisy zava-tsoa ve avy any Nazareta? Dia novalian’i Filipo hoe: –Ndao ianao hizaha!
Jôhany 1:47 DIEM
Nahita an’i Natanaela tamy nanatona Azy i Jesoa ka izao no teniny momba an’i Natanaela: –Izany ka tena Israelita tsy misy fitaka!
Jôhany 1:48 DIEM
Dia hoy i Natanaela taminy: –Ahoana no ahafantaranao ahy? Ka novalian’i Jesoa hoe: –Talohan’ny niantsoan’i Filipo anao, dia hitako teo ambany aviavy ianao!
Jôhany 1:49 DIEM
Fa i Natanaela kosa nilaza taminy hoe: –Mpampianatra ô, Ianao no Zanak’Andriamanitra, Ianao no Mpanjakan’i Israely!
Jôhany 1:50 DIEM
Ary novalian’i Jesoa hoe: –Mino ve ianao satria nilazako fa hitako teo ambany aviavy? Zavatra lehibe noho izany no mbola ho hitanao!
Jôhany 1:51 DIEM
Dia hoy koa i Jesoa tamin-dry i Natanaela: –Lazaiko marina dia marina aminareo fa ho hitanareo ny lanitra misokatra mbamin’ny anjelin’Andriamanitra miaka-midina eo ambonin’ny Zanak’olona!





