Zaburu 110
110
Al Masi sumai Momembalina Raja tee Imamu
110:1-7
1 #
Mat. 22:44; Mrk. 12:36; Luk. 20:42-43; Tul. 2:34-35; 1Kor. 15:25; Kol. 3:1. Zaburuna Daud.
Mboo siimo o firimanina KAWASANA OPU to Opuku,#110:1 Opuku: Iwe sii o Kawasana Opu afirimani i Opuna Nabii Daud. Mboomo motoburina i nuncana Kitabi Lele Malape, Opu sumai atosarongiaka Isa Al Masi (kamata Mat. 22:44).
"Uncuramo i weta kaanaku,
sakawana kupewau manga musumu amembali polandakana aemu."
2KAWASANA OPU bheapekaewa pamarintamu minaaka i Kota Sion.
Kokuasamo i tanga-tangana manga musumu!
3Raʼeatimu arela bheamaju tee totona incana,
i eona ukapalai manga pasukamu
i bhawona manga gunu momangkilo.
Manga ana manguramu bheaumba i aroamu,
mboomo alo mosapona i wakutuuna raneeo.
4KAWASANA OPU padhamo apotunda
tee Incia inda bheahelaia pendua o kambotuna,
"Ingkoo satotuuna o imamu to saʼumurua
mboomo tuturana Malkisedik."#110:4 Malkisedik: Imamu tee rajana Salem moumbana i Abram sapadhana incia atalo Raja Kedorlaomer tee manga raja mopobhawana tee incia. Siitumo incia momembalina polanciringa mopokanana tee Al Masi bhemoumbana tee bhemotoangkana to amembali raja tee imamu. Kamata Bhaa. 14:17-24 tee Ibr. 7:1-28.
5Kawasana Opu dhaangia i weta kaanamu;
Incia bheapahancuru manga raja i eona pamuruna.#110:5 Incia bheapahancuru manga raja i eona pamuruna: I wakutuuna aahirina zamani, Opu sumai bheapekatalo bhari-bharia pamarinta inda moʼadili (kamata Zab. 110:1; 2:6-9).
6Incia bheahukumu manga lipu,
sabutuna o lipu sumai abukeaka tee manga maeati.
Incia bheapasaki bhaana manga musuna i saangua alamu.
7Incia bheasumpu minaaka i saangu umala modhaangiana i bhiwina dhala,
siitumo incia bheaangka bhaana roonamo padhamo atalo manga musuna.
Currently Selected:
Zaburu 110: KMW
Highlight
Copy
Compare
Share
Want to have your highlights saved across all your devices? Sign up or sign in
Ongoing © Wycliffe Bible Translators, Inc
