Jôhany 1:2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34
Jôhany 1:2 DIEM
Tamin’ny voalohany, dia nitodika tany amin’Andriamanitra ilay Teny
Jôhany 1:3 DIEM
Izy no naharian’Andriamanitra ny zavatra rehetra, ka raha tsy teo Izy dia tsy nisy ary ny zavatra noarîna.
Jôhany 1:4 DIEM
Ilay Teny no nirakitra ny aina, ary io aina io no nitondra fahazavana ho an’ny olombelona.
Jôhany 1:5 DIEM
Ary ny fahazavana dia mamirapiratra anatin’ny haizina, ka tsy nahasakana azy ny haizina.
Jôhany 1:6 DIEM
Nisy lehilahy anankiray nirahin’Andriamanitra: i Jôhany no anarany.
Jôhany 1:7 DIEM
Tonga hijoro ho vavolombelona i Jôhany, dia vavolombelona hanambara ilay fahazavana; ka ny hafatra nampitain’i Jôhany no hampino ny olona rehetra.
Jôhany 1:8 DIEM
Tsy hoe i Jôhany no fahazavana, fa izy no ho vavolombelona hanambara ny fahazavana.
Jôhany 1:9 DIEM
Ilay Teny no tena fahazavana tonga amin’izao tontolo izao sady manazava ny olombelona rehetra.
Jôhany 1:10 DIEM
Teo amin’izao tontolo izao ilay Teny; ary Izy no nahariana an’izao tontolo izao, nefa izao tontolo izao dia tsy nahalala Azy.
Jôhany 1:11 DIEM
Tonga teo amin’ny taniny Izy, fa tsy noraisin’ny mpiray firenena aminy.
Jôhany 1:12 DIEM
Kanefa izay rehetra nandray Azy ary nino Azy, dia nomeny fahefana ho tonga zanak’Andriamanitra
Jôhany 1:13 DIEM
izy ireo dia nateraka tsy araka ny fomban’olombelona miankina amin’ny sitrapon-dehilahy, fa araka ny fomban’Andriamanitra.
Jôhany 1:14 DIEM
Ilay Teny dia tonga olombelona, ka niara-nonina taminay. Feno fahasoavana sy fahamarinana Izy ary hitanay ny voninahiny, dia voninahitra avy amin’ny Ray ho an’ny Zanaka lahitokana.
Jôhany 1:15 DIEM
Vavolombelona manambara Azy i Jôhany ka niantso mafy hoe: –Izy no Ilay voalazako hoe: «Ilay tamy aoriako dia lehibe noho izaho, satria efa nisy talohako.»
Jôhany 1:16 DIEM
Feno harem-pahasoavana ilay Teny ka nandraisantsika rehetra fahasoavana tovozin-tsy ritra
Jôhany 1:17 DIEM
satria ny lalàna dia nomen’Andriamanitra tamin’ny alalan’i Mosesy, fa ny fahasoavana sy ny fahamarinana kosa dia tonga tamin’ny alalan’i Jesoa Kristy.
Jôhany 1:18 DIEM
Tsy nisy nahita an’Andriamanitra na oviana na oviana; fa ny Zanaka lahitokana, Izay Andriamanitra sy miombona tanteraka amin’ny Ray, no efa nanambara Azy.
Jôhany 1:19 DIEM
Toy izao no fijoroan’i Jôhany ho vavolombelona. Nisy mpisorona sy levita nirahin’ny manampahefana jiosy avy any Jerosalema hankeo aminy, mba hanontany azy hoe: –Iza moa ianao?
Jôhany 1:20 DIEM
Tsy nandà ny hamaly izy fa nilaza mazava hoe: –Tsy izaho no ilay Mesia!
Jôhany 1:21 DIEM
Ary nanontany azy ry zareo hoe: –Ahoana àry? I Elià ve ianao? Dia novaliany hoe: –Tsy izy aho! Ka hoy ireo taminy: –Ilay Mpaminany ve ianao? Fa novaliany hoe: –Tsia!
Jôhany 1:22 DIEM
Tamin’izay ry zareo dia niteny tamin’i Jôhany hoe: –Iza àry ianao, mba hitondranay valin-teny any amin’izay naniraka anay? Lazainao ho iza ny tenanao!
Jôhany 1:23 DIEM
Dia hoy izy: –Izaho no «feon’olona miantso mafy ao an-taniefitra hoe: ahitsio ny lalan’ny Tompo», araka ny tenin’i Isaià mpaminanin’Andriamanitra.
Jôhany 1:24 DIEM
Ary nisy avy amin’ny Farisianina ireto olona nirahina teo amin’i Jôhany
Jôhany 1:25 DIEM
ka nanontany azy hoe: –Nahoana àry ianao no manao batisa, raha toa tsy ianao no ilay Mesia na i Elià na ilay Mpaminany?
Jôhany 1:26 DIEM
Ka novalian’i Jôhany hoe: –Ny ahy, ao amin’ny rano no anaovako batisa; fa eo anivonareo misy olona anankiray tsy fantatrareo
Jôhany 1:27 DIEM
dia Ilay tamy aoriako, ary tsy mendrika hamaha ny fehikapany akory aho!
Jôhany 1:28 DIEM
Izany zavatra izany dia niseho tany Betania, andafy atsinanan’ny ony Jôrdàna, teo amin’ny fanaovan’i Jôhany batisa.
Jôhany 1:29 DIEM
Nony ampitso, dia nahita an’i Jesoa avy nanatona azy i Jôhany ka hoy izy: –Indro ny Zanakondrin’Andriamanitra, Ilay manala ny fahotan’izao tontolo izao!
Jôhany 1:30 DIEM
Izy indrindra Ilay nolazaiko hoe: «Misy lehilahy tamy aoriako, Izay lehibe noho izaho, satria efa nisy talohako.»
Jôhany 1:31 DIEM
Ary izaho dia tsy nahalala Azy; fa mba hampisehoana Azy amin’ny vahoaka Israely no nahatongavako hanao batisa ao amin’ny rano.
Jôhany 1:32 DIEM
I Jôhany no vavolombelona nanambara hoe: –Efa hitako ny Fanahy Masina nidina avy any an-danitra toy ny voromahailala, ka nitoetra teo amboniny.
Jôhany 1:33 DIEM
Ary izaho dia tsy nahalala Azy; fa Andriamanitra, Izay naniraka ahy hanao batisa ao amin’ny rano, no nilaza tamiko hoe: «Ilay ho hitanao idinan’ny Fanahy Masina sy itoerany eo amboniny, dia Izy no Mpanao batisa ao amin’ny Fanahy Masina.»
Jôhany 1:34 DIEM
Ary nahita aho, ka dia vavolombelona manambara fa Izy no Zanak’Andriamanitra.



![[Truth & Love] in Word and Deed Jôhany 1:2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34 DIEM PROTESTANTA](/_next/image?url=https%3A%2F%2Fimageproxy.youversionapi.com%2Fhttps%3A%2F%2Fs3.amazonaws.com%2Fyvplans%2F39006%2F1440x810.jpg&w=3840&q=75)

